1. federación de
servizos á cidadanía
Sector administración xustiza
FOLLA INFORMATIVA
Trileros na mesa
Director Xeral de Xustiza: onde está a nosa paga?
Onte tivo lugar na Egap mesa sectorial. As organización sindicais presenciamos un xogo
de trileros por parte da Dirección Xeral que, nunha malchamada negociación que
rematou ás catro da tarde, trasladounos as seguintes desinformacións:
Paga extraordinaria: descoñecen o plan de pagos da Xunta para recuperar o extra que
nos anunciou Feijoo na prensa (12,02% en dous prazos no 2015, 50% no 2015 e o
restante 25% en 2018). Pese as 20 sentenzas xudiciais en contra e todas as que están
por vir, continúan instalados no desacato e néganse a negociar outra cousa que as
propinillas pre-electorais. Anunciáronnos con gran alborozo que en 2018 deixarían de
recortarnos as extras. Será gratificante en 2018 recuperar as retribucións de…. 2011!!
Somos a única comunidade con recorte salarial e a nosa perda de poder adquisitivo en
cinco anos supera o 30%
2. federación de
servizos á cidadanía
Sector administración xustiza
FOLLA INFORMATIVA
Substitucións: trataron de incluír na orde de confección de nóminas as retribucións
íntegras, pero a Dirección Xeral de Orzamentos non o aceptou xa que o considera
incremento salarial e non está permitido pola lexislación. Un engano xa que non é un
incremento salarial, senón un cambio de funcións a un corpo superior. Un sinsentido (os
interinos cobran íntegramente) no que con Cataluña tamén somos pioneiros: o igual
traballo, igual salario non se recoñece como un dereito.
Nova Oficina Xudicial: durante o ano 2014 estivemos “negociando” o Decreto de
Servizos Comúns Xerais. Retomáramos os traballos de 2009, e agora volven paralizarse.
Non vai costar tanto rematar a Sagrada Familia de Barcelona. A Dirección Xeral formula
agora que é absurdo limitarse aos Servizos Comúns, unha autoemenda que desbota o
traballo e recursos empregados, para tratar de crear un Decreto que inclúa un marco para
a NOX completo. Máis do mesmo: dilatarse no tempo e, suponemos que un canto de
cisne para un Director Xeral que quere deixar como testamento político un texto moi
coidado sobre a NOX pero sen ningún tipo de aplicación práctica na mellora da Xustiza e
das nosas condicións laborais.
Calendario laboral, RPT Imelga, Fiscalía: antiguamente viaxar á meseta era toda unha
odisea, trens con bancos de madeira que durante todo o día e toda a noite viaxaban por
terreos escarpados e vías lentas e sinuosas. Agora paliouse a situación e Madrid está a
un paso, como quen di. Pero, para todos?? Non! Semella que os papeis que saen da
Dirección Xeral para Madrid aínda viaxan meses trens. O Calendario Laboral aínda non
tivo aprobación do Consello Xeral do Poder Xudicial, por fin apareceu a RPT do Imelga,
desaparecida durante anos, supoñemos que nalgún punto entre Tordesillas e Vicálvaro e
a aprobación definitiva para consolidar as 22 prazas de fiscalía tampouco chega, polo que
é moi probable que non se oferten neste concurso de traslado.
E seguimos buscando a boliña….