EXPOSICIÓN REDEMUSEISTICA olladas de reinterpretación da obra de Julia Minguillón. As artistas e os artistas seleccionados son: David Cata, Veronica Vicente, Edu Albo, Alberto Pena, Marian Losada, Martin Lestao, Patricia Arellano, Paulova, Jose Caamaño, Paz Vicente,Laura Piñeiro, Iria Cortizo, Roi Dominguez ,Maria Xose Dominguez, Paco Pestana, Juan José Lomarti, Yolanda Dorda, Fernando Yáñez, Benjamin Santin Ben, Maria Nogueira, Germán Limeres, Iago Eireos , Luz Darriba, Miguel Anxo Macia,José Reigosa,Mauro Leivas, Paula Noya Renata Otero Ramallal, Pilar BoullosaFelix Carpio
1. O MUNDO QUE QUEREMOS
Inauguramos unha nova travesía no Plan Proxecta da Xunta de Galicia
acompañados por un grupo de ONGs que se uniron coa meta de transformar este o
noso mundo desigual por outro máis xusto e equitativo. Nós somos a xeración que ten
nas súas mans o cambio, e a mellor maneira para acadalo é xuntarnos todos e todas a
buscar as solución e poñelas en práctica, de maneira cooperativa. Trátase do programa
“Cooperación Galega: O mundo que queremos”.
O pasado luns 25 de novembro tivemos o punto de inicio, nesta ocasión coa
visita de Rosa López Miramontes, da ONG Mundo Cooperante, quen con grandes
doses de entusiasmo e unha ollada moi positiva fixo reflexionar ao alumnado da ESO
na xa familiar temática dos ODM, Obxectivos do Milenio. A través dun xogo de rol os
rapaces e rapazas analizaron as problemáticas que afectan a milleiros de persoas no
noso planeta, e foron quen de idear solucións para erradicalas. Este é o primeiro
eslabón dunha serie de obradoiros que se sucederán ao longo do curso, nos que se nos
ofrecerán ferramentas para a loita en contra das desigualdades: comezaremos pola
protesta e a denuncia a través dun programa de radio; continuaremos coa vivencia dos
problemas a través dun “teatro do oprimido”, na que os rapaces e rapazas poñeranse
na pel dos máis desfavorecidos para acadar unha total empatía; e finalizaremos coa
testemuña de mozos e mozas de países desfavorecidos que visitarán o noso centro e
explicarán ao noso alumnado as condicións de vida nun país do “sur”. E como broche
final, unha xuntanza co alumnado e profesorado dos outros catro centros escolares
galegos que están a participar neste proxecto.