1. CELEBRACIÓN DO DÍA DA FAMILIA
Crónica de Antonio González López (3º ESO)
O Xestal, domingo 3 de xuño de 2012.
Formando parte xa dunha tradición, a ANPA (Asociación de nais e pais de alumnos) do
colexio organizou unha Festa da Familia moi amena. Foi esta unha xornada de convivencia
entre nais, pais, alumnos/as e algúns/has profesores/as.
A celebración comezou ás once e media (11:30 h) no pavillón polideportivo, cun partido
de fútbol entre pais e alumnos, e máis tarde outro partido de fútbol sala entre nais e alumnas; de
acordo co programa da festa. Os partidos de fútbol estiveron ben… Pero non foron tan rifados e
emocionantes como o de brilé, onde se incorporaron profes de Primaria que lle puxeron as
cousas difíciles ás xogadoras do equipo de alumnado. A contenda rematou coa vitoria de profes
e nais/pais, tras un duro “man a man” entre Sara, a profe de E.F. de Primaria e Lucía Otero, que
defendeu ó alumnado no terreo de xogo.
Foi un día de lecer que lle debemos á ANPA e que é interesante que se realice nun
centro como este, xa que forma parte da promoción e da publicidade. Tras os partidos houbo un
xantar onde se repartiron varios premios de sorteos e catro premios para os/as alumnos/as con
mellores resultados académicos, que outorgaron a directora, o alcalde de Monfero, Manel (como
concelleiro representante de Irixoa) e o presidente da ANPA, así como as/os outras/os membros
da directiva da Asociación.
Tras o xantar, houbo varios xogos e algunhas colchonetas para o alumnado de menor
idade. Así mesmo, houbo unha festa da espuma onde todos os participante quedaron “bonitos”.
Aproveitando esta xornada de diversión e entretemento, veu dona Celia facer unha breve visita
ao evento.
Monfero, 5 de xuño de 2012. REVISTA XESTEIRA.
P.S.: Agradecementos á ANPA e colaboradores pola realización deste evento por parte da
opinión popular do alumnado asistente.