1. 1
Modyul sa Mother Tongue 3
Ikatlong Markahan: Ikapitong Linggo
Sa pagtatapos ng aralin, ikaw ay inaasahan na:
Nakapagbibigay ng panibagong pamagat tungkol sa nabasang
akda o tekstong impormatibo (MT3LC-IIIg-2.6)
Ang mga pagsasanay at gawain ay sasagutan mo sa
nakalaang sagutang papel.
Basahin ang teksto. Isulat ang angkop na pamagat nito.
1. Ang bayabas ay isang prutas na kilalang mayaman sa
bitamina A at C. Ito ay ginagamit din bilang halamang gamot dahil
sa taglay nitong antiseptic properties na nakakatulong sa
pagpapagaling ng sugat, ulcer, impeksyon na sanhi ng bacteria at
pagtatae.
(https://halamang-gamot.com/bayabas/)
2. Isang lola sa Negros Occidental ang maaaring ideklarang
pinakamatandang tao na nabubuhay sa mundo. Siya ay 122 taong
gulang. Sa tagal ng buhay ni Lola Francisca, inabutan niya ang
lahat ng presidente magmula kay Emilio Aguinaldo.
(https://www.gmanetwork.com/news/balitambayan/umg/745927)
Basahin ang maikling kuwento pagkatapos ay lagyan ng
bilang 1-5 sa loob ng bilog ayon sa pagkakasunod – sunod ng
mga pangyayari.
MTB3 Q3 W7
Aralin 7: Mga Impormasyon sa aking
Pamayanan; Noon at Ngayon
Paunang Pagsubok
Balik-tanaw
Mga Inaasahan
2. 2
Modyul sa Mother Tongue 3
Ikatlong Markahan: Ikapitong Linggo
Ang Uwak Na Nagpanggap
Isang uwak ang nakakita ng mga lagas na balahibo ng pabo sa
lupa. Pinagmasdan niya at nasiyahan siya sa iba't ibang kulay na
taglay nito. Dahil sawa na siya sa pagiging isang itim na ibon, iyon ay
kaniyang pinulot isa-isa at saka
idinikit sa kanyang katawan. Iyon lang at dali-dali siyang
lumipad patungo sa grupo ng mga pabo at nagpakilala bilang
kauri ng mga ito.Ngunit sadyang kilala ng mga pabo ang kanilang
kauri, kaya naman hindi rin nagtagal ay nabisto ng mga ito ang
nagkukunwaring uwak.Inalis ng mga pabo ang iba't ibang kulay na
balahibong nakadikit sa katawan ng uwak. Pinagtutuka nila ito
hanggang sa matakot ang uwak at lumisan. Nang magbalik ang
uwak sa kanyang mga kauri, hindi na rin siya tinanggap ng mga ito.
At sinabing, "Hindi naming kailangan ang isang tulad mong walang
pagmamahal sa sariling anyo!"
https://www.academia.edu/6641180/ANG_UWAK_NA_NAGPANGGAP
1. Inalis ng mga pabo ang iba't ibang kulay na balahibong
nakadikit sa katawan ng uwak.
2. Hindi na tinanggap ang uwak ng kaniyang mga kauri.
3. Nagpakilala si uwak ang bilang isang pabo.
4. Pinagtutuka ng mga pabo ang uwak hanggang sa matakot at
lumisan ito.
5. Pinulot ng uwak ang mga makukulay na balahibo at saka
idinikit sa kanIyang katawan.
Mahusay ka ba sa pagbibigay ng pamagat sa mga teksto o
akdang iyong binabasa? Ito ang ating pag-aaralan ngayon.
Basahing mabuti ang nilalaman ng kuwento at sagutin ang
mga kasunod na mga tanong.
Ang Lalawigan ng Iloilo
Pagpapakilala ng Aralin
Alam mo ba na…
Maibibigay ang angkop na pamagat sa isang akda o tekstong
impormatibo sa pamamagitan ng pag – alam sa tiyak na paksa
at pag - unawa sa mga mahahalagang detalye o impormasyon
na nakapaloob dito. https://takdangaralin.ph/tekstong-impormatibo/
3. 3
Modyul sa Mother Tongue 3
Ikatlong Markahan: Ikapitong Linggo
Ang lalawigan ng Iloilo ay matatagpuan sa timog -
silangang bahagi ng Islang Panay. Ito ay kabilang sa rehiyon ng
Kanlurang Kabisayaan. Napaliligiran ito ng mga lalawigan ng
Capiz sa hilaga, ng Antique sa kanluran, ng dagat Kabisayaan at
Kipot Guimaras sa silangan at Golpo ng Panay at Kipot ng Iloilo sa
timog. Pinaniniwalaang binili ng 10 na datu mula sa Borneo ang isla
ng Panay sa pinuno ng mga Negrito na si Marikudo noong 1212.
Isang gintong salakot at gintong kwintas ang ipinambayad ng
mga datu. Napunta kay Datu Paiburong ang teritoryo ng Irong –
irong. Nang dumating ang mga Espanyol, nagtayo sila ng
pamayanan sa Ogtong (Oton ngayon). Itinatag ng mga
mananakop na Espanyol ang Fuerza San Pedro sa Irong – Irong.
Ang mga Espanyol rin ang nagbigay ng pangalang Iloilo sa
lungsod. Ito na rin ang ipinangalan sa buong lalawigan. Itinatag
noong Marso10, 1917 ang 1alawigan ng Iloilo. Ang Iloilo ay isa sa
mga pangunahing pinagmumulan ng bigas sa Pilipinas. Ang
pangingisda ay isa ring mahalagang pinagkakakitaan ng mga
taga Iloilo. Ang mga bangus at hipon ay pinagmumulan ng
malaking kitang dolyar ng lalawigan.
Sagutin ang mga tanong:
1. Ano – anong impormasyon ang laman ng tekstong binasa?
2. Saan matatagpuan ang lalawigan ng Iloilo?
3. Kailan itinatag ang lalawigan ng Iloilo?
4. Ano ang pangunahing pinagkakakitaan ng mga taga - Iloilo?
5. Mula sa tekstong binasa, ano pa ang maaring angkop na
pamagat nito?
Gawain 1- Basahin at unawaing mabuti ang tekstong
impormatibo. Magbigay ng panibagong pamagat nito .
Pinirmahan na ni Pangulong Rodrigo Duterte noong Lunes ang
P4.5-trilyon na budget ng bansa para sa 2021 na inaasahang tutulong
sa bansa na matugunan at makabangon mula sa pandemyang COVID-
19.
Mga Gawain
Pamagat
________________
4. 4
Modyul sa Mother Tongue 3
Ikatlong Markahan: Ikapitong Linggo
Sa ilalim ng Republic Act 11518 o 2021 General Appropriations
Act, P4.5 trilyon ang budget ng gobyerno sa susunod na taon, mas
mataas nang 10 porsiyento kumpara sa 2020. Ito rin ang pinakamalaking
budget sa kasaysayan ng bansa.
Ayon sa administrasyon, nagsisilbi itong blueprint ng gobyerno sa
pagtugon sa pandemya at sa pagbangon ng ekonomiya.
Isa sa pinakaimportanteng alokasyon ng 2021 budget ay ang
P72.5 bilyon para sa pagbili at sa logistics na kakailanganin ng bakuna
kontra COVID-19.
Pero P2.5 bilyon lamang dito ang nasa ilalim ng budget ng
Department of Health habang ang natitirang P70 bilyon ay inilagay sa
unprogrammed funds, ibig sabihin, mapopondohan lamang ito sa
pamamagitan ng mga utang o kapag may sobrang koleksiyon o
bagong pagkakakitaan ang gobyerno.
Mayroon namang P16.6 bilyon na alokasyon ang budget para sa
deployment ng mga health worker sa mga mahihirap na komunidad at
ospital, habang nasa P4.7 bilyon ang pondong inilaan para sa pagbili
ng higit 200 milyong set ng personal protective equipment sa mga
ospital, laboratoryo, at regional swab centers.
–Ulat ni Pia Gutierrez, ABS-CBN News
https://news.abs-cbn.com/news/12/29/20/pag-uulat-tungkol-sa-intel-funds-ng-2021-budget-
inayawan-ni-duterte
Tandaan
Tinatawag na tekstong impormatibo ang mga
babasahin at akdang nagbibigay ng impormasyon,
kaalaman, at paliwanag tungkol sa isang tao, bagay,
lugar, hayop, o pangyayari. Karaniwang sinasagot nito
ang tanong na ‘ano,’ ‘sino,’ at kung minsan ay
‘paano.’ Pawang impormasyon at katotohanan
lamang ang taglay ng tekstong impormatibo at hindi
naglalaman ng anumang opinyon o saloobin.
Makakapagbigay ng angkop na pamagat sa
tekstong binasa kung ito ay lubos na nauunawaan ang
mga mahahalagang detalye o impormasyon na
nakapaloob dito.
5. 5
Modyul sa Mother Tongue 3
Ikatlong Markahan: Ikapitong Linggo
Basahin at unawain ang teksto at pagkatapos ay sagutin ang mga
tanong.
Ang Covid-19 o tinatawag na Ncov2019 ay isang sakit na
kumalat at nagmula sa Wuhan China. Ayon sa pag-aaral, ito ay
isang respiratory virus na kumakalat at nakakahawa sa tao. Ito ay
kumalat na sa iba't ibang panig ng mundo kasama na ang
Pilipinas.
Ito ay isang malubhang pneumonia na nagiging sanhi ng
pagkamatay ng ibang tao. Ngunit ang iba naman ay gumagaling
kung ang iyong resistensya ay malakas.
Dalawang uri ng Covid19 ayon sa pag-aaral.
Asymptomatic - ito yung mga tao na pag nakita mo ay
malusog o healthy. Sila din yung mga tao na hindi mo kakikitaan
ng sintomas ng virus pero sila ay carrier. Wala rin silang travel history
pero sila ay yung nakasalamuha ng mga taong mayroong
sintomas. Ayon sa balita, kabilang sa carrier ang ating mga
senador at mga artista na nag positive sa test.
Symptomatic - ito naman yung mga tao na mayroong
sintomas na kakikitaan ng virus. Sa kasalukuyan, marami na rin
naitala ang iba't ibang ospital sa buong mundo tungkol sa
pasyente na katulad nito.
Paano makakaiwas sa NCOV19?
• Panatilihing malakas ang resistensya.
• Palagiang maghugas ng kamay at mag- alcohol.
• Lumayo muna sa mga matataong lugar at iwasan ang
makipagsiksikan.
• Maglagay ng mask.
• Kung kinakailangan, iwasan na lumabas ng bahay
kung wala namang gagawin na importante.
Panatilihing malinis ang kapaligiran.
Dito sa Pilipinas, inatasan na ng ating gobyerno ang
malawakang lockdown sa parte ng Luzon. Upang makaiwas sa
pagkahawa sa virus, hindi pinapalabas ng bahay ang mga
mamamayan lalo na kung hindi naman kailangan.
https://brainly.ph/question/2691968
Pag-alam sa mga Natutuhan
6. 6
Modyul sa Mother Tongue 3
Ikatlong Markahan: Ikapitong Linggo
Sagutin ang mga tanong:
1. Ano – anong impormasyon ang laman ng tekstong
binasa?
2. Saan nagmula ang sakit na Covid - 19?
3. Ano ang dalawang uri ng Covid - 19?
4. Paano maiwasan ang sakit na Covid - 19?
5. Mula sa tekstong binasa, ano pa ang maaaring
angkop na pamagat nito?
Basahin ang mga teksto at ibigay ang angkop na
pamagat nito.
1. Ang ating pambansang bayani ay si Doctor Jose Protacio
Alonzo Mercado Rizal Y Realonda. Ipinanganak siya noong June
19, 1861 sa Calamba, Laguna. Namatay siya noong ika- 30 ng
Disyembre taong 1896 sa pamamagitan ng firing squad. Marami
siyang tinapos na kurso kabilang na ang medisina. Isa rin siyang
pintor at iskultor. Noong Disyembre 30, 2020 ang ika- isangdaan at
dalawampu’t apat na taong anibersaryo ng kanyang
pagkamatay.
(https://philnews.ph/2020/02/25/halimbawa-ng-tektstong-impormatibo-mga-
halimbawa-ntio/)
2. Ang rason kung bakit tinaguriang Ama ng Wikang
Pambansa si Manuel Luis Quezon ay dahil siya ang nagsulong ng
pagkakaroon ng isang pambansang wika para sa buong Pilipinas.
(https://brainly.ph/question/785124)
3. Ang mga endemikong hayop ay mga hayop na natatangi
sa isang teritoryo o bansa. May mga hayop na endemic o
endemiko sa Pilipinas dahil tanging sa Pilipinas lamang sila
matatagpuan. Ilan na dito ang baboy ramo, tamaraw at tarsier.
(https://kulturang-noypi.blogspot.com/2020/05/anu-ano-ang-mga-hayop-na-endemiko-sa.html)
4. Sa mahigit pitong libong isla, tila malulula ka na sa dami ng
magagandang lugar sa Pilipinas. Mula sa mga nagpuputian at
pinong-pinong buhangin sa dagat hanggang sa mga
makalaglag-pusong ganda ng mga lagoon, hindi ka mauubusan
ng pasyalan sa Pilipinas.
Pangwakas na Pagsusulit
7. 7
Modyul sa Mother Tongue 3
Ikatlong Markahan: Ikapitong Linggo
(https://www.zenrooms.com/blog/post/magagandang-lugar-sa-
pilipinas/)
5. Ang Mt. Daraitan ay matatagpuan sa Tanay, Rizal, dalawang
oras mula sa Kamaynilaan. Maraming nagpupunta dito para sa
mga gustong mabilisang hike. Doon ay makikita ang ganda ng
Sierra Madre at Laguna de Bay.
(https://www.zenrooms.com/blog/post/bundok-sa-pilipinas/)
Manood ng balita sa telebisyon. Isulat ang mga mahahalagang
detalye o impormasyon ng balita. Magbigay ng angkop na pamagat
nito.
Rubrik sa Pagwawasto:
4– Napakahusay 2 - katamtaman
3 – Mahusay 1 – Nangangailangan pa ng
Pagsasanay
Interpretasyon
12 - Napakahusay
9 - 11 Mahusay
5 - 8 Katamtaman
4- 0 Nangangailangan pa ng pagsasanay
Magaling at naisagawa mo lahat ang iyong gawain!
Mga gawain
4 3 2 1
1. Naisulat ang mga mahahalagang detalye ng
balita at nakapagbigay ng angkop na
pamagat nito.
2. Naisulat ang mahahalagang detalye ng
balita ngunit hindi naibigay ang angkop na
pamagat nito.
3. Naisulat ang balita ngunit hindi nabigyang
pansin ang mga mahahalagang detalye nito.
Pagninilay