3. Itinatag ang Kaharian ng
Balhae matapos bumagsak ang
Kaharian ng Koguryo sa
pamumuno ng Silla. Nang maging
bahagi ng pinag-isang Silla ang
kabisera at katimugang teritoryo
ng Koguryo, itinatag ng heneral
ng Koguryo na si Dae Jo-young
ang Jin, na kalaunan ay tinawag
na Kaharian ng Balhae. Binubuo
ang kaharian ng iba't ibang
tribong Korean at Malgal.
5. Sakop ng Balhae ang timog
na bahagi ng Manchuria
(Hilagang Silangang China) at
Primorsky Krai, maging ang
hilagang bahagi ng Korean
Peninsula. Gayunpaman, hindi
nagtagal ang kaharian dahil sa
pananakop ng mga Khitan noong
926 na kalaunan ay naging sakop
din ng Kaharian ng Goryeo.
7. Nabuo ang pangalan "Korea" sa
panahon ng pamumuno ng Kaharian ng Goryeo.
Itinatag ito ni Emperor Taejo noong 918. Sa
panahong ito, pinamunuan ng iisang kaharian
ang buong peninsula ng Korea. Tinipon ng
pamahalaan ang lahat ng mga batas at
ipinakilala ang sistema civil service. Higit na
lumaganap ang impluwensya ng Budismo sa
buong peninsula. Ngunit tulad ng ibang mga
naunang kaharian, hindi rin naging ligtas ang
Koryo sa panloob na paglalaban at pananakop
ng mga tagalabas lalung-lalo na ang mga
Mongol na noo'y naghahari sa China . Noong
1231, sinalakay ng mga Mongol ang Korea at
pinilit ang maharlikang pamilya na lumipat sa
Isla ng Kanghwa malapit sa Seoul. Matapos
ang 25 taong pakikibaka, pumayag din ang
maharlikang pamilya.
9. Ang sumunod na 150 taon sa
Korea ay pinamunuan pa rin ng
Kaharian ng Goryeo subalit sa ilalim
ng kontrol ng mga Mongol. Nang
humina ang mga Mongol, humina na
rin ang kapangyarihan ng Goryeo.
Noong 1392, isang heneral ng Korea
na nagngangalang Yi Seong-gye ang
ipinadala sa China upang
makipaglaban sa mga pinuno ng Ming.
Sa halip na makipagdigma, nakipag-
alyansa ang heneral sa mga Tsino,
bumalik sa Korea upang pabagsakin
ang hari ng Koryo at itinatag niya
ang sarili niyang dinastiya.
11. Sa panahon ng pamumuno ng
Kaharian ng Koryo, marami itong naging ambag
sa kultura ng Korea. Ilan sa mga ambag na ito
ay ang mga sumusunod: ang pagkakaperpekto
nila sa sining ng paggawa ng porselanang
celadon. Higit na pag-unlad ng woodblock
printing na nagbigay-daan sa pagkakabuo ng
Tripitaka Koreana. Ang Tripitaka ay banal na
aklat ng budismo. Nilikha rin ng Koryo ang
unang movable type ng paglilimbag na yari sa
metal. Ito ang kauna-unahang imbensyon sa
ganitong uri noong ika-13 siglo at sinasabing
mahalagang ambag ng Goryeo. Ang Jikji na
ginawa noong 1377 ang pinakamtandang aklat
na likha mula sa movable metal type.
15. Itinatag ni Yi Song-gye ang
Dinastiyang Yi (tinawag ding Joseon) sa Korea-
ang pinakamahaba at pinakahuling dinastiyang
namuno sa Korea mula 1392-1910). Nang
masakop niya ng buong peninsula, inilipat ni Yi
Song-gye ang kabisera Hanyang-gun (Seoul
ngayon) noong 1394. Ipinatupad niya ang
Confucianismo bilang opisyal na relihiyon ng
bansa. Dahil dito, nawalan ng kapangyarihan
at yaman ang Budismo.
Naimbento ni Haring Sejong (ang
Dakila) ang alpabetong Koreano na tinawag na
Hangeul. Bunga nito, higit na dumami ang
bilang ng mga Koreano na marunong sumulat at
bumasa dahil ito ang ginamit bilang midyum sa
pagtuturo.
18. Ang panahong ito ay humarap
din ng suliraning panlabas dahil sa
pananakop ng Japan (1592-1598) at
ng mga Manchu (1627-1636). Nang
dumating ang mga Hapones at mga
mangangalakal mula sa Europe noong
ika-19 siglo, isinara ng Korea ang
mga hangganan at daungan nito sa
mga dayuhan. Nanatiling malaya ang
Korea sa kabila ng pananakop ng mga
Kanluranin sa mga karatig-bansa
nito. Dahil dito, tinagurian ang
Korea bilang "Ermitanyong Kaharian."
19. Naging mahalaga ang lupa sa
panahon ng Dinastiyang Yi. Naging
batayan ng yaman at kapangyarihan ang
malalawak na lupain na pagmamay-ari ng
mga yangban- ang pinakamataas na uri
ng mga mamamayan.
Noong 1876, sinimulan ng
Japan ang serye ng paglungsad ng
kasunduang pangkalakalan sa Korea.
Dahil sa lumalalang galit ng mga
Koreano sa Japan, idineklara ni Haring
Kojong ang kanyang sarili bilang
emperador ng Imperyong Taehan o
isang nagsasariling Korea noong 1897.
21. Gayunpaman, noong
panahon ng Digmaang Russo-
Japanese (1904-1905), nilusob
ng Japan ang Korea sa kabila ng
pagdedeklara nito ng neutrality o
hindi pagkampi sa alinmang panig.
Ang pagpapatibay sa Japan-
Korea Protection Treaty noong
1905 ay naging hudyat ng
pagkontrol ng Japan sa Korea at
noong 1910, idineklara ang Korea
bilang sakop ng Japan.