Filipino^module 6 country cozy-middle east and africa

PRE-EMPLOYMENT ORIENTATION SEMINAR (PEOS ONLINE)
MODULE 6: GET COUNTRY COZY
MIDDLE EAST AND AFRICA

Pre-Employment Orientation Seminar (PEOS) Online - powered by JobStreet.com
Module 6: GET COUNTRY COZY-- What do I need to know about my overseas employer’s country?
Get Country Cozy!
Alamin ang mga pangunahing impormasyon sa bansang
gusto mong puntahan, gaya ng:
Visa Fee
Medical Examination Fee
Pamasahe
Klima
Pagkain
Pananamit
Kultura at kaugalian
Oras
Relihiyon
Pananalapi
Immigration and labor laws
Philippine Embassy
or Philippine Overseas Labor Office (POLO)

Middle East
KINGDOM OF SAUDI ARABIA
Kailangan ng working visa bago makapagtrabaho sa
Kindom of Saudi Arabia, nagkakahalaga ito ng $36.00.
Ang employer mismo ang kailangan magbayad nito.
Ang kabuuang halaga para sa eksaminasyon pang
medikal ay nagkakahalaga ng ₱2,580.00. Dagdag pa dito
ay ang ₱200.00 na binabayaran para sa pregnancy test
at ECG para sa mga apatnapu’t taong gulang pataas. May
ibang employer ang nagbabayad nito o kaya’y maari silang
pumili ng kahit anong DOH accredited clinic para sa
kanilang eksaminasyon pang medikal.
Umaabot ng 11 hanggang 12 na oras ang biyahe galing Maynila patungong
Saudi Arabia. Philippine Airlines, Cebu Pacific, Saudia Airlines lamang ang
bumibiyahe papuntang Riyadh o Jeddah. Umaabot ng ₱19,000 to ₱25,000 ang
pamasahe.

Middle East
KINGDOM OF SAUDI ARABIA
Umaabot sa pinakamainit na temperatura tuwing umaga at
pinakamalamig na temperatura tuwing gabi. Mayroon din
paminsan minsan malakas na pag-ulan na nararanasan sa
Kingdom na nagdudulot ng pagbaha.
Khboz ang tawag sa tinapay na walang timpla na inihahain sa tuwing sila ay
kakain. Kumakain din sila ng karne ng tupa, manok, shawarma, at hummus (a
paste of chickpea, garlic and lemon). Nakaugalian din nila ang pag inom ng Arabic
tea. Tuwing buwan ng Ramadan, lahat ng muslim ay umiiwas sa pagkain habang
may araw pa . Ang mga hindi Muslim ay pinagbabawalan ding kumain, uminom, at
manigarilyo sa pampublikong lugar tuwing Ramadan.
Riyadh ang kapital na lungsod ng Saudi Arabia. Riyal ang tawag sa
kanilang pananalapi at Islam ang kanilang relihiyon.
Pansamantalang humihinto sila sa kani-kanilang trabaho kapag oras
ng pagdarasal na ginagawa nila 5 beses sa isang araw. Linggo
hanggang huwebes lamang ang kanilang trabaho at biyernes ang
kanilang araw na walang pasok. Ang libro ng Islam na tinatawag na
Koran ay nasasaad sa Islamic Law na tinatawag na Shari-ah.

Middle East
. . . more on Kingdom of Saudi Arabia
Ang mga babae ay dapat nakasuot ng abaya kapag lalabas
ng pampublikong lugar. Pinagbabawal din sa kanila ang mga
“entertainment” stores tulad ng music store, DVD/video at
computer shops, recreational areas tulad game arcades,
restaurants, cafes, fastfood outlets, etc. maliban na lamang
kung ang kasama nila ay kamag-anak o asawa.
Ipinagbabawal din ang lalaki at babae na magkasama kung
hindi naman sila mag-asawa.
Ang pagsamba at pananampalataya sa ibang relihiyon sa pampublikong lugar
maliban sa Islam ay mahigpit na ipinagbabawal, kasama na ang pagdadala ng bibliya,
crucifix, imahe at anumang simbolo ng pananampalataya na walang kinalaman sa
Islam. Ipinagbabawal din ang pagdadala, pagawa, at paginom ng alak, pati ang
pagkain at pagpuslit ng karne ng baboy.

Middle East
. . . more on Kingdom of Saudi Arabia
Mahigpit na ipinagbabawal ang pornograpiya at pagsusugal.
Kahit pagkuha ng litrato sa mga mosques, paliparan at military
installation ay hindi pinapayagan ng walang pahintulot. Ang
paggamit ng ipinagbabawal na gamot ay may parusang
pagkakulong at ang sinumang magpuslit ng pinagbabawal n
droga ay paparusahan ng kamatayan.
Kafala ang tawag sa sistema ng mga manggagawa na kung
saan hindi pinahihintulutan lumipat ng ibang employer ang
isang manggagawa hangga’t hindi pa niya natatapos ang
pinirmahang kontrata.
Kung kailangan ng entry visa sa pagpasok papuntang Saudi, kinakailangan din
kumuha ng exit visa bago lumabas ng Saudi Arabia.
*For more details, visit www.owwa.gov.ph

Middle East
UNITED ARAB EMIRATES
Binubuo ng pitong estado ang United Arab Emirates: Abu
Dhabi, Dubai, Sharjah, Umm Al Quwain, Fujeirah, Ajman
and Ras AL Khaimah, at ang estado ng Abu Dhabi ang
itinuturing na Federal Capital na umaabot sa 8 hanggang 9
na oras ang biyahe mula Pilipinas sa pamamagitan ng
eroplano.
Ang UAE ay may tropical at tigang na klima. Ang tag-araw ay
mula Abril hangggang Setyembre, at ang tag-lamig naman ay
mula Oktubre hanggang Marso. Madalang ang pag ulan at
nangyayari ito tuwing panahon ng taglamig. Biyernes at
Sabado ang nagsisilbi nilang weekend. Dirham naman ang
tawag sa kanilang pera o pananalapi.
Karaniwang pagkain nila ay hummus, karne, kanin at isda,
na karaniwang maaanghang. Mayroon ding mga pagkaing
pang Filipino sa ilang grocery store . Mataas ang gastos sa
pagkain dahil karamihan sa kanilang produkto ay imported.
Suportado ng UAE ang makabagong pananaw tungkol sa Islam. Ito din opisyal
na relihiyon ng bansa ngunit matatagpuan din dito ang Kristiyanismo, Hinduismo
atbp.

Middle East
. . . more of United Arab Emirates
Pagdating sa pananamit mas strikto ang Saudi at Qatar
kaysa sa UAE. Maari din naman iwasan ng mga
kababaihan ang pagsusuot ng mga damit tulad na lamang
ng mga skimpy dresses, short, skirts, swimsuits at
sleeveless blouses.
Hindi pinapahintulutan ang pagpapakita ng pagmamahalan
sa pampublikong lugar kahit sa mga mag-asawa.
Ipinagbabawal din ang relasyong sekswal sa mga hindi
kasal, kahit ano pa mang uri ng relasyon sila meron sa
labas ng bansang UAE. Illegal din ang pakikipaglive-in ng
hindi kasal kahit sa mga hotel.
Tulad ng KSA, Kafala system din ang ginagamit sa UAE at
kapag nakapasok ka sa alinmang estado nila
mangangailangan ka ng exit permit bago lumabas dito.
Bawal ang pagtatrabaho dito ng walang tamang work visa.
For more details, visit www.owwa.gov.ph

Middle East
QATAR
Umaabot ng 9 hanggang 10 na oras ang biyahe galing
Pilipinas papuntang Qatar. Ang kapital ng Qatar ay Doha
at Qatari ang tawag sa kanilang pananalapi.
Ang Qatar ay may tag-tuyo’t na klima at paminsan
minsan malamig, mainit, mahalumig-mig na taginit at
madalas na Sandstorm at dust storm.
Ang opisyal na relihiyon ay Islam ngunit hindi
ipinagbabawal ang Kristyanismo at iba pang uri.
Kraaniwang pagkain ay hummus, kanin, at salad na
gawa sa parsley at kamatis.
Ang gasolina dito ay napakamura ngunit mahal ang mga
pangunahing pagkain at gastos sa entertainment .

Middle East
. . . more on Qatar
Ang pagpapakita ng pamamaraan ng pagmamahalan
sa pampublikong lugar tulad na lamang ng
paghahalikan, pagyayakapan, at paghawakan ng
kamay ay mahigpit na ipinagbabawal maliban sa
pagbabatian ng magkaparehong kasarian.
Gumagamit din ng sistema ang Qatar na tinatawag
na Kafala.

Middle East
BAHRAIN
Ang Bahrain ay isang arkipelago na binubuo ng mga
isla sa Persian Gulf. Bilang parte ng Persian Gulf
angBahrain ay may mainit na klima. Nakararanas ng
tag-init na klima mula Abril hanggang Oktubre. Manama
ang kapital ng Bahrain.
Biyernes at Sabado ang itinuturing na weekends.
Umaabot ng 10 hanggang 11 na oras ang biyahe galing
sa Pilipinas papuntang Bahrain. Islam ang opisyal na
relihiyon pero pinapahintulutan din ang ibang relihiyon.
Bahraini Dinar ang tawag sa kanilang pananalapi.
Ang Bahrain ay isa sa mga bansa sa Middle East na
mapagparaya sa pagpapahalaga ng kultura at
pananamit. Subalit sa pampublikong lugar mas mainam
na magsuot ng kasuotan na natatakpan mula balikat
hanggang tuhod tanda ng paggalang

Middle East
KUWAIT
Umaabot ng 12 hanggang 13 na oras ang biyahe
patungong Kuwait galing Pilipinas. Ang klima dito ay
lubhang mainit at tuyot tuwing summer mula Abril
hanggang Oktubre, na may maikling taglamig at tag-
ulan.
Ang Kabisera ng bansang kuwait ay Kuwait City.
Kuwaiti Dinar ang tawag sa pananalapi at Islam ang
opisyal na relihiyon ngunit pinapayagan din ang ibang
uri na relihiyon.
Ang mga kaugalian, batas at tradisyon sa Kuwait ay
nakabatay sa kanilang gawi at paniniwalang Islam.
Maging mahinahon at respetuhin ang mga kaugalian at
tradisyon upang maiwasang makasakit ng saloobin ng
Kuwaiti. Mahigpit na ipinagbabawal ang pagawa,
pagbili at pag inom ng anumang likidong nakakalasing o
alak.

Middle East
KUWAIT
Kumpara sa ibang bansa sa Middle East mas mataas
ang antas ng pamumuhay sa Kuwait. Halos lahat ng
mga OFWs ay pinili ang libreng tirahan na kaloob ng
kanilang employer. Kaysa magbayad ng KD200-400
kada buwan dagdag pa ang bayad sa tubig at kuryente.
Ang mga gastusin para sa pagkain at kagamitan ay
mababa lamang. Sagana dito sa isda. Prutas, gulay,
laman dagat at bigas ang pangkaraniwan nilang
pagkain.
Talamak ang pagbebenta ng mga sasakyan, electronic
gadgets at iba pa, sa kadahilanang wala silang
binabayaran na buwis at madali lamang ang
transaksyon sa pagbabayad.

Middle East
KUWAIT
COMPENSATION /
EXPENSES
SEMI-SKILLED
(CLEANERS/SECURITY
GUARD)
(KD/USD)
SERVICE/TECHNICAL
WORKERS
(KD/USD)
PROFESSIONAL
MANAGERS AND
SUPERVISOR (KD/USD)
Basic Monthly Salary 120-150/400-500 120-200/400-700 250-1,000/1,000-5,000
Housing Allowances 40/150 40/150 120-250/400-1,000
Minimum Food Allowance 20/75 20/75 20/75
Minimum Transportation Allowance 20/75 20/75 20/75
Overtime Pay
Annual Leave
Sick Leave/ Mandatory Holiday Pay
Total Monthly Earnings 210-241.50/740-850 210-300/750-1,100 435-1,370/1,650-6,450
Less Total Expenses:
Taxes/ Social Security/EI/CPP
Accommodation/House Rental & Utilities 40-150 40-150 120-250/400-1,000
Personal Necessities 50-200 50-200 50-200
Total Expenses
Average Net Basic Monthly Earnings 120-152.50/400-525 120-210/400-750 260-1,070/1,050-5,250
Average Net Basic Monthly Earnings in
Philippine Peso (₱)
17,461.78-22,919.77 17,472.84-32,763.66 45,853.63-229,267.63
Ating alamin kung magkano ang maaring maging take home pay kung
ikaw ay isang OFW na nagtatrabaho sa Kuwait
1 USD=PHP43.66
1 KD= PHP152.27
(as of July 2014)

Middle East
. . . more on Kuwait
Hindi pa rin maaring magsuot ng tight, see-through o
maikling palda ang mga kababaihan kahit na hindi nila
kailangang magsuot ng abaya. Sa pangkalahatan
marapat pa rin na magsuot ng damit na natatakpan ang
balikat hanggang tuhod. Kailangan iwasan din ng mga
kalalakihan at kababaihan ang pagsusuot ng short.
Marami lugar ang pwedeng puntahan tulad na lamang ng
mga resturants, sinehan, cafes at pribadong lugar.
Ang pang iinsulto sa pamamagitan ng salita o malaswang
kilos ay maarting ituring na krimen, at kung sakaling
mapatunayan ay maari kang ma-deport, magmulta o
makulong.
Iwasan din ang physical contact tulad ng paghoholding
hands sa mga pampublikong lugar.

Middle East
OMAN
Ang Sultanato ng Oman ay may pamumuhay na
kahalintulad din ng sa ating National Capital Region
maliban sa mataas na gastos sa accommodation lalo
na sa Muscat na siyang Kabisera ng bansa. Mataas
ang antas ng pamumuhay sa Sultanato ng Oman
kumpara sa ating National Capital Region.
May umiiral na minimum wage na 350 OMR sa Oman
ngunit ito ay para lamang sa mga Omani pero sa mga
expatriates tulad ng OFWs ang kanilang wage rate ay
depende sa supply at demand ng kasalukuyang labor
market na kung saan hirap ang mga employer na ialok
ang mababang sweldo na umaabot lamang ng OMR
50.00 at obligado silang kumuha ng manggagawang
Omanis sa sahod na 350.OMR.
(As of May 2014)

Middle East
OMAN
COMPENSATION /
EXPENSES
SEMI-SKILLED
(CLEANERS/SECURITY
GUARD)
(OMR/USD)
SERVICE/TECHNICAL
WORKERS
(OMR/USD)
PROFESSIONAL
MANAGERS AND
SUPERVISOR
(OMR/USD)
Basic Monthly Salary 120-180/312-468 160-220/312-468
270-1,000/700-
2,500
Housing Allowances Free Free Free
Minimum Food Allowance
Minimum Transportation
Allowance
Overtime Pay 10/26 20/52 40/104
Annual Leave
2 day rest (Friday &
Saturday)
Saturday)
Saturday)Sick Leave/ Mandatory
Holiday Pay
Total Monthly Earnings 130-190/338-494 180-240/338-494
290-1,040/754-
2,704
Less Total Expenses:
Taxes/ Social
Security/EI/CPP
tax free tax free tax free
Accommodation/House
Rental & Utilities
2/5.20 (utilities only) 2/5.20 (utilities only)
1,523.00 (utilities
only)
Personal Necessities 40/104 40/104 40/104
Total Expenses 42/109.20 42/109.20 42/109.20
Average Net Basic
Monthly Earnings
(exclusive in OT Pay)
88-148/228.80-384.80 88-148/228.80-384.80
248-998/644.80-
2,594.80
Average Net Basic
Monthly Earnings in USD
228.80-384.80 228.80-384.80 644.80-2,594.80
Average Net Basic
Monthly Earnings in
Philippine Peso (₱)
9,991.09-16,805.55 9,991.09-16,805.55 28,151-113,288.96
1 US$=PHP 43.66
1 OMR=PHP 113.11
(as of July 2014)
Ating alamin kung magkano ang maaring maging take home pay kung
ikaw ay isang OFW na nagtatrabaho sa Oman

Africa
ANGOLA
Luanda ang kabisera ng Angola. Angolan Kwanza ang
tawag sa pera nila..
Umaabot ng 21 hanggang 24 oras ang biyahe sa eroplano
mula Manila. Philippine Airlines at iba pang international
flights ang maaring sakyan patungong Luanda. Ang presyo
para sa one-way airfare ay umaabot ng ₱39,000
hanggang ₱50,000.
Ang pangkalahatang relihiyon dito ay Kristiyanismo at
three-fifths ng populasyon ay Roman Catholic.
Portuguese ang opisyal na lenggwahe at ang uri ng pananamit ay alinsunod sa
dating bansang sumakop dito na Portugal. Karaniwan na din ang Western-style
na pananamit dito.
Ang klima sa Angola ay semi- arid o semi- dry sa timog at sa kahabaan ng
baybayin. Dry Season naman mula Mayo hanggang Oktubre at isang mainit,
maulan naman mula Nobyembre hanggang Abril.

Africa
ANGOLA
Ang pangunahing sangkap sa mga pagkain ay funje , isang
makapal na polenta - tulad ng pagkain na ginawa mula sa
kamoteng kahoy harina o mula sa mais harina. Ito ay
madalas na inihahain kasama ang palm oil, beans at gulay.
Ang pagkain at iba pang mga bilihin ay lubos na mahal sa
Luanda dahil karamihan ay inaangkat . Halimbawa , ang
isang IT boss ay nagbabayad 192 Euro para sa isang
pares ng maong - dalawang beses ang presyo sa London.
Ipinapatupad ang Angolanisation principle dito kung saan hindi dapat bababa sa
70% ng mga manggagawa ay Angolan at 30% lamang mula sa ibang bansa, ngunit
kailangan ding siguruhin na dapat ay walang diskriminasyon pagdating sa trabaho.
Kailangan ng work visa sa Angola kung ikaw magtatrabaho ditona
nagkakahalaga ng $ 700.00 . Tandaan, ito ay sagutin ng employer
mo. Ang medical examination ay umaabot ng ₱ 2,500.00 sa
₱3,500.00 depende sa medical clinic na iyong napili.

Africa
NIGERIA
Abuja ang siyang kabiserang lungsod ng Nigeria. Ang
pangkalahatang relihiyon sa bansang ito ay Kristiyanismo at
Islam. Ang kanilang opisyal na pera ay Nigerian Naira .
Tinatayang mula sa Manila hanggang Lagos , Nigeria ay
umaabot ng 16 na oras. Ang klima ay tropikal sa
pangkalahatan , gayunpaman maaari itong mag-iba sa iba't
ibang mga rehiyon at mahalumigmig masyado at mainit sa
gabi. Ang wet season naman ay nagsisimula mula sa Abril
hanggang Oktubre, na may mas mababang buwanang
temperatura.
Ang kanilang pangunahing pagkain ay madalas na gawa sa mais, yams , at kamoteng
kahoy. Ang mga ito ay tinutuyo at pagkatapos ay ginigiling para maging harina upang
gumawa ng isang makapal na masa. Ang soups o stews ay inihahain na may
kasamang sibuyas, mga kamatis at okra. Popular din ang kanin dito sa kabila ng
kakulangan ng suplay.

Africa
…. more of NIGERIA
Mahalaga ang maayos na pananamit sa Nigeria bilang
paraan upang makilala ang iyong antas ng pamumuhay
at kahalagahan. Ang mga lalaki ay dapat magsuot ng
dark suit at kurbata at ang mga naman kababaihan ay
dapat magsuot ng business-style suit.
Ang Embahada ng Pilipinas ay matatagpuan sa No. 543-B, A
Close, 14 Road, 2nd Avenue Gwarinpa, FCT, Abuja, Nigeria
Ang work visa ay nagkakahalaga ng 39 US$.

Africa
EQUATORIAL GUINEA
Ang Equatorial Guinea ay nasa gitnang kanluran ng Africa. Ang
biyahe mula Manila hanggang Malabo ay humigit-kumulang 24
na oras sa pmamagitang ng eroplano at umaabot Php 46,000 -
50,000 ang pamasahe. Malabo ang kabisera nito. Ang klima ay
tropikal , palaging mainit at mahalumigmig.
Ang opisyal na pananalapi ay CFA Franc at ang opisyal na
pananalita ay Espanyol . Karamihan sa Equatorial Guineans
ay naniniwala sa Kristiyanismo , ngunit may tradisyonal na
paniniwala pa ring umiiral .
Karaniwang pagkain dito ang cocoyams (malanga), plantains , at bigas. Hindi sila
mahilig sa karne maliban sa porcupine at forest antelope, dagdagan pa ng manok
at gulay mula sa kanilang bakuran. Mayaman din ang mga baybayin dito sa isda
Ang mga Equatorial Guineans ay palakaibigan. Agad silang nakikikipagkamay at
bumabati. Ipinapakita nila ang pagalang sa may mataas na estado sa pagtwag
ng, Don o Doña . Sinisikap nila na manamit ng maayos sa pampublikong lugar,
sa pamamagitan ng pagsuot western -style dresses para sa anumang mga
propesyonal na gawain o gawaing may kaugnayan sa negosyo.

Africa
ALGERIA
Ang Algeria ay matatagpuan sa Hilagang Africa. Ang biyahe
mula Manila hanggang Algiers ay humigit-kumulang 24 na
oras na may pamasaheng umaabot sa US $ 1,000 pataas.
Ang work visa sa Algeria ay nagkakahalaga ng 190 US $.
Ang opisyal na pananalapi ay Algerian Dinar . Ang
pangunahing relihiyon ay Islam. Karamihan sa pananalita ng
mga tao ay Arabic kilala bilang darja , Berber ( Tamazight ),
at Pranses.
Ang semolina o durum na trigo ang karaniwang pagkain ng Berbers (Arab ang
pinagmulan ) , na kapag pinasingawan ay nagiging" couscous " at karaniwang inihahain
na may tupa, manok o lutong gulay.
Ang mga paksa tulad ng pamilya , relihiyon, at pulitika ay dapat na iwasan sa tuwing
makikipag-usap sa mga tao upang maiwasan ang hindi pagkakaunawaan.
Ang klima sa hilagang Algeria ay mas malamig, na may Mediterranean-style na klima.
Ang temperatura sa Algiers ay karaniwang 26°C tuwing Hulyo, at ang halumigmig ang
lalong nagpapaalinsangan tuwing tag-init.

Africa
ZAMBIA
Ang Zambia ay matatagpuan sa Timog na bahagi ng Africa.
Lusaka ang kabisera nito. Ang biyahe mula Manila
hanggang Lusaka ay humigit-kumulang 21 na oras sa
eroplano at maaaring gumastos ng US $ 689 - US $ 912.
Ang opisyal na pananalapi ay Zambian Kwacha at Ingles ay
ang opisyal na wika. Ang pangkalahatang relihiyon ay
Kristyano . Ang klima ay karaniwang tuyo at katamtaman .
Tag-ulan mula Oktubre hanggang Abril.
Ang dress code ng Zambia ay medyo konserbatibo. Ang lalaki ay nagsusuot ng western
style na damit habang ang mga dayuhang kababaihan ay dapat magsuot ng pormal na
blusa at palda o slacks . Iwasan ang anumang bagay o damit na ang hitsura ay militar,
upang maiwasan ang pagkakaroon ng problema.
Ang antas ng pamumuhay sa Zambia ay 30 % na mas mataas kaysa sa Pilipinas
kabilang na ang upa na kung saan ay 165 % mas mataas kaysa sa Pilipinas. Ang
karaniwang pagkain ay mais (na kilala bilang sweetcorn sa UK) , ang lokal na
pagkain ay gawa sa nshima , mula sa giniling na mais.

Sa kasalukuyang panahon, mas napapadali na ang
pakikipagkomunikasyon sa kani-kanilang pamilya at kamag-
anak dahil sa mga bagong teknolohiya tulad na lamang ng
paggamit ng text messaging, email, video calling gamit ang
skype at viber. Sa pamamagitan ng mga social networking
sites tulad ng Facebook, Twitter at Instagram maari nang
maka pagbahagi ng mga litrato at dokumento.
PANUNTUNAN SA PAGGAMIT NG SOCIAL
MEDIA
May iilang bansa ang may mahigpit na panuntunan sa paggamit ng internet at may
karampatang parusa ang sinumang lumabag dito. Ang mga nasabing paglabag
tulad ng paggamit ng mga pornographic sites, paninira ng reputasyon ng ibang tao
gamit ang internet at makakasira sa pangkalahatang siguridad.

PANUNTUNAN SA PAGGAMIT NG SOCIAL
MEDIA
May ibang tao na hindi iniisip ang maaring maging
negatibong resulta ng sobrang paglalahad ng kanilang
personal na impormasyon, saloobin at mga litrato sa internet,
maari itong magdulot ng paninira sa kanilang reputasyon,
pagnanakaw sa kanilang pagkakakilanlan o mas malala pa
ay mawalan sila ng trabaho. Maaring matanggal sa trabaho
ang sinumang manggagawa ang magpost sa internet kontra
sa lahi at relihiyon ng ibang bansa. Nangangahulugan ito ng
paglabag sa batas at regulasyon ng ibang bansa.
Tandaan na kapag magtatrabaho sa ibang bansa dapat sundin ang mga batas,
regulasyon,kultura at relihiyon na pinaniniwalan nila bilang pagbibigay respeto sa
bansang iyong pupuntahan.

Suriin at alamin ang mga sumusunod na paalala bago
magpost sa internet o sa online media:
1) Isaalang-alang ang limitasyon at seguridad ng iyong social network
account, kung maari ay kaibigan o malalapit at mapagkakatiwalan na
kakilala lamang ang makakaalam nito.
2) Iwasan i-aacept o i-follow ang iyong amo sa mga social networking
sites. At kung maari ay ihiwalay ang personal na buhay sa iyong
trabaho.
3) Kung magrereport ka ng paglabag sa kontrata o pang aabuso ng
iyong amo ay huwag gamitin ang social media para magreklamo sa
iyong trabaho. Sa halip ay gamitin ang tamang proseso sa
pagrereport tungkol sa paglabag sa karapatan at kontrata.
4) Huwag punahin o siraan ang kultura o tradisyon, paniniwalang panrelihiyon, mga kaugalian at
katangian ng mga taong nakakasalamuha mo.
5) Huwag mag upload ng mga malalaswa, labag sa batas at malisyosong larawan ng ibang tao.
6) Huwag sumali sa mga debate o diskusyon tungkol sa mga usaping pulitikal man o pangrelihiyon.
PANUNTUNAN SA PAGGAMIT NG
SOCIAL MEDIA

- END OF MODULE 6 -

Filipino^module 6 country cozy-middle east and africa

Recommended

Recommended

More Related Content

What's hot

What's hot (20)

More from peosonline

More from peosonline (9)

Recently uploaded

Recently uploaded (20)

Filipino^module 6 country cozy-middle east and africa