Discurso del Lehendakari - Día Internacional del Euskera

1. LEHENDAKARITZA
Komunikaziorako Zuzendaritza
PRESIDENCIA
Dirección de Comunicación
Euskararen Nazioarteko Eguna/Día Internacional del Euskara
Lehendakariaren hitzaldia – Intervención del Lehendakari
Lehendakaritza.
Vitoria-Gasteiz.
03.12.2013-2013.12.03
Herri
agintariok,
jaun-andreok, arratsalde
Lehendakaritzara, zuena ere baden etxe honetara.
on
guztioi.
Ongi
etorri
Guztiona dugun ondasun batek elkartu gaitu: gaur, abenduak 3 dituela,
Euskararen Nazioarteko Eguna ospatzen dugu. Euskara ospatzen dugu. Ez
gara bakarrak. Euskara mundiala da. Munduan zehar ere, han eta hemen,
euskara ospatzen ari dira gaur euskaldun asko eta asko. Utzidazue horietako
batzuk agurtzen bereziki. Gure artean ditugu euskararen adiskide,
hizkuntzazale eta kulturazale horietako batzuk.
Algo se está moviendo en el mundo actual. La diversidad lingüística y cultural,
defendida por las instituciones y sociedades más avanzadas, despierta un
creciente interés en el mundo. Un deseo de intercambiar experiencias exitosas
de revitalización de lenguas minorizadas.
Hoy nos acompaña una representación de las lenguas quichua, maya, nahuatl,
nasa, kurda y tamazigt. Amigos y amigas del euskera: os damos la bienvenida
con el deseo de que tengáis una provechosa estancia en Euskadi. Espero que
prosigáis con acierto y éxito continuado la encomiable labor de revitalización de
vuestras lenguas. Con ello ganáis y ganamos. Hoy celebramos juntos también
el día internacional de las lenguas minorizadas. Ongi etorri gurera, bihotzbihotzez.
Laster da urtebete Eusko Legebiltzarrak lehendakari izendatu ninduela.
Gobernu berria eratu genuenean, hizkuntza-bizikidetza kokatu genuen
gobernu-ekintzaren ardatzen artean. Zergatik hizkuntza-bizikidetza? Herri
honek behin eta berriz erakutsi digulako gizarte elebiduna izan nahi duela.
Hizkuntza-bizikidetza gizarte-bizikidetzaren zati banaezina dela. Euskarak eta,
beraz, elebitasunak, libreago egiten gaitu.
Xede horretara begira, ibilbide sendoa eta emankorra urratzen ari gara
erakunde propioak ditugunetik, Euskadik autogobernua eskuratu zuenetik.
Gernikako Autonomia Estatutuak euskara hizkuntza ofizial izendatu zuen,
gaztelania bezala. Euskararen Legeak, euskaraz jakiteko eta aritzeko
Navarra, 2 – 01007 VITORIA-GASTEIZ

2. eskubidea aitortu zien herritar guztiei. Eta eskubide hori babesteko obligazioa
ezarri herri-aginteei.
Harrez gero, gauzak errotik aldatzen ari gara. Duela hogeita hamar urte, bost
herritarretik bat bakarra zen elebiduna. Gaur egun hirutik bat da elebiduna.
Duela hogeita hamar urte belaunaldi zaharrenak ziren euskaldunenak. Gaur
belaunaldi gazteenak dira euskaldunenak. Gaur zenbat eta gazteago, orduan
eta euskaldunagoa da gure gizartea. Duela hogeita hamar urte lekurik ez zuen
esparru askotara hedatu da euskara: eskola, unibertsitatea, hedabideak, lanmundua, zientzia, teknologia… Komunikazio garaikidearen sarean sendo eta
indartsu hedatzen ari da: Interneten, munduko 44garren hizkuntza da euskara.
Datorren urtean “puntu eus" ekimenari esker beste jauzi bat egingo du
euskarak. Horra “Aitorren hizkuntza zaharra” Europako hizkuntza modernoen
artean.
Hori dena ez da hutsetik sortu. Euskal gizartearen borondatearen ondorio eta
emaitza da. Eginkizun honetan denok hartu baitugu parte. Guztiok. Euskal
hiztunok. Euskal hiztun ez direnek, euskararen sustapena babesten. Euskara
ez dakiten gurasoek, beren seme-alabei eskolan transmititzeko erabaki
sendoak hartzen. Denok hauspotu dugu euskararen biziberritzea.
Euskal gizarteak argi du ez duela elebakarra izan nahi. Elebitasuna eta
eleaniztasuna aberastasuna direla. Mundu aniztun batean bizi gara. Mundu
honetan bizitzeko era hautatu dugu: eleaniztasunetik bizi nahi dugu eta
euskaraz egin nahi diogu gure ekarpena mundu horri. Euskara mundiala da.
Horregatik dira euskara eta hizkuntza-bizikidetza lehentasunezko esparru
Jaurlaritzaren gobernu-ekintzan. Euskara elkarbizitzarako oinarri eta
euskaldunon arteko zubi dugulako. Horregatik izaten ari da arrakastatsua
euskara biziberritzeko prozesua. Oinarrituta dagoelako herritarren adostasun
zabalean, gizarte-eragileen adostasun zabalean, herri aginteen adostasun
zabalean, alderdi politiko desberdinen adostasun zabalean. Ahalegin iraunkor
horretan jarraitu behar dugu. Adostasun zabalean.
Zorionez urteak egun bat du euskara ospatzeko. Baina zorionez egun guztiak
ditu euskaraz gozatzeko. Euskaraz gozatzeko eta euskara gozatzeko erarik
onena euskara erabiltzea da. Edozein hizkuntzak erabilera baitu hauspo eta
arnas. Jarrai dezagun euskara gero eta jende gehiagoren hizkuntza ohizko eta
egunerokoa egiten. Jarrai dezagun gure bizitza sozialean komunikazio-tresna
sendoagoa bihurtzen. Gure arteko elkarbizitzak irabaziko du, gizarte-kohesioa
sendotuko dugu. Ospa dezagun euskara gaurko egunean eta goza dezagun
euskaraz urte guztian. Denoi esker euskara mundiala da.
Eskerrik asko.
2