1. FIN DE CURSO 2011 – 2012
Este pasado venres, 22 de xuño de 2012, houbo un acto de clausura do curso na
aula de usos múltiples II. Celebrouse dende as 12:30 horas ata as 14:45 horas, e
estivemos presentes todo o alumnado de ESO, PCPI, Educación Infantil e Educación
Primaria.
Durante a primeira parte deste acto, tivo lugar a entrega de diplomas. Hóuboos
de varios tipos. Por parte da Biblioteca Castelao, diplomas de recoñecemento ós/ás que
máis leron durante todo o curso, e diplomas para os participantes, finalistas e gañadores
do I Concurso O Preguntón. Monferosolidario tamén entregou diplomas á
solidariedade, que levaron os nenos e nenas de Educación Infantil, polo seu traballo co
Pasaporte Solidario. Á parte, tamén houbo diplomas, e unha grande mención de
recoñecemento para os nenos e nenas de 1o de Primaria polo feito de gañar o “Primeiro
premio de cooperativismo no ensino”.
O Departamento de Música e o EDLG tamén entregaron varios diplomas. Tras
esta entrega, o alumnado de E.I. e E.P. retirouse, e procedemos á despedida das persoas
que marcharon deste centro: Marta, María, Anaís, Alba, Lorena, Iván, Kevin,
Christopher, Ángel, Sol, Alba, David, Daniel, Juan, Míriam e Paula (de 4o, PCPI, 3o e 1o
de ESO).
Así, todos e todas rematamos o curso 2011/2012, e outros unha longa etapa. Este
vindeiro martes, 26 de xuño de 2012, vimos buscar as notas, e despedirnos de novo, ata
setembro, e outros, ata máis ver.
Monfero, a 26 de xuño de 2012.
REVISTA XESTEIRA
Antonio González López