Traballo feito por alumnado do IES Monte das Moas

1. Faro do Cabo Fisterra
Está situado no noroeste de Galicia, nunha península. A miúdo dise que está no
“fin do mundo”, xa que antigamente os romanos non alcanzaban a ver máis alá,
polo que pensaban que aí remataba o mundo.
Consta dunha base octogonal e ten 17 metros de alto. Foi construído no 1853,
pero no 1888 engadíuselle unha sirena (A vaca de Fisterra).
Nas pequenas illas albergan unha gran colonia de diferentes tipos de gaivotas,
tamén se observan outras especies de aves paseriformes como:
- Xirín: Trátase dunha ave pequena, cun pico ancho, pero moi curto. Tanto
as femias como os machos teñen o ventre e o peito de cor branca
amarelada con curtas raias
verticais. Pero os machos, sobre
todo en primavera, mostran a
gorxa e o peito coloreados de
amarelo.
- Pimpím: Este distínguese ben por
posuír una mancha branca que se
ve ben no voo. Ademais, ao voar
tamén se apreza outra banda branca nas ás, na parte media.
A vexetación que predomina nesta zona é :
- Queiruga Costeira: Pertence á familia Ericaceae, é una planta incrible. É
moi adaptable e resistente ao lume. Este arbusto crece ata 1 metro
aproximadamente. Ten follas diminutas, duns 10 mm de lonxitude, son
perennes, e de cor verde escura. As súas flores poden ser de cor rosa,
crema ou branca, e medran dispostas boca arriba ou boca abaixo.
Aparecen durante o periodo outonal.
- Toxo: O seu nome científico é Ulex parviflorus. Chega a alcanzar os 2
metros de altura. Ten poucas follas. As súas flores brotan a finais do
inverno, son de cor amarela e nacen directamente desde as espiñas.

2. Eu elixín o faro do Cabo Fisterra porque estiven alí unha vez cos meus pais, a
miña irmá e o meu can. Durante uns días estivemos visitando a zona de Fisterra,
as súas praias, e o último día fomos ver a tan famosa posta do sol, que vimos
dende o faro. Foi espectacular.
Nuria Gándara García 2ºE