2. Paggalang sa Nasa
Kapangyarihan
Walang lipunan na maaaring mabuhay kung
walang awtoridad. Lahat ng tao ay
napasasailalim sa mga taong nasa kapangyarihan.
Kahit pa ang pinakamataas na tao sa lipunan ay
nasa ilalim ng isang makapangyarihan. Ngunit
may mga pagkakataong nakalilimutan na yata ng
tao ang paggalang sa mga nasa kapangyarihan.
Madalas lalo na sa edad mo ngayon, ayaw mo na
mayroong tao na magdidikta sa iyo kung ano ang
iyong nararapat na gawin at kung paano gagawin
ang mga bagay-bagay.
3. Paggalang sa Nasa
Kapangyarihan
Maraming mga taong inatasan ng Diyos at
binigyan ng kapangyarihan upang ikaw ay
gabayan. Inaasahan Niya na ibibigay mo ang
iyong paggalang at pagsunod sa kanila. Ito ay
nangangahulugan na kailangan mong ipakita ang
iyong paggalang lalo na sa kanilang posisyon at
karugtong nito ang taong may hawak ng posisyon
na ito. Kailangan mong tanggapin na ang
sinumang tao na may kapangyarihan ay may
kakayahang mag-utos at magdikta at may
karapatang humingi ng paggalang mula sa mga
tao sa ilalim ng kanyang kapangyarihan.
4. Pagpapakita ng paggalang sa
mga nasa kapangyarihan
Magbasa at pag-aralan ang tunay na tagubilin
ng Diyos sa paggalang sa nasa kapangyarihan.
Lagi mong ipagdasal ang lahat ng tao na may
kapangyarihan sa iyo.
Maging isang buhay na halimbawa sa mga tao
sa iyong paligid.
Alamin at unawain sa una pa lamang na hindi
lahat ng pagpapasiya ay magiging kaaya-aya
para sa iyo upang ito ay iyong sundin.
5. Pagsasabuhay ng paggalang na
ginagabayan ng katarungan at
pagmamahal
Panatilihing buhay at nag-aalab ang
pagkakaunawaan at pagtanggap sa pamilya at sa
lipunan.
Kilalanin na ang lahat ng tao ay may kakayahang
umunlad.
Kumilos na ang palaging layunin ang makatulong
sa kapwa.
Gawin lamang ang anumang kilos na hindi
makasasakit sa kapwa.
Unawain na ang lahat ng tao ay magkakaiba kung
kaya nagkakaroon din ng pagkakaiba sa paraan ng
pagpapakita sa kanila ng paggalang.
6. Pagsasabuhay ng paggalang na
ginagabayan ng katarungan at
pagmamahal
Bago mag-alay ng tulong sa kahit na sinuman,
siguraduhin na ganap na nauunawaan kung ano ang
kanilang tunay na kalagayan.
Ibigay sa sinuman ang paggalang na nararapat
lamang para sa kanya.
Sa pakikipag-usap sa ibang tao, iwasan ang
paglalahat sa paghuhusga sa tao, walang
pagsasaalang-alang na kritisismo at anumang uri
ng diskriminasyon.
Isipin kung paano maibibigay ang pinakamahusay
na paglilingkod sa kapwa na may pagsasaalang-
alang na walang iisang tuntunin na maaaring
sundin na naaangkop para kaninuman.