1. SEGUNDA FASE DO PROXECTO RÍOS
Visita ó río Lambre na ponte da Eive para a análise físico-química
Este martes, 20 de novembro de 2012, os seis alumnos de Física e Química de 4 o
da ESO fomos coa profesora María José Fandiño, de CC. NN., á ponte da Eive para
facer unha análise físico-química do río Lambre e recoller elementos contaminantes.
Alí, cada un/-ha de nós tivemos unha tarefa diferente. Realizamos a medición do pH
(para determinar o grao de acidez), comprobamos a transparencia da auga, medimos a
temperatura, nitratos (mg/l), nivel de saturación e cantidade de osíxeno disolvido (mg/l);
para que, logo do noso regreso ó centro, a profesora cumprimentase un informe sobre o
estado do río para enviarlle a ADEGA, concretamente ós encargados do Proxecto Ríos.
Á parte de realizar estas tarefas, tamén fixemos limpeza do río recollendo algúns
lixos (garrafas de plástico, un bidón de lata, algunhas bolsas de plástico e lonas …) que
botamos ó colector de lixos do concello. Tamén tomamos, a modo de mostra, un anaco
de alga e observamos no lugar a vexetación da ribeira, algo no que non reparamos a
cotío pese a que temos estes lugares e outros ríos preto de nós.
Os resultados obtidos na análise físico-química foron: temperatura da auga: 12ºC ;
transparencia: completa (a auga estaba moi limpa); medición do pH: 8 (auga ácida) ;
nitratos 5 mg/l; osíxeno disolvido: 4 mg/l.
Desta forma continuámolo compromiso con ADEGA e co seu Proxecto Ríos así
como aplicando a ciencia que aprendemos na escola en prol do noso entorno natural.
Monfero, 26 de novembro de 2012
Antonio González López
REVISTA XESTEIRA 2012/2013