Ang abstrak ay isang maikling buod ng mga pangunahing elemento ng isang akademikong sulatin, kabilang ang introduksyon, metodolohiya, resulta at kongklusyon. May tatlong uri ng abstrak: impormatibong, deskriptibong, at kritikal, na bawat isa ay may kanya-kanyang layunin at nilalaman. Ang mga hakbang sa pagsulat ng abstrak ay kinabibilangan ng pagbibigay-diin sa mga mahahalagang impormasyon at paggamit ng wastong gramatika upang maging malinaw at madaling maunawaan ng mga mambabasa.

1. 1
Abstrak
Ayon kay Phllip Koopman (1997), ang abstrak ay maikli lamang, tinataglay ang mga
mahahalagang elemento o bahagi ng sulating akademiko. Nakapaloob ang introduksyon, mga
kaugnay na litaratura, metodolohiya, resulta at kongklusyon.
Kadalasan ito ay ginagawa ng mga mag-aaral bago sila matapos ng kanilang mga asignatura.
Mababasa sa mga thesis na ito ang mga pag-aaral, pananaliksik at pagkakalap ng mga datus at
mga tala na kapakipakinabang para sa napiling diskusyon. Organisado ayon sa pagkakasunod
sunod ng nilalaman.
Ang abstrak na sulatin ay kadalasang tinatawag na akademikong sulatin. Ito ay isang uri ng
lagom na karaniwang ginagamit sa pagsulat ng mga akademikong papel tulad ng tesis, papel na
siyentipiko, teknikal lektyur, at mga report. Ito ay kadalasang bahagi ng tesis o disertasyon na
makikita sa unahan ng pananaliksik pagkatapos ng pahina ng pamagat. Nilalaman nito ang
pinakabuod ng buong akdang akademiko o ulat.
Ito ay tumutukoy sa isang talatang nagbubuod ng kabuuan ng isang natapos nang pag-aaral. It ay
kabuuang nilalaman ng papel, nandirito ang pangunahing kaisipan ng bawat kabanata sa
pananaliksik.
Sa mga siyentipiko, ginagamit ang abstrak na sulatin sa paglilimbag ng mga datos na kanilang
nakakalap mula sa kanilang mga pananaliksik. Ginagamitan pa ito ng mga dokumentaryo para
mas maipahiwatig ng mga siyentipiko ang aral na gusto nilang ipaintindi sa napili nilang
magbabasa o sa kumunidad na kinabibilangan.
Ang mga personal na journal ay gumagamit lamang ng mga maiiksi ngunit may kompletong
inpormasyon sa kanilang mga sulatin. Samantalang ang mga mananaliksik ay gumagamit ng mga
kompletong detalye at tala para sa kabuuan ng kanilang mga pag-aaral.
Inilalagay ang abstrak sa unahang bahagi ng manuskrito na nagsisilbing panimulang bahagi ng
ano mang akademikong papel.

2. 2
Mga Elemento ng Abstrak
1. May malinaw na pakay o layunin ang isang manunulat. Ang pagkakaroon ng elementong
ito ay nagbibigay ng interes sa isang mambabasa para ito ay mahikayat na basahin ang gawa ng
isang manunulat.
2. Mayroong malinaw katanungan na dapat mabigyan ng konkretong kasagutan sa pagsulat
ng abstrak. Makapagbigay ng malinaw na kasagutan o tugon sa para magamit ng mga
mambabasa.
3. Mayroong presensiya ng metodolohiya na ginagamit sa kabuuan ng abstark. Magkaroon
ng sariling istilo o pamamaraan ng panulat.
4. Mayroong resulta na mababasa sa buod ng abstrak. Mula sa inilapat na katanungan o
problema sa abstrak na sulatin ay magkaroon ng direktibang sagot u tugon para mapunan ang
kabuuan ng nasabing sulatin.
5. Mayroon itong implikasyon na makikita at magagamit ng bumasa ng abstrak. Mga aral na
balang araw ay magagamit ng bumasa ng akda ng isang manunulat.
6. Layunin rin ng bawat sumusulat ng mga artikulo, libro, pahayagan o anumang uri ng
babasahin ay ang humikayat, magbigay aliw, at higit sa lahat ay makapagbigay aral at
mahalagang impormasyon sa kanilang mga akdang ginagawa.
Tatlong uri ng abstrak
1. Impormatibong Abstrak
Marami sa mga abstrak na sulatin ay impormatibo ang uri. Halos lahat ng elemento ng abstrak na
sulatin ay napaloob sa impormatibong uri. Detalyado at malinaw ang mga inpormasyon na
makikita sa babasahing ito.
Higit sa lahat ay kapakipakinabang ito para sa mga magbabasa nito. Ito ay mahaba kumpara sa
deskriptibong abstrak. Kumpleto ito at binubuo ng halos dalawang daan at limampung salita o
higit pa.

3. 3
Ito ay nagbibigay-alam sa mga mambabasa at nagbibigay ng pangunahing impormasyon mula sa
bawat seksyon ng ulat.
Kadalasan ginagamit sa larangan ng siyensya, engineering, sikolohiya - 200 na salita lamang
2. Deskriptibong Abstrak
Ito ay maiksi lamang na uri ng sulatin. Binubuo lamang ito ng isang daan o kulang isang daan na
mga salita. Walang konkretong buod o resulta ng isang sulatin ang mababasa sa uri ng abstrak na
ito. Maihahalintulad lamang ito na parang isang plano lamang na dapat na sundan ng isang
manunulat. Ito ay nagbibigay ng paglalarawan sa pangunahing paksa at layunin, kasama na ang
pangkalahatang ideya ng mga nilalaman. Nagbibigay ng paglalarawan sa pangunahing paksa at
layunin - Sanaysay, editorial, libro - 50-100 na salita - Hindi isinasama: Metodolohiya,
Konklusyon, Resulta, at Rekomendasyon
3. Kritikal na abstrak
Ito ay nagbibigay ng mga karagdagang paglalarawan ng mga natuklasan o mga impormasyon.
Nilalaman ng abstrak
a. Motibasyon
b. Suliranin
c. Pagdulog at Pamamaraan
Mga Bahagi o Nilalaman ng Isang Abstrak
1. Kagiliran at Suliranin Tinatalakay kung kailan, paano at saan nagmula ang suliranin Layunin
Dahilan ng pagsasagawa ng pag-aaral at kung paano makakatulong ang pag-aaral sa paglutas ng
suliranin Pokus Ibinabahagi dito ang paksang bibigyang diin o emphasis sa pananaliksik
2. Metodolohiya Maikling paliwanag ukol sa paraan o estratehiyang ginamit sa pagsulat ng
pananaliksik a. Pangkasaysayan (Historical) b. Eksperimental (Experimental) c. Palarawan
(Descriptive) d. Kaso (Case study) e. Serbiyon (Survey) f. Pagsubaybay na pag-aaral (Follow-up
studies) g. Pagsusuri ng Dokumento h. Kalakarang Pagsusuri (Trend Analysis)

4. 4
3. Kinalabasan at Konklusyon - Tiyak na datos na nakalap sa pananaliksik - Kwantiteytib o
Kwaliteytib - Matagumpay o hindi
Mga Hakbang sa Pagsulat ng Abstrak
1. Basahin muli ang papel upang magkaroon ng pangkalahatang-ideya
2. Pagkatapos, paikliin o mas gawing payak ang impormasyon ng bawat seksyon sa isa o
dalawang pangungusap. Sumulat lamang ng isang talata na magkakaugnay at maigsi subalit
malaman ang mga pangungusap. Maisasagawa ito sa pamamagitan ng paggamit ng pangatnig.
Dapat may pagkakaisa sa talata..
3. Ilagay lahat ng mahahalagang elemento na makikita sa buong papel. Dapat walang
impormasyon na ilalagay na hindi naman matatagpuan sa pananaliksik
4. Gumamit ng payak na salita upang maintindihan ng lahat ng mambabasa
5. Gumagamit ng tamang gramatika sa wikang napili. Isinusulat ito na may pandiwang nasa
aspetong nagdaan o past tense
4. Bawasan ang mga salita upang ito ay sumakto sa limitasyon ng pangungusap o salita
5. I-edit upang magkaroon ng maayos na daloy
Halimbawa 1
Ang layunin ng pananaliksik na ito ay ang malaman at mabatid kung ano ang mga pinagdadaan
ng mga batang ina sa anim na aspeto: emosyonal, espiritwal, mental, pinansyal, relasyonal at
sosyal. Ang sinabing pananaliksik ay sumailalaim sa quantitative method at ginamitan ng
nonrandom convenient sampling, kung saan ang mga respondente ay pinili ng mga mananaliksik
base sa “convenience”. Ang bilang ng mga respondente ay tatlumpo‟t lima (35) na batang ina na
may edad na labing-dalawa hanggang labing-walo na naninirahan sa Sta. Rosa Alaminos,
Laguna. Ang lumabas na resulta ay walang pagkakaiba ang mean score ng anim na salik
kapag grinupo sa antas ng huling pag-pasok, edad ng unang panganganak at kapag igrinupo sa
pagkakakilanlan; kung ito ay tumigil o ipinag patuloy ang kanilang pag-aaral at mayroong
pagkakaiba sa mean score sa emosyonal at sosyal na salik kapag igrinupo sa estadong marital.

5. 5
Halimbawa 2
Ang papel pananaliksik ay naglalahad kung paano masasagot ang mga suliranin patungkol sa
Epekto ng Pambu-bully sa Pisikal, Mental, Sosyal at Moral na Aspeto ng mga mag-aaral..Ang
layunin ng riserts na ito ay malaman ang mga epektong naidulot ng pambu-bully sa pisikal,
mental, sosyal, at moral na aspeto ng mga mag-aaral, matukoy ang naranasan o nararanasan na
pambu-bully, malaman ang iba‘t ibang rason ng pambu-bully at matuklasan ang mga hakbang
upang malabanan ang bullying. Gumamit ang riserts na ito ng deskriptibong metodo sa
kwantitatibong uri sa pangangalap ng datos. Upang mailarawan sa pangkasalukuyang kondisyon
ng paksa ng pag-aaral at makatulong sa pagtugon ng mga suliranin. Ito ay tumutukoy sa pambu-
bully na nararanasan ng mga mag-aaral. Ito ay mayroong pitumpu‘t limang (75) piling mag-aaral
na may karanasan sa pambubully sa unang taon sa PUP. Sila ang makatutulong at makatutugon
sa mga suliranin ng mag-aaral.
Halimbawa 3
Ang pananaliksik ay tungkol sa mga teknik na ginagamit ng sangka-estudyantehan para
makapag-aral ng husto. Gamit ang isang survey kung saan sumagot ang 250 na lalake at 270 na
babaeng estudyante, at ng software gaya ng SPSS upang masuri at maintindihan ng maigi ang
mga datos na nakalap. Base sa mga datos karamihan sa mga estudyanteng mas agtatagumpay sa
sekondaryang edukasyon ay hindi gumagamit ng teknik na kung tawagin ay “rote learning”.
Karamihan sa kanila ay gumagamit ng kanya-kanyang proseso upang makalap ng impormasyon
at matandaan ang mga aralin.
Sangguian:
https://www.scribd.com/doc/213844283/BULLYING-PAPEL-PANANALIKSIK
https://philnews.ph/2020/01/22/abstrak-ang-kahulugan-ng-abstrak-at-mga-dapat-gawin-
dito/https://prezi.com/m/win0bwcixi0n/paguslat-ng-akademikong-sulating-abstrak/
https://www.scribd.com/document/434530811/Kahulugan-Ng-Abstrak
https://www.slideshare.net/BenjOlazo/abstrak-107117341