Revista escolar do CEIP Plurilingüe Os Casais de Maniños. Curso 2017-18.

2. 1
ÍNDICE
Limiar 2
Educación Infantil: O noso proxecto 3
1º e 2º Primaria: Unha exposición colorida 7
3º Primaria: O que nos fai diferentes 8
4º Primaria: 13
O Festival de Inverno 13
O Entroido 15
5º e 6º Primaria: 18
Entrega do XXX Premio Nacional de Poesía Xosemaría
Pérez Parallé
18
Luces de Futuro 21
Visita de Carme Romero 26
Arte: Haikus e Cómics 30
Presentación do Programa TEI (Titoría Entre Iguais) 56
A Robótica nos Casais 58
Consultorio da Señorita Pepis 60
Sports Crossword 62
Saúdo de Micabigotes 63
O muro d@s artistas 65
Despedida de 6º 66
Os cachorros de María Victoria Moreno 67

3. 2

4. 3
DURANTE CASE TODO O CURSO TRABALLAMOS

5. 4

6. 5

7. 6

8. 7
1º e 2º EP: UNHA EXPOSICIÓN
COLORIDA
Os alumnos de primaria do CEIP Plurilingüe Os Casais foron visitar unha exposición
de pinturas, de Beatriz Seijo Lamas, á Casa da Cultura de Fene.
O venres 4 de maio, todos os alumnos de primaria do CEIP Os Casais
fomos visitar unha exposición na Casa da Cultura de Fene, da pintora
fenesa, Beatriz Seijo Lamas.
Alí, na exposición, estaba a pintora que nos explicou como fixo algúns
dos seus cadros e en que se inspirou para facelos. Contounos tamén que
utilizaba moitas técnicas distintas entre elas o puntillismo. Entre os seus
cadros había dous autorretratos moi bonitos e realistas. En xeral, os seus
cadros eran moi coloridos e moi imaxinativos. Beatriz contounos que moitas
veces se inspiraba na forma das nubes.
Despois de explicarnos cada un dos seus cadros da exposición lle
fixemos unhas preguntas que tiñamos preparadas previamente. Algunhas
delas foron as seguintes:
En que te inspiraches para facer os teus cadros?
Como utilizas as cores?
Cando empezaches a pintar cadros?
Quen te ensinou a pintar?
Cantos cadros tes?
Cal foi o teu primer cadro?
Utilizas a técnica do “puntillismo”?
A exposición foi moi interesante e colorida. Gustounos moitíiiisimo!. E
quedamos moi contentos coa pintora xa que foi moi amable con nós e tivo
moita paciencia. Grazas Beatriz e que sigas pintando así de ben!!!!!!!!!!
ALUMN@S DE 1º e 2º

9. 8
O QUE NOS FAI DIFERENTES
Limpeza do Río Baa
O xoves 28 de setembro fomos camiñando ó río Baa, o río que está preto
do colexio todos os nenos de 1º, 2º, 3º, 4º, 5º, e 6º de primaria cos profesores.
Antes viñeron a explicarnos o que íamos facer. Dividímonos en dous grupos,
un foi por un lado do río e cando volveron fomos para o outro. Regaláronnos uns
guantes e unha camiseta e encontramos moito lixo. O que máis me gustou foi
mollarnos no río, porque nos metemos
nel para limpalo.
Adrián Dopazo Castro
Teatro “Lúa”
Ola, vouvos falar da obra que fomos ver en autobús ó Padroado da Cultura
de Narón. A data cadrou nun xoves 9 de novembro e fomos 3º, 4º, 5º e 6º de
primaria. A obra chamábase “Lúa”, comezaba cunha barreira no chan que dividía
dous lados. Nun lado atopábase un home cunha tablet de cartón
imaxinaria e no outro lado un segundo home con outra tablet. Esta é a
maneira que tiñan de comunicarse en vez de falarse cara a cara. Despois
dun longo tempo comunicándose desta maneira chegou unha gran muller
chamada Lúa e o que fixo foi falar cara a cara para resolver todos os
problemas da xente. O que máis me gustou da obra foi o papel de Lúa, a
forma que tiña de resolver os problemas gustoume moito.
Lucía Abeal Maroño

10. 9
Salvamento Marítimo
O día 21 de novembro fomos todo o cole de
excursión á Base Estratéxica de Salvamento marítimo
situada no polígono de Vilar do Colo. Cando chegamos
dividímonos en tres grupos, cada grupo viu cousas
diferentes. No meu grupo ensináronnos un robot que se
movía por ordenadores, a pegar parches, unha piscina moi
sucia e uns equipos de mergullo. Cando saímos déronnos un bolígrafo, un adhesivo
e un libro. O que máis me gustou foi o robot. Ainhoa Negreira Castro
Anxo Moure
O luns 29 de xaneiro veu Anxo Moure ó noso colexio polo Día Escolar da
non Violencia e da Paz. Tivemos que subir á biblioteca dende infantil ata 6º de
primaria. Anxo Moure escolleu a algunhas persoas para facer unha mestura coa
que nos ensinou a facer corazóns e cadrados con follas de periódico.
E mentres que uns facían a mestura ía contándonos
un conto. Antes de irse pediunos que cando
secaran as figuras lles sacáramos unha foto para
enviarlla por correo.
A min o que máis me gustou foi que nos pediu
que leváramos unha folla de periódico cunha mala
noticia. E sabedes para que era? Para romper e así facer a mestura para facer as
formas, así as malas noticias xa non eran malas, eran boas!
Antía Riveiro Primoy

11. 10
Martin Hutchinson e Starsky
A vida de Martin Hutchinson, un nativo de Manchester (Reino Unido) de 56
anos, ten ó menos tres grandes apartados. O primeiro da súa vida normal de
bombeiro en Gran Bretaña ata o ano 2006. E os outros dous despois: o viaxeiro
incansable por todo o mundo, primeiro a pé e despois nunha bicicleta especial e a
súa loita polo medio ambiente.
Estas dúas van xuntas, pero non é habitual
encontrar quen recorra o planeta nun traballo tan
incansable a prol da información e concienciación.
Nas súas mil paradas por decenas de países
veu ó CEIP Plurilingüe Os Casais, o noso cole, o 31 de xaneiro onde nos explicou o
que fai, mostrando fotos e vídeos e sobre todo os bastóns de algodón que se
encontran nas miles de praias. Helena Mandaradoni Yáñez
Museo Etnográfico e CEIP Mosteiro de Caaveiro
O mércores 21 de febreiro fomos a un museo etnográfico da Capela e
despois fomos ao CEIP Mosteiro de Caaveiro.
No museo etnográfico vimos fotos de moitas cousas antigas, como uns
muíños. Explicáronnos moitas cousas, foi moi divertido porque aprendemos cousas
novas. Despois fomos ao colexio, alí fixemos moitos
xogos que nos explicaron os nenos e nenas, como por
exemplo os zancos, as chapas, a corda, etc. O cole tiña
por dentro como un museo sobre xogos tradicionais
como o peón, o patinete, a mariola, as bólas, etc.
Paula Bellón Montero

12. 11
Atletismo divertido
O xoves 22 de marzo fomos a “Atletismo divertido” todos os nenos e
nenas de primaria. Con nos viñeron o CPI A Xunqueira e o CEIP Centieiras.
“Atletismo divertido” é unha actividade que
se organiza no pavillón de San Valentín en Fene.
Fixemos moitos xogos como a xavelina, esquivar
obstáculos e ao final fixemos unha carreira de
relevos,... Paramos un ratiño para merendar froita e
despois volvemos a xogar aos xogos que nos faltaban. Paramos para coller as
cousas e fomos no autobús para o colexio.
O que máis me gustou foi a carreira de relevos.
Alejandra González Rivera
Os xogos populares en Fene
O xoves 26 de abril todos os nenos e nenas de
primaria fomos a unha actividade con outros coles do
concello de Fene.
Cando chegamos dividíronnos en grupos por
cursos e xogamos a moitos xogos como a saltar a corda,
o xogo dunha cana de pescar cunha corda e un aro que hai que encaixar nunha
botella, as carreiras, a tirar da corda cun pano no medio que sinalaba o equipo
que gañaba ou o brilé.
No brilé hai dous equipos e hai diferentes formas de xogar, unha é
lanzando o balón ó outro equipo e se lle das a alguén o eliminas á zona dos
brilados e se dende esa zona brila volve ó seu sitio e outra forma é sen volver.
Hugo Marín Budiño

13. 12
EduCANdo con Malibú, a cadela.
O día 2 de maio de 2018 veu á escola unha
señora coa cadela Malibú. Fomos á biblioteca a
coñecela e a que nos ensinara como educar un can, que
non temos que comprar cans senón rescatalos ou
adoptalos.
Puxeron vídeos e fixemos xogos para aprender a
tratalos ben, a atalos, deixarlles auga,... Aprendemos todo iso para poder ser
adultos responsables.
Despois acariciamos a Malibú e despedímonos. Logo, na clase, recibimos uns
diplomas de expertos en educar ós cans.
Gustoume moito porque veu unha cadela moi bonita.
Mario Martínez Lago
Piscina
Dende o día 9 de abril ata o 4 de xuño imos á piscina municipal de
Centieiras. Todos os luns no recreo os nenos e nenas de educación primaria
collemos un autobús que nos leva á piscina. Alí entramos, imos ós vestiarios e
poñemos o gorro, o traxe de baño e as lentes.
Na piscina están todos os monitores, vixíannos e mándannos facer
diferentes xogos. Ó rematar cambiámonos, esperamos
na entrada, collemos o autobús que nos leva ao cole.
O que máis me gustou foi xogar coas pelotas e
meter gol na portería.
Daniel Casdelo Galán

14. 13
O Festival de Inverno
O Festival de Inverno do curso 2017 – 2018 celebrouse o día 22 de decembro
do 2017. Uns días antes, fixemos un montón de decoracións: como un photocall de
bonecos de neve e guirnaldas con cousas de Nadal, como bólas e calcetíns... Tamén
puxemos dúas árbores: unha árbore no salón de actos e outra na entrada (a dos
desexos).
O día do festival de inverno a primeira hora fomos ao ximnasio coa nosa
profesora e almorzamos, con Papá Noel e os elfos, leite con cacao e un montón de
delicias.
O ximnasio estaba decorado con
copos de neve. A colchoneta estaba
adornada coma un regalo de nadal. Enfronte
de ela, estaba Papa Noel. Ao lado da
colchoneta había unha cheminea. É ao lado
da cheminea había o saco vermello de Papa
Noel. No teito había colgadas bólas de nadal
vermellas e verdes, había unha mesa con
forma de U, e no centro había unha mesa en círculo onde estaban os nenos de infantil, e
Papa Noel sentado nun sofá tamén vermello. Ao lado de Papa Noel había unha caixa chea
de regalos.
Despois nos chamaron para darnos os regalos, que foron os seguintes :
- Infantil: zancos de monstros e a mochila da escola.
- 1°e 2° : dominó e mochila do colexio.
- 3°: xogo maxia e mochila do colexio.
- 4°: catapulta e a mochila do colexio.
- 5°e 6°: vaso con luces e mochila do colexio.

15. 14
Despois fomos á nosa clase e nos preparamos para as actuacións, que foron as
seguintes:
- ”O monstro de cores” (Infantil, 1°e 2°)
- ” Rudolph the red nosed reinder” (1° e 2°)
- Poema dos olores (1° e 2°)
- Rianskeira (4°)
- Teatro “A pastora mentireira” (3°)
-”Glee Jinglee Bell rock” (3°e 4°)
- “Despacito” con PAD ( instrumentos de percusión de altura determinada)
-Baile : “Mi gente” ( 5° y 6°)
-Tempestades de sal (todos os alumnos do colexio)
Despois das actuacións fomos ao ximnasio a merendar. De seguido saímos ao
recreo, que foi máis longo do normal . E finalmente fomos para clase a recibir as
notas .
Este día foi xenial !
Autores: Icía, Emma, Antón e Álex

16. 15
O ENTROIDO
★ SEMANA DO ENTROIDO:
O Entroido comezou o luns día 5 e rematou o venres 9 de febreiro, coa festa final
Dentro das actividades, nas clases, fixemos decoración variada do Entroido,
actividades relacionadas con el e na nosa clase, un pallaso con moitas cores .
O Meco deste ano foi o Pinocheiro Mentireiro e mais un amigo seu, Pepito Grilo.
Xuntos fixeron uns mandadiños:
Luns de pixama:
Pinocheiro Mentireiro
terá o luns un día soñeiro
quere vestir un pixama
para meterse na cama.
Martes de vello:
Ao Pinocheiro Mentireiro
o tempo vaille pasando
converteuse nun velliño
ide vos tamén copiando.
Mércores un oficio:
Pinocheiro Mentireiro
maña ten que traballar
busca roupa apropiada
para non desentonar.
Xoves de gala:
Pinocheiro Mentireiro
ten que vir moi elegante
ponte algo de gala
para estar súper radiante.
Venres de personaxe de conto:
Un pais de fantasía
no patio imos crear
de personaxe de conto
teraste que disfrazar.
Durante toda a semana o pasamos xenial facendo os mandadiños e cousas
relacionadas co Entroido, xa que nos parece moi divertido vir disfrazados e ver tamén
aos profes divertíndose con nós.

17. 16
★ DÍA DA FESTA:
Ao chegar a clase fixemos fotos disfrazados de personaxes de contos. Despois
tivemos concerto con un grupo de música chamado “Chuchesmil”, co que cantamos e
bailamos un montón. Cando rematou o concerto fomos merendar doces típicos do
Entroido: filloas, orellas, rosquillas.... A continuación todo o colexio saíu ao patio exterior
e actuamos coa música de “Contame un Conto” de Celtas Cortos e coa letra adaptada ao
noso Entroido:
CÓNTAME UN CONTO
violíns
Cóntame un conto
e bailarás no Entroido
Voume pra cama
E teño lindos soños. bis
Pois resulta q o Entroido
Era o mais pillaban
Q cambiaba os contiños
Cara adiante, cara atrás
A cincenta tiña botas,
Q as levaba moi ben postas
E os tres porquiños tiñan
Un bo dúplex con piscina.
Baile
Cóntame un conto…bis
TURUTA
Baile
Cóntame un conto…bis
As princesas daban guerra
o lobo vexetariano
Rapunzel ía rapada
Porque así estaba moi guapa.
Brancaneves viaxou
E os ananos a seguiron
E chegaron a Xamaica
A bailar reggae na praia.

18. 17
Baile
Cóntame un conto…
TURUTA
Cóntame un conto
O de Hansel e Gretel
Que o chocolate deixan
Por poñerse os dous a dieta.
TURUTA
Cóntame un conto
Q xa creo q estou soñando
Cóntame un conto
Con musica vou bailando
TURUTA
Que o Entroido esta que arde!!!!
Baile
Despois de esta canción-baile, iamos queimar o meco e mais Pepito Grilo, pero
finalmente indultamos a este último, e só queimamos a Pinocheiro Mentireiro, aínda que
con moita pena porque nos gustaba moito para a nosa biblioteca.
Este día foi bastante especial e divertido. Todos os alumnos/as cantamos e
bailamos ao ritmo da música. Esperemos que o ano que vén sexa polo menos igual.
Alba, Rocío, Sergio.
4º curso

19. 18
Entrega do XXX Premio Nacional de Poesía
Xosemaría Pérez Parallé
O sábado 18 de novembro de 2017, entregouse no Círculo Mercantil e
Industrial Unidade de Fene o XXX Premio de Poesía Pérez Parallé.
Este ano, o premio foi para Carlos
Lixó Gómez, un poeta de Ribeira, pola
súa obra “Murallas de pedra sen cemento que
duran para sempre”, seleccionada entre 61
obras.
Para dedicarlle unha homenaxe ao Segrel do
Penedo, por ser esta a trixésima edición deste
premio, a directiva do Círculo solicitounos
colaboración.
Fixémolo nenas e nenos de 5º e 6º. Fomos Jennis, Breixo, Jaime e Miriam.
Coa axuda da profe preparamos unha pequena biografía con anécdotas que contara
o seu fillo Francisco Porto nunha entrevista no noso cole dous cursos atrás. Tamén
preparamos a lectura dunha poesía cada unha de nós:
Jaime recitou unha poesía que Pérez Parallé lle
dedicou á súa dona, “Dona garimosa”.

20. 19
Miriam recitou “A roda”, que Parallé
escribíu para o seu fillo Francisco.
Jennis recitou “Soedade”.
E Breixo,
“Microbiografía”.

21. 20
Escoitamos unha canción dun dos discos de Os Segreis, de cando aínda non
existían os Cds, e actuou a rondalla Estrelecer.
Estabamos tod@s moi nervios@s, pero felicitáronnos porque dixeron que o
fixeramos moi ben.
Había moita xente, tamén en representación do Concello, que colabora no
premio. Entregoullo o alcalde Juventino Trigo.
Como agradecemento,
déronnos un agasallo e
quedamos encantad@s
e moi sorprendid@s,
porque aínda que a profe
xa o sabía, non nos
dixera nada.
Foi unha experiencia inolvidable!!!!!
Auto@sJennis Maloles Espiño, Jaime Otero Rodríguez, Miriam Pérez Vizoso, e
Breixo Riveiro Primoy.

22. 21
LUCES DO FUTURO, CON
SABELA REYERO SERANTES
En Ciencias da Natureza, en 5º e 6º, hai uns temas de materia, enerxía e
tecnoloxía. Démolo no 3º trimestre e, para empezalo con ganas, o 3 de abril, Mica
Bigotes tróuxonos á Biblioteca a Sabela Reyero Serantes, una filósofa-física
que pertence á OSAL Student Chapter, una
asociación da Universidade de Salamanca e
da OSA (The Optical Society, de América)
para a divulgación científica nos temas de
óptica.
@s de 6º xa a coñecíamos, porque o curso
pasado tamén veu facer con nós un
obradoiro sobre electricidade e imáns.
Sabela explicounos algunhas cousas sobre a luz, a refracción, a reflexión, e logo
experimentamos con ela.
Para poder ver ben as cores da luz, estivemos case a escuras na Biblioteca e foi
moi emocionante.

23. 22
Bolas “invisíbeis”;

24. 23
Bolis que ”se dobran”;

25. 24
debuxos que cambian de sentido,

26. 25
pompóns que cambian de cor dependendo da luz que uses, “camiños” de luz a
través de prismas porque a luz ía cambiando de dirección…
Sabiades que as cores primarias que nós coñecemos, as das pinturas, non son
as mesmas que as cores primarias da luz?
Divertímonos moito. Parecía maxia, pero era… ciencia!!!
Autoras: Miriam Pérez Vizoso, Noa Rañales Allegue

27. 26
Visita de CARME ROMERO
Este curso, o noso proxecto de 5º e 6º, tratou sobre as pintoras galegas.
E tivemos a sorte de estar con dúas delas. Con Beatriz Seijo na Casa da
Cultura de Fene, na súa exposición. E con Carme Romero, pintora e
ceramista, na nosa propia clase.
Grazas a Noe, a mamá de Miriam,
veunos visitar o xoves 10 de maio para
explicarnos o proceso da pintura na cerámica.
Dende o deseño inicial, cun debuxo a lapis
que hai que calcar e logo colorear, ata o
resultado final, na placa de cerámica.
Ensinounos o proceso dende o comezo e foino
explicando con fotos que fixo paso a paso: o
debuxo, como coloreaba coas acuarelas,
pásalo ás placas de cerámica co papel cebola, perfilar coa corda seca,
colorear de novo nas placas cos esmaltes, quentar o forno a una
temperatura altísima, meter a placa dentro eeeee….todo listo!!!

28. 27
Explicounos un pouco sobre as placas de cerámica, a que
temperatura ten que estar etc... Tróuxonos o cadro inicial e a placa
rematada.
Xusto despois fíxonos unha demostración de como pintaba unha peza de
cerámica coa corda seca e os esmaltes, e falounos sobre os materias. É moi
complicado!

29. 28

30. 29
Para finalizar, antes de marchar, cantounos unha cantiga,
acompañada da guitarra, que tiña que ver cunha das súas obras.
Deixounos una copia do debuxo a lapis para colorear nós. É precioso!
Autor@s:
Yago Laguillo López, Clara Mandaradoni Yáñez, Noa Rañales Allegue

31. 30
ARTE: HAIKUS E CÓMICS
 No outono caen…haikus!
Este outono co magosto, o Samaín, as castañas, as
follas, tamén caeron haikus.
Escribimos varios na clase; algúns empezando cun
verso dado, outros libremente. E logo ensinámoslle a
escribilos ás nosas familias. Con todos eles fixemos un
novo libro para a nosa biblioteca! Quedou precioso.
Deixámosvos unha mostra.

32. 31
Andrea Rivera Cuenca
Vanesa Yáñez Villar
Jaime Otero Rodríguez

33. 32
 Cómics:

34. 33

35. 34

36. 35

37. 36

38. 37

39. 38

40. 39

41. 40

42. 41

43. 42

44. 43

45. 44

46. 45

47. 46

48. 47

49. 48

50. 49

51. 50

52. 51

53. 52

54. 53

55. 54

56. 55

57. 56
PRESENTACIÓN DO PROGRAMA TEI
(TITORIA ENTRE IGUAIS):
Neste presente curso, iniciamos o Programa TEI (Titoria Entre Iguais),
basado na mellora da convivencia nos centros educativos evitando calquera tipo
de violencia.
Para a instauración do mesmo, todo o profesorado recibiu a formación
necesaria, por parte do coordinador do Programa TEI, D. Andrés González
Bellido.
Os protagonistas, son os propios nen@s, onde cada alumn@ de 5º e 6º
de EP titorizará a un alumn@ de 3º de EP.

58. 57
Os alumn@s (titores e titorizados) realizaron diferentes actividades de
formación, cohexión, cooperación, integración… que permitiron levar a cabo o
proxecto.
O programa ten unha dobre finalidade:
- conseguir a formación TEI de todo o alumnado do centro nos vindeiros
cursos (incluído ED. Infantil).
- a continuación do Programa nos diferentes institutos da comarca, que
tamén forman parte do proxecto.
O acto de presentación do Programa TEI realizámolo o pasado mes de
agosto na biblioteca do centro, convidamos a toda a comunidade educativa,
representantes da Garda Civil e a do IES de Fene.
Presentamos: o programa, os alumn@ titores e titorizados, asinaron o
seu compromiso co programa e recibiron os seus correspondentes carnes e
diplomas. O propio Programa TEI, tamén contará con un acto de clausura, que
se realizou a finais de curso.

59. 58
A R08ÓT1CA N05 CA5A15
Para continuar coa introdución e aplicación das
novas tecnoloxías no centro, outro aspecto que
quixemos destacar neste curso, foi o noso
interese pola introdución da
robótica nas aulas, a través de
diferentes tipos de robots,
entre os que destacamos:
Escornabot, DOC, Beebot, Mbot, LEGO WEDO… que
empregaremos para traballar contidos das
diferentes materias.
O mesmo tempo que os tiñamos en
conta para diferentes celebracións,
como por exemplo para o Dia das
Letras Galegas.
Tamén aproveitamos a ocasión para realizar coas familias,
unhas xornadas de formación, onde coñecían, interactuaban e se
iniciaban con este tipo de tecnoloxía.

60. 59
A súa vez, e
coa colaboración
do ANPA, creamos
un “Espazo “Maker”
onde levaremos a
cabo as diferentes
actividades.
Todo isto foi posible grazas a dotación de diferentes
kits de montaxe de Mbot por parte da Consellería da Educación,
xunto coa adquisición por parte do centro, de diferentes
materiais tecnolóxicos (tablets, escornabots, Lego Wedo…).

61. 60
Consultorio da Señorita
Pepis
Querida Sr. Pepis,
Como podemos saber se lle gustamos a un chico? Anónimo.
Queridísimo anónimo,
Esa pregunta véñenma facendo dende as miñas primeirísimas cartas, aquí tes un pequeno e
simple esquema que de seguro che axuda a coñecer o que pensa ese mozo ou moza de ti.

62. 61
Hola, soy Girlfast, me gusta un chico de otro cole, pero para él
no existo, qué hago?
En este caso, querida Girlfast, aconsélloche que empregues o método científico, xa que se el
con sabe da rúa existencia, terás que amosar con probas que si existes, coma a materia escura
do universo, a noite e o día ou a tortilla de patacas con chourizo. Anota e sigue
coidadosamente os seguintes pasos:
1. Achégate, amodo pero con decisión, ata a súa casa.
2. Chama ao timbre ou, no seu defecto, peta na porta.
3. Unha vez abra a porta, colócate diante del e di: “Ola, chámome Girlfast”
Con estes sinxelos pasos, queda amplamente
demostrada a túa existencia.
De nada.
Querida Señorita Pepis:
A mis amigas les gusta mi primo y no sé
que hacer. Podrías ayudarme?
Anónimo.
Querido Anónimo,
Como que non sabes que facer? Está clarísimo, o
teu curmán necesita un "communications
manager", vamos, unha persoa que o axude a
xestionar ese club de fans que ten. E aí,
queridísimo anónimo, entras ti: Twitter,
Facebook, youtube e instagram, que estea
presente en tódolos medios para que o número de
“followers” non deixe de medrar...E que che de
unha cuantiosa
bonificación a
cambio, claro!
Así, cos petos cheos
de chuches, querido
anónimo, esa
pequena envexa,
que percibo que lle
tes ao teu curmán
por ter tantas seguidoras, será moito más
levadeira...
Ola Sr. Pepis,
Gústame un neno e non teño o seu número
e me da vergoña falar con el, que fago?
Benqueridísima, entendo que nos tempos
ultratecnolóxicos nos que nos atopamos teñas
dúbidas acerca de como relacionarte coas
demais persoas: teléfono, correo electrónico,
videochamada, youtube…?? Vouche dar
unha idea ultra-super-mega-novidosa, igual
paréceche unha loucura e un atraso, pero aí
vai: en vez de falar por teléfono… podes
falar cara a cara!! Alucinante, non si!!??
En fin, resolto o tema do número de teléfono,
enfrontámonos ao problema da vergoña, iso é
facilísimo!! Verás, so tes que imaxinar que
estás a falar con alguén con quen teñas moita
confianza, por exemplo teu pai ou túa nai. Dito
isto…pensa ben o que lle vas dicir, porque se lle
pides a paga ou a cea, non creo que queira saber
nada de ti…


63. 62
SPORTS CROSSWORD

64. 63
Ola, queridas familias!
Eu son Micabigotes (Mica a secas, para a maioría), a
gata bibliotecaria deste noso querido cole.
Penso que non son necesarias moitas presentacións,
porque xa todos me coñecedes. O que igual vos sorprende
e que eu escriba na revista escolar, pero é que estou tan
contenta que non podo deixar de contarlle a todo o mundo que neste curso
"ampliamos" a biblioteca.
Como? Que di esta tola?", preguntaranse algúns. "Pero se non fixemos
obra ningunha", dirán outros. Mais esas persoas serán aquelas que non
caeron aínda na conta do que conseguimos. Por iso quero contalo.
A biblioteca Paula Carballeira foi sempre (ata onde eu lembro) unha
biblioteca como ten que ser. Isto é: unha biblioteca convertida no recurso e
no espazo fundamental do centro, cun papel imprescindible na
implementación de plans ou proxectos dirixidos a adquisición de hábitos de
lectura e de competencias clave. Todo o CEIP Plurilingüe Os Casais síntese
moi orgulloso dela e eu, Mica, non podo, senón dar as grazas a todas aquelas
persoas que, co seu esforzo e traballo, curso tras curso, axudáronme a
conseguir que isto fose así.
Pero igual pensabades que biblioteca é só a sala de arriba, onde temos
os libros, o programa de rexistro e de préstamo, a sala de lectura... E moi
normal pensar iso. Pero se ata lle teño posto un rótulo na porta que di:
BIBLIOTECA! Mais non é así. Biblioteca é todo o centro. Si, si. Todo o
centro é biblioteca.
O que intentamos este ano foi que se notara. Así que…

65. 64
Micabigotes.

66. 65
o MURO D@s ARTISTAS
Coñece máis do noso Proxecto na web
Enlace: sites.google.com/site/unmurodeartistas/

67. 66
DESPEDIDA DE 6º
As nenas e nenos de sexto xa nos temos que ir do cole.
A maioría coñecémonos dende infantil e vivimos moitas experiencias divertidas coa
nosa profe de infantil.
Cando eramos pequen@s viamos aos maiores facer cosas chulas e queríamos ser
como el@s, pero agora que o somos nós, non é tan divertido como parecía, porque sempre
somos nós @s que temos que facer as cousas. Pero aínda así pasámolo moi ben e
disfrutamos moito xunt@s deste tempo das nosas vidas.
Tamén tivemos moita sorte coas nosas profes. Cando eramos pequerrech@s @s
maiores metíannos medo sobre Maribel, a profe de quinto e sexto; pero en verdade, cando
chegamos a aquí, descubrimos que é moi boa, apóianos nos bos e nos malos momentos.
Todas as clases con ela son divertidas!!!! Ata as Matemáticas!!!!
Cando estabamos en terceiro chegaron nenos novos, dos que só un esta agora; e o
curso pasado marchou unha compañeira nosa para outro cole porque cambiou de casa.
Así que queremos despedirnos de todos vos por todos os bos momentos que nos
fixéschedes pasar xuntos.
Ata a próxima, que esperamos que sexa pronto!
Autor@s: Jennis Maloles Espiño -
Clara Mandaradoni Yáñez - Breixo Riveiro Primoy
Andrea Rivera Cuenca - Vanesa Yáñez Villar

68. 67
OS CACHORROS DE MARÍA VICTORIA MORENO
Sería moi difícil entender a obra de María Victoria Moreno sen termos en conta o seu
amor polos animais. Nuns tempos nos que había ben menos conciencia, a autora
era xa unha abandeirada do benestar animal.
É doado rastrexar ese compromiso nos seus libros, en E haberá tirón de orellas?
(1997), conta a historia de Alma, unha cadeliña “bonita e pequena” que un día
decide marchar da casa.
Camiña cara a ningures
Alma, a travesa cadela,
e vai coa calma do sol,
que nin para nin ten présa.
-Que buscas?- pregunta un moucho
que nese momento esperta.
-Volve á casa- di a voz rouca
dunha curuxa moi vella.
(...)
Por iso cala e matina,
pon en orde as súas ideas,
bota en falta a súa familia
e cara ao lar corre á présa,
aínda que o camiño é moi longo
e haberá tirón de orellas.