Gamit ng Panitkan sa Pagtuturo

1. GAMIT NG PANITIKAN
SA PAGTUTURO
Inihanda ni: Ms. Monique B. Balansag

2. ANG KAHULUGAN NG PANITIKAN
Ang katumbas ng panitikan sa wikang Ingles ay
literature na batay sa salitang-ugat ng wikang Latin
na “litera” na ang kahulugan at letra o titik.
Ang panitikan ay binubuo ng mga morpemang
panlaping PANG- (unlaping nagiging PAN- kapag ang
kasunod na salitang-ugat ay nagsisimula sa d,l,r,s,t);
sa salitang-ugat na TITIK na nawawalan ng simulang
T sa pagkakasunod sa PAN; at sa hulaping –AN.
Nagiging PANITIKAN.

3. AYON KAY HON. AZARIAS
Ang panitikan ay pagpapahayag ng mga
damdamin ng tao hinggil sa mga bagay-
bagay sa daigdig, sa pamumuhay, sa
lipunan, at sa pamahalaan, at sa
kaugnayan ng kaluluwa sa Bathalang
Lumikha.

4. LUZ DE LA CONCHA AT LAMBERTO MA. GABRIEL (1978)
Ang panitikan ay salamin ng lahi, kabuuan ng
mga karanasan ng isang bansa, mga kaugalian,
paniniwala, pamahiin, kaisipan at pangarap ng
isang lahi na ipinahahayag sa pamamagitan ng
mga piling salita sa isang maganda at
masining na paraan, nakasulat man o hindi.

5. GAMIT NG PANUNUTING PANITIKAN SA PAGTUTURO
1. PAGBABASA- PARA SA MABISANG PAG-UNAWA SA
MGA MALIKHAING AKDA
Kontekstuwal na pagsusuri ay kinikilala bilang produkto ng
mga nakalipas na pangyayaring nagpapalawak ng butil ng isipan
ng mambabasa. Ang ganitong pagbasa’y iniintindi ang
kalagayang panlipunan na nabubuhos sa anyo ng pagsulat ng
panitikan. Nagiging mas tiyak ang mambabasa sa kanyang
pagkilatis sa simbolo, lugar, panahon at iba pa.
(Cruz, 2017)

6. Ang panunuring pampanitikan din ay maaaring
magbubukas sa maluwag na malayang talakayan
sa klase na magmumulat sa mag-aaral o
estudyante ng tunay na mensahe at tunguhin
ng akdang binasa. Higit sa lahat ay hihikayat
ito ng partisipasyon at pagbabahaginan ng mga
kaisipang magbibigay daan sa pagtuklas at
paglinang sa iba’t-ibang katalinuhan ng mga
mag-aaral (Pinon, 2014).

7. 2. PAGPUKAW SA MALIKHAING PAG-IISIP NG MGA
ESTUDYANTE
Kapag ang isang estudyante ay nasanay sa pagbabasa, maaaring
mapukaw ang kanyang kakayahang mag-isip sa paraang malikhain.
Ibig sabihin, hindi lamang nakatoun sa isang pananaw ang
kanyang pagbibigay interpretasyon sa akdang o tekstong binasa
sa pamamagitan ng paggamit ng iba’t ibang pagdulog o teoryang
pampanitikan.

8. Sa Kasalukuyan ang isang tinuturing na language
classroom ay naiiba sa kalagitnaan, malapit
matapos sa ika-20 siglo patungo sa ika-21 siglo.
Ang tuon ay hindi na balarila, pagsasaulo at
pagkilatis sa kaugatan ngunit paggamit ng wika
at kultural na kaalaman bilang pag-uugnay sa
sarili sa daigdig. Heograpikal at pisikal na
paghahati ay napag-uugnay ng teknolohiya.
3. PAGTUTURO NG KAALAMANG PANGWIKA

9. 4. PAGKAKAROON NG INTERAKTIBONG PAGKATUTO
Sa pamamagitang ng panunuring pampanitikan, naiuugnay sa iba
pang mga disiplina at sa tunay na buhay ang akdang binasa.
Nakapaloob din dito ang pagkatutong nakatuon sa mag- aaral at
ang integrasyon ng mga makrong kasanayan. Ang mga
estratehiyang participative, facilitative, at consultative ay mga
katangian ng pag-aaral na integrative. Dito, ang guro ay
tagapagpadaloy lamang ng pagkatuto samantalang tagagawa ang
mga mag-aaral. Ang guro ay tagagawa lamang ng iskrip ng
pagkatuto, konsultant, tagagabay, tagakumpas, subalit sa
kabuuan ng pag-aaral ng isang aralin, ang mag-aaral ang sentro
at bida.

10. 5. PAGKAKAROON NG MABUNGANG INTERAKSYON
Dahil sa kaalaman tungkol sa iba’t ibang
pagdulog sa pagbabasa ng akda o teksto,
nagkakaroon ng kalayaan ang mga
estudyante na ihayag ang kanilang sariling
kuro-kuro sa pamamagitan ng paglalapat ng
kanilang pinaniniwalaang teorya sa binasa.

11. 6. PAGSANIB NG WIKA AT PANITIKAN
Maliban sa pamamaraang komunikatibo sa
pagtuturo ng wika, nakatutulong din ang
paggamit ng panitikan bilang lunsaran sa
pagtuturo ng wika. Halimbawa, ang
pagtuturo ng pandiwa, pangatnig, pang-uri,
at iba pa.

12. HALIMBAWA:
MAGSASAKA, MAMBUBUKID ni Teresita
Perez-Semorlan
Masipag na magsasaka
Ay ating matatanaw
Sa malawak na bukid
Sila ay nagtatanim
Matarik na kabundukan
Mambubukid mamamasdan
Kanilang tinatamnan
Ang mayamang kalupaan
Magsasaka, mambubukid
Sandalan ng sambayanan
Pag-asa ng sanlibutan
Biyaya ng kalangitan
Ano-ano ang mga pang-
uri na matutunghayan sa
maikling awitin na ito?
WIKA