pakikilahok at bolunterismo

1. MODYUL 8:
PAKIKILAHOK AT
BOLUNTERISMO
Bb. Jo Marie
Nel C. Garcia

2. Sa lipunan sumasakasaysayan ang tao.
Nagkakaroon ang buhay ng saysay sa kanyang
nakaraan, kasalukuyan at hinaharap.
Tunay ngang nagkakaroon ng saysay ang
buhay kung ito ay ginagamit nang
makabuluhan tuwing siya ay nagbabahagi ng
kanyang sarili para sa kapwa, para sa lipunan
sapagkat bilang taong nilikha ng Diyos, ang
tao ay may pananagutan na magbahagi sa
kanyang kapwa at sa lipunang kanyang
kinabibilangan.
SAYSAY NG BUHAY

3.  Mula sa salitang Latin na dignitas na mula sa
salitang dignus na nangangahulugang “karapat-
dapat” o ang pagiging karapat-dapat ng tao sa
pagpapahalaga at paggalang ng kanyang kapwa.
 Lahat ng tao, anuman ang kanyang kulay, gulang,
anyo o antas ng kailangan at kakayahan ay may
dignidad.
 Dahil sa dignidad, nangingibabaw ang paggalang at
paikipagkapatiran, dahil sa mata ng Diyos, ang lahat
ay pantay-pantay.
 Ang paggalang sa dignidad ng tao ang nagsisilbing
daan upang mahalin ang kapwa gaya ng
pagmamahal sa ating sarili.
DIGNIDAD

4.  Ang tao ay ipinanganak na isang panlipunang
nilalang; hindi nya tunay na makakamit ang kanyang
kaganapan bilang tao kung hindi siya
makikipamuhay kasama ang kanyang kapwa;
KAILANGAN NYANG MAKILAHOK SA LIPUNAN.
 Mahalagang makibahagi ang tao sa mga gawaing
panlipunan upang makatulong ito sa pagbuo ng
kanyang pagkatao.
 Sa iyong pagbubukas ng puso at isip sa mga
nangyayari sa lipunan at sa pagpapahalaga mo sa
dignidad ng iyong kapwa, magkakaroon ng ganap na
pagbabago…ang pagkakaroon ng isang maunlad at
nagkakaisang lipunan para sa kabutihang panlahat.
ANG TAO AT ANG LIPUNAN

5.  Ang pakikilahok ay isang tungkulin na kailangang
isakatuparan ng lahat na mayroong kamalayan at
pananagutan tungo sa kabutihang panlahat.
 Kapag hindi mo ito isinagawa, mayroong mawawala
sa iyo.
 Ito ay nagbibigay sa tao ng makabuluhang
pakikitungo sa lipunan na kung saan ang bawat
nakikilahok ay dapat tumupad sa kanyang tungkulin
para sa kabutihang panlahat. Ang obligasyon na ito
ay likas dahil sa taglay na dignidad ng tao.
PAKIKILAHOK

6.  Ang pakikilahok ay makakamit lamang kung
kinikilala ng tao ang kanyang pananagutan. Mula
dito makakamit ang kabutihang panlahat.
 Ang pakikilahok ay mahalaga sapagkat:
1. Maisasakatuparan ang isang gawain na
makatutulong upang matugunan ang
pangangailangan ng lipunan.
2. Magagampanan ang mga gawain o isang proyekto
na mayroong pagtutulungan.
3. Maibabahagi ang sariling kakayahan na
makatutulong sa pagkamit ng kabutihang panlahat.
KAHALAGAHAN NG PAKIKILAHOK

7. 1. Impormasyon – mahalagang magbahagi ng
nalalaman
2. Konsultasyon – hindi lang ideya o opinyon mo ang
mahalaga; matutong makinig sa iba
3. Sama-samang Pagpapasya – kailangang isaalang-
alang ang kabutihang maidudulot sa nakararami o
sa lahat
4. Sama-samang Pagkilos – mapapadali ang gawain
kung may pagtutulungan
5. Pagsuporta – pinansyal, moral o pagbibigay ng
buong husay at talento na nangggagaling sa puso
ANTAS NG PAKIKILAHOK

8.  Ang pakikilahok ay isang patuloy na proseso –
hangga’t kaya mo at mayroong kang kayang gawin
para sa ikabubuti ng iyong lipunan, kailangan mong
makilahok sapagkat mula dito nabibigyang saysay
ang iyong pagiging TAO na nilikha ayon sa wangis ng
Diyos.
 Sa pamamagitan ng pakikilahok, ang tao ay nagiging
mapanagutan hindi lamang sa kanyang sarili kundi
pati na rin sa kanyang kapwa. Maipapakita ito sa
pamamagitan ng:
 Paggalang sa makatarungangn batas
 Pagsisikap na maging masigasig sa tungkulin tulad ng
pagtataguyod ng maayos na pamilya at pagiging tapat sa
gawain
HINDI MINSANAN LAMANG

9. Ito ay isang paraan ng paglilingkod at
pagpapakita ng pagmamahal sa kapwa at sa
lipunan.
Ito ay pagbibigay ng sarili na hindi
naghahangad ng anumang kapalit. (Hal:
kawanggawa, bayanihan)
Naiaangat ang pagkatao ng tao at nagiging
mapanagutan siya sa kanyang lipunan na
nagiging daan tungo sa kabutihang panlahat.
BOLUNTERISMO

10. 1. Nagkakaroon ng kasiyahan ang isang tao
kapag siya ay naglilingkod.
2. Nagkakaroon siya ng personal na paglago.
3. Nagkakaroon siya ng kontribusyon o bahagi
sa pagpapabuti ng lipunan.
4. Nagkakaroon siya ng pagkakataon na
makabuo ng suporta at relasyon sa iba.
5. Nagkakaroon siya ng panahon na higit na
makilala hindi lamang ang iba kundi pati na
ang kanyang sarili.
MGA BENEPISYO NG BOLUNTERISMO

11.  Sa pakikilahok, nagiging konsiderasyon ang personal
na interes o tungkulin. Kailangan mong gawin dahil
kung hindi, may mawawala sa iyo.
 Sa bolunterismo, kung hindi mo ito gagawin, hindi ka
apektado, kundi yaong iba na hindi mo tinulungan.
Kung ikaw man ay managot, ikaw ay mananagot sa
iyong konsensya sapagat hindi ka tumugon sa
pangangailangan ng iyong kapwa.
 Hindi lahat ng pakikilahok ay may aspekto ng
bolunterismo pero lahat ng bolunterismo ay may
aspekto ng pakikilahok.
PAGKAKAIBA NG PAKIKILAHOK AT
BOLUNTERISMO

12. 1. Time (Panahon)
2. Talent (Talento)
3. Treasure (Kayamanan)
 Mula sa 3 T’s na ito, makikita natin na ang pakikilahok
at bolunterismo ay dapat na ginagawa ng buong husay
kasama ang puso at nang may pananagutan para
makamit ang kabutihang panlahat.
 Mula dito, nagkakaroon ang tao ng pagkakataon na
ibahagi ang kanyang sarili sa kapwa at nagagampanan
din nya ang habilin sa atin ng Diyosna mahalin ang
kapwa tulad ng pagmamahal sa sarili.
T-T-T SA PAKIKILAHOK AT BOLUNTERISMO