Ang dokumento ay naglalarawan ng mga katangian ng mga Pilipino na dapat ipagmalaki, tulad ng pagtitiwala sa Panginoon, paggalang sa matatanda, at pagtutulungan sa pamilya at komunidad. Ipinapakita rin ang malasakit ng mga Pilipino sa kanilang mga bisita sa pamamagitan ng mainit na pagtanggap at paghahanda ng masarap na pagkain. Ang mga katangiang ito ay naglalarawan ng mas malalim na ugnayan at pagmamahalan sa loob ng mga pamilya at komunidad sa Pilipinas.

1. Mga Katangian ng Pilipino<br /> <br />Maraming katangian ang mga Pilipino na dapat ipagmalaki. Ang mga sumusunod ay deskripsyon kung paano at kailan nila ipinakikita ang mga katangian na ito:<br /> <br />right0Pagtitiwala sa Panginoon<br />Isang magandang katangian ng mga Pilipino ang pagtitiwala sa Panginoon. Karamihan sa kanilang mga mag-anak ay matapat sa pananampalataya. Naniniwala silang may isang Panginoong pumapatnubay sa lahat ng kanilang gawain. Batid din nilang tumutulong Siya sa mga taong tumutulong sa kanilang sarili.<br /> <br /> <br />Pagiging Magalang<br />left0Isang magandang pag-uugali ng mga Pilipino ang paghalik sa kamay o pisngi at pagmamano sa matatanda. Isang paraan ito ng paggalang. Karaniwang ginagawa ito ng mga bata matapos magdasal ng orasyon, pagkagaling sa simbahan, bago umalis ng bahay, kapag may dumadating o bumisitang kamag-anak o matanda, at kapag nakita at nasalubong nila ang kanilang ninong at ninang.<br />Ipinakikita rin ang paggalang ng mga batang Pilipino tuwing nakikipag-usap sila sa matanda. Gumagamit sila ng po at opo at magalang na pananalita at pagbati gaya ng \"
Salamat po\"
at \"
Magandang hapon po.\"
Gumagamit din sila ng magagalang na pantawag sa matatanda gaya ng kuya, ate, manong, manang, lolo, lola at iba pa.<br /> <br />Pagtutulungan<br />left0Nagsisimula ang pagtutulungan sa sariling tahanan. Nagtutulung-tulong ang mga kasapi ng mag-anak sa mga gawain dito. nagtutulungan din ang baway isa sa magkakapitbahay upang maisaayos at mapaunlad ang kanilang pamayanan. Iyan ay likas na katangian ng isang Pilipino.<br />Ang karaniwang tawagan sa pagtutulungang ito ay bayanihan. Tumatawag ang magkakapit-bahay ng bayanihan kapag may malaking gawain isasagawa sa maikling panahon. Nagtutulungan ang bawa't isa upang maging magaan ang isang mahirap na gawain. Kalimitang ginagawa ito tuwing panahon ng pagtatanim at pag-aani at sa paglilipat ng isang bahay sa ibang lugar.<br />larawan mula sa: www.cag.lcs.mit.edu/ bayanihan/bayanfnl.jpg<br /> <br />Mabuting Pagtanggap at Pakikitungoright0<br />Kilala ang mga Pilipino sa mabuti at magiliw na pagtanggap. ibig nilang masiyahan at maging maginhawa ang kanilang mga panauhin. nagsisilbi sila ng pinakamasarap na pagkaing kanilang makakaya at naghahanda ng maayos na tulugan para sa mga bisita. Nagbibigay pa sila kung minsan ng mga regalo kapag paalis na ang kanilang mga panauhin.<br /> <br /> <br />Pagsama-sama ng Pamilya<br />Karamihan sa mga mag-anak na Pilipino ay may maganda at malapit na pagsasama-sama. Nagtutulungan ang bawat kasapi sa pagsasagawa ng mga gawaing-bahay. Madalas dumadalaw sa magulang ang nag-asawang anak kapag ito'y naninirahan sa ibang lugar. Nagsasama-sama pa ang mag-anak tuwing may \"
family reunion\"
kung Pasko at iba pang pagdiriwang o okasyon. Iyan ang nagpapakita kung paano nagkakaisa ang mga mag-anak na Pilipino.<br />Inaalagaan at minamahal ng bawat miyembro ng mag-anak ang matandang kasapi nito. Tungkulin ng bawat Pilipino na magsilbi sa kanyang matatandang magulang, mga lolo't lola, at kamag-anak hanggang sila'y nabubuhay. Iyan ang paraan ng pagpapakita ng magandang pagtingin sa matatanda.<br /> <br />Maikling Pagsasanay:<br />A. Ano ang ipinakikitang katangian ng mga sumusunod na Pilipino:<br />1. Nagpapasalamat araw-araw sa Panginoon si Mina.<br />2. Naghahanda ng meryenda si Gng. Santos para sa kanyang mga panauhin.<br />3. Tinutulungan nina Ninoy at Dino ang kanilang kapatid sa takdang-aralin nito sa matematika.<br />4. Tumutulong so Aling Betty kay Aling Tinay sa pagluluto ng pagkain para sa kaarawan ng kanyang anak.<br />5. Gumagamit ng po at opo si Tina sa pakikipag-usap sa matatanda.<br />B. Sabihin kung Tama o Mali ang mga sumusunod na pangungusap:<br />1. Karamihan sa mga mag-anak na Pilipino ay matapat sa kani-kanilang relihiyon.<br />2. Nagpapakita ng paggalang ang mga Pilipino sa paggamit ng po at opo.<br />3. Humahalik sa kamay o nagmamano sa matatanda pagkatapos ng orasyon ang mga bata.<br />4. Lalong nagiging mahirap ang gawain pagnagtulungan.<br />5. Nagpapakita ang mga Pilipino ng magandang pagtanggap kapag nagsisilbi ng marami at mamahaling mga pagkain.<br />