1. /lbe2015
BY – LAWS NG
EDUKASYON SA PAGPAPAKATAO CLUB
ARTIKULO I. Pangalan
Ang samahan ay tatawaging EDUKASYON SA PAGPAPAKATAO CLUB o ESP Club.
ARTIKULO II. Ang mga Layunin
Hinahangad o layunin ng samahan na:
1. Maitaguyod ang ugnayan ng mga mag-aaral ng Edukasyon sa Pagpapakatao.
2. Mahubog ang kakayahan, kaalaman at talento gayundin and pag-uugali upang lalong mapaunlad
and sarili at maibahagi ito sa kapwa.
3. Maihanda ang mga mag-aaral bilang mga responsableng pinuno sa mga gawain at tungkulin na
maiatas sa kanila sa hinaharap.
ARTIKULO III. Miyembro
Seksyon 1. Ang lahat ng mag-aaral sa Edukasyong Pansekundarya sa ikapito, ikawalo, ikasiyam at
ikasampung taon ay opisyal na miyembro ng nasabing samahan.
Seksyon 2. Ito ay eksklusibo sa lahat ng mag-aaral sa sekundarya na kumukuha ng asignaturang Edukasyon
sa Pagpapakatao.
ARTIKULO IV. Ang Pondo
Seksyon 1. Napagpasyahan na ang pondo ng samahan ay magmumula sa tulong pinansyal ng paaralan at
“fund-raising projects”.
Seksyon 2. Ang pondo ng samahan ay ipagkakatiwala sa nahalal na mamumuno kabilang ang Tagapayo,
Pangulo, at Ingat-Yaman ng samahan.
Seksyon 3. Ang “deposit” at “withdrawals” ay gagawin lamang ng Tagapayo, Pangulo at Ingat- Yaman ng
samahan.
Seksyon 4. Ang pondo ng samahan ay gagamitin sa mga Gawain, proyekto at mga mahahalagang bagay na
may kaugnay sa samahan o organisasyon.
Seksyon 5. Tanging ang Ingat- Yaman at Tagapamanihala ang may karapatan na gumawa ng ulat pinansyal
na susuriin ng Tagasuri.
ARTIKULO V. Ang Pagpupulong
Seksyon 1. Ang regular na pagpupulong ng mga nahalal na pinuno ng ESP Club kasama ang mga tagapayo
ay tuwing una at ikatlong Biyernes ng buwan.
Seksyon 2. Ang nahalal na mga pinuno o opisyales ng samahan ay dapat na magbigay ng paalala sa
gaganaping pagpupulong bago ito gawin.
Seksyon 3. Ang pulong ay maaaring ipatawag ng Pangulo o Tagapayo ng samahan depende sa hinihingi ng
pagpupulong.
ARTIKULO VI. Ang Mga Namumuno
Seksyon 1. Posisyon
Seksyon 1.1. Ang mga pinuno ng samahan ay nahalal sa pamamagitan ng malayang pagboto ng mga
kinatwan sa bawat antas o taon. Ito ay binubuo ng Pangulo, Pangalawang-Pangulo, Kalihim, Ingat-Yaman,
Tagasuri, PIO, dalawang (2) Peace Officers, at tig-aapat (4) na Kinatawan mula sa ika-Pito hanggang ika-
Sampung antas na hinalal ng mga miyembro ng nasabing samahan.
Seksyon 1.2. Ang magsisilbing mga Tagapayo o Adviser ng samahan ay ang regular na guro na
nagtuturo ng Edukasyon sa Pagpapakatao na inatasan ng Head Teacher ng Edukasyon sa Pagpapakatao.
Seksyon 1.3. Ang Pangulo ng Edukasyon sa Pagpapakatao sa iba’t ibang seksyon ay tuwirang
itinalaga bilang Kinatawan ng ESPC subalit hindi nangangahulugang opisyal ng ESPC sa School Level.
2. /lbe2015
Seksyon 1.4. Kung sakaling maluklok ang Pangulo ng seksyon sa mataas na posisyon, ang
Pangalawang-Pangulo ay inaasahang gaganap ng tungkulin bilang Kinatawan.
Seksyon 2. Tungkulin ng mga Namumuno
Seksyon 2.1. Ang Pangulo/President ay tatayong ehekutibo ng organisasyon. Ang kanyang mga
tungkulin ay ang mga sumusunod:
1. Mangunguna sa pangkahalatang pagpupulong ng organisasyon.
2. Magpanukala ng anumang proyekto ng organisasyon.
3. Lumagda at sumang-ayon sa mga dokumento, sulat, at kautusanng organisasyon.
4. Magpatawag ng pulong.
Seksyon 2.2. Ang Pangalawang- Pangulo/Vice President ay tatayong tagapanguna kung sakaling ang
Pangulo ng organisasyon ay lumiban o kaya ay may dinaluhang ibang pagpupulong o gawain.
Seksyon 2.3. Ang Kalihim/Secretary ang mamamahala at mag-iingat ng lahat ng dokumento ng
organisasyon. Siya rin ang maghahanda at magtatala ng napag-usapan sa naganap na pagpupulong na
napagkasunduan ng bawat miyembro.
Seksyon 2.4. Ang Ingat-Yaman/Treasurer ang siyang mag-iingat at maghahawak ng pondo o salapi ng
organisasyon gayundin ang mga datos at dokumento na may kinalaman sa pananalapi ng organisasyon,
kinakailangang may Official Receipt o anuumang resibo sa bawat reimbursement na gagawin sa organisasyon.
Seksyon 2.5. Ang Tagasuri/Auditor ang mangangasiwa sa pagsusuri sa usapang pampinansyal at
magtatabi at mag-iingat ng mga resibo/reports.
Seksyon 2.6. Ang Public Information Officer ang siyang magiging tinig at mukha ng organisasyon sa
pagpapalawig ng mga impormasyong makakatulong para sa pangkalahatan ng organisasyon.
Seksyon 2.7. Ang mga kinatawan / Representatives ng bawat taon ang siyang maghahatid ng
updates, impormasyon, sa kani-kanilang antas. Sila ang magsisilbing tagahatid balita at boses ng bawat
kinakatawang antas.
Seksyon 3. Ang Halalan
Seksyon 3.1. Ang eleksyon o halalan ng samahan ay magaganap tuwing ikalawang linggo ng Agosto
ng taong pampaaralan.
Seksyon 3.2. Ang pamunuan o opisyales ng ibang organisasyon ay hindi pinahihintulutang tumakbo sa
anumang posisyon ng ESPC upang maiwasan ang pagkakahati ng prayoridad ng tungkulin.
Seksyon 3.3. Panunungkulan o Termino
Ang lahat ng mga inihalal na pinuno ng organisasyon ay manunungkulan sa loob ng isang taon. Subalit kung
walang hahadlang sa bawat kinatawan, ang bawat isa ay maaaring tumakbong muli sa halalan o eleksyon .
Seksyon 3.4 Ang kinatawan/representative sa bawat antas na ihahalal ay magmumula sa ibat-ibang
seksyon at bubuuin ng dalawang lalake at dalawang babae sa bawat antas.
Seksyon 3.5 Desisyon ng Adviser/s kung lilimitahan sa muling pagkakahalal ang mga opisyal sa
susunod na School Year. Magkakaroon ng deliberasyon ang mga advisers sa mga opisyal kung nagampanan
ng maayos ang kanilang tungkulin ng nakaraang termino.
Seksyon 4. Pagpataw ng Karampatang Parusa
Seksyon 4.1. Ang pagliban ng madalas ng inihalal na pamunuan sa oras ng pagpupulong, gawain at
proyektop ay mapapasailalim sa kaparusahan o pagkakaalis sa posisyon batay sa kadahilanan ng kanyang
pagliban at pagkabigong magampanan ang kanyang mga tungkulin.
Seksyon 4.2. Sa bawat dalawang (2) beses na pagliban, magbabayad siya ng halagang Php. 20.00.
bilang multa at ito ay ilalagay sa pondo ng organisasyon.
Seksyon 4.3. Subalit, kung siya ay makakapagpakita ng mga katanggap-tanggap na dokumento tulad
ng sertipikong medical, at sulat maaari siyang hindi mapatawan ng kaukulang multa.
Seksyon 4.4 May karapatang hindi pirmahan ng mga Advisers ang papeles para sa extra-curricular ng
isang officer na palagiang may liban na hindi bababa sa lima.
ARTIKULO VII.
Ang mandato ay masusing pinaghandaan at pinagkasunduan ng samahan. Ang anumang susog o
pagbabago ay maaaring sa mga alituntuning panloob kung ito ay mahigpit na pinagkasunduan ng ¾ na boto
mula sa kabuuang bilang ng samahan.
Ang titik o nilalaman ng mga By-Laws ng Edukasyon sa Pagpapakatao Club ay totoo at tama na
pinagtibay ng mga halal na pinuno ngayong ika-_______________ ng ________________ taong 2015-2016.
Pinagtibay:
MARIA NICOLE B. VITASA GABRIEL MARTINA R. TABIGAY RENEE JANELA V. TOLENTINO
President Vice President Secretary
JERICHO V. ASINAS JOSHUA MAVERIC V. PEDAYO DANIELLA RUPA B. RANA
Treasurer Auditor Public Information Officer
GADDHIEL JABEZ U. MALAPAYA AZENNETH ANN G. FLORES
Peace Officer Peace Officer
3. /lbe2015
Grade 7 REPRESENTATIVES
ROLAND JOVE P. MESINA CHARMAINE D. BANAGAN EHDRISSE KIRCHEL E. DE LUMBAN REDNER GENCY C. ANGELES
Grade 8 REPRESENTATIVES
JOHN VINCENT GALANTA FRANCEES ARRIANNE D. AROCENA LOIS AGATHA C. SANDOVAL HANNEY M. ACLAS
Grade 9 REPRESENTATIVES
JOHN PAUL B. NAPIZA IMA TIARRA ISABEL D. GAGUI JAIMIE CAMILLE D. PASCUAL KATHERINE E. ALBURO
Grade 10 REPRESENTATIVES
ROZELLAH MAE I. BANAAG GABRIELLE YESSAMIN S. ESPIRITU JESSICA S. CO JEANELLA I. BLANCAFLOR
LEMUEL B. ESTRADA MAY ANN P. ARIOLA
Adviser Adviser
LORELYN C. MINON
Head Teacher VI
OIC, ESP Department