1. MONFEROSOLIDARIO NO I.E.S. TERRA DE TRASANCOS
A continuación presentamos as impresións de Anaís e María, as dúas alumnas de 3º da
E.S.O. encargadas de transmitir o proxecto de Monferosolidario aos mozos e mozas do instituto
Terra de Trasancos
CRÓNICA ANAIS BUYO COLLAZO
O día 3 de Febreiro María Santamariña e eu fomos ao I.E.S. Terra de
Trasancos, en Narón. Saímos de Monfero ás dez de maná e comezamos a nosa grande
viaxe. En canto chegamos ao instituto recibíronnos os dous profesores responsables do
proxecto de I.E.S. Terra de Trasancos gañador da II Edición do Premio Nacional de
Educación para o Desenvolvemento “Vicente Ferrer”. Estivemos vendo unha
exposición de fotos de mulleres no mundo colocada na entrada do edificio. O título era
“O eterno feminino”, do fotógrafo Xosé Abad. Había imaxes moi impactantes que a
nós nos chamaron a atención.
Despois estivemos no salón de actos na presentación de outros dous proxectos
gañadores do Premio Nacional de Educación para o Desenvolvemento. Esta
presentación estaba dirixida ao alumnado de 3º e 4º da E.S.O. Un dos proxectos
chamoume moito a atención, xa que o alumnado dese centro ía de viaxe ao Sahara,
para coñecer a vida nun campamento de refuxiados saharauis en Smara. Estaría moi
ben que nós, a través no noso proxecto Monferosolidario fixéramos algo similar, sería
unha experiencia moi educativa e impresionante.
Tras estas presentacións…. Tocábanos a nós… Os nervios corrían polo noso
corpo…aishh!! Pouco a pouco o alumnado de 1º e 2º da E.S.O. foron entrando no
salón de actos e acomodándose, e María Santamariña e eu comezamos a impartir a
charla. A verdade e que @s nen@s estiveron moi atentos, pero á hora de facer
preguntas ninguén participou, e preferiron que puxéramos materiais audiovisuais sobre
o noso traballo.
Gustoume moito a experiencia, e coñecín outros proxectos. Dinme de conta de
que non somos os únicos que axudamos. Así que saín con máis ánimo… por axudar ao
mundo…
2. CRÓNICA DE MARÍA SANTAMARIÑA
O pasado xoves 3 de febreiro as cordinadoras de Monferosolidario (Verónica e
Yolanda) e dúas alumnas, Anaís e eu, María, fomos ao I.E.S Terra de Trasancos, en
Narón, para expoñer o proxecto Monferosolidario.
Saímos do colexio ás 9:45 aproximadamente, e chegamos (despois de preguntar
dúas veces a cidadáns de Narón) ao instituto sobre as 11:00, onde vimos unha
exposición titulada “ O eterno feminino”, que recollía varias fotos sobre mulleres do
mundo subdesenvolvido. Ás 11:20, máis ou menos, entramos ao salón de actos do
colexio, onde nos expuxeron dous proxectos:
• O dun instituto de Olot, Cataluña. Un grupo de alumn@s ían ao Sáhara pasar
unha semana cunhas familias saharauis.
• Outro do País Vasco. Nese colexio había moitos alumn@s de culturas
mesturadas. Un grupo de alumn@s cos seus profesor@s visitaron algún dos
países de procedencia destes alumn@s para reencontrarse coas súas familias.
Cando estes acabaron, despois do recreo, chegou a nosa quenda. Despois do
diálogo entre Anaís e eu, para autoconvencernos de que non era preciso poñerse
nerviosas, comezamos a explicarlles o que era Monferosolidario. Ao acabar, non
recibimos ningún tipo de preguntas e Verónica tentou romper o xeo preguntándolles
sobre por que gañaran o premio Vicente Ferrer para a educación e o desenvolvemento,
tiveron que explicalo os profesores. Por que a todos nos pasa o mesmo? Estivo moi ben
e tamén o pasamos xenial.