More Related Content
Similar to Juram tusul-sanal
Similar to Juram tusul-sanal (20)
Juram tusul-sanal
- 1. Төсөл
Нийслэлд авто тээврийн хэрэгслийн бүртгэл, төлбөрийн
тогтолцоог шинэчлэн нэвтрүүлэх журам
Нэг.Нийтлэг зүйл
1.1. Монгол улсын Авто тээврийн тухай хуулийн 17 дугаар зүйлийн 17.1 дэх хэсэг,
Авто тээврийн болон өөрөө явагч тээврийн хэрэгслийн албан татварын тухай хуулийн
8 дугаар зүйлийн 8.2 дахь хэсэг, Агаарын бохирдлын төлбөрийн тухай хуулийн 9
дүгээр зүйлийн 9.3 дахь хэсэг, Авто замын тухай хуулийн 6 дугаар зүйлийн 6.1.4, 20
дугаар зүйлийн 20.1.2 дахь заалт, Цагдаагийн албаны тухай хуулийн 14 дүгээр
зүйлийн 14.1.7 дэх заалт, 19 дүгээр зүйлийн 19.6 дахь заалт, Захиргааны
хариуцлагын тухай хуулийн 32 дугаар зүйлийн 32.1 дэх заалт, Төрийн хяналт
шалгалтын тухай хуулийн 10 дугаар зүйлийн 10.12.1 дэх заалт, Засгийн газрын 2012
оны 146 дугаар тогтоол Нийслэлийн Иргэдийн Төлөөлөгчдийн Хурлын 2013 оны 13/47
дугаар тогтоол болон бусад холбогдох хууль, тогтоомжийн хүрээнд нийслэлийн нутаг
дэвсгэрийн хэмжээнд автотээврийн хэрэгсэл эзэмшигч этгээдийн техникийн хяналтын
үзлэг оношлогоонд хамрагдах, албан татвар, төлбөр төлөхтэй холбогдон гарах
харилцааг зохицуулахад энэхүү журмын зорилго оршино.
1.2. Авто тээврийн хэрэгсэл эзэмшигч этгээдийн авто тээврийн хэрэгслийн
бүртгэл, төлбөрийн нэгдсэн тогтолцоог бий болгоход төрийн байгууллагуудын үйл
ажиллагааны уялдаа холбоог хангах, чиг үүргийг тодорхой болгох, төрийн үйлчилгээг
иргэдэд шуурхай, чирэгдэлгүй хүргэх ажлыг зохион байгуулахад чиглэгдэнэ.
Хоёр. Авто тээврийн хэрэгслийн бүртгэлийг
боловсронгуй болгох.
2.1. Авто тээврийн хэрэгслийн улсын бүртгэл эрхэлдэг төрийн байгууллагын
бүртгэлийн сангаас Улаанбаатар хотын Замын хөдөлгөөний удирдлагын төвийн
хөдөлгөөнд оролцож буй тээврийн хэрэгслийн, Авто тээврийн үндэсний төвийн
техникийн хяналтын үзлэг, оношлогоонд хамрагдсан тээврийн хэрэгслийн, Татварын
албаны албан татвар, төлбөр төлсөн тээврийн хэрэгслийн, Албан журмын даатгалын
нэгдсэн холбооны даатгалд хамрагдсан тээврийн хэрэгслийн сангуудыг тус тус
үндэслэн нийслэлд бүртгэлтэй идэвхитэй тээврийн хэрэгслийн бүртгэлийн нэгдсэн
санг бий болгоно.
2.2. Нийслэлд бүртгэлтэй идэвхитэй тээврийн хэрэгслийн нэгдсэн санг төрийн
болон төрийн бус байгууллага үйл ажиллагаандаа ашиглана.
2.3. Нийслэлд бүртгэлтэй идэвхитэй тээврийн хэрэгслийн нэгдсэн санд
мэдээллийг үнэн зөв, цаг хугацаанд нь оруулж, баяжилт хийх ажлыг Авто тээврийн
үндэсний төв, Татварын алба, Улаанбаатар хотын Замын хөдөлгөөний удирдлагын
төв, Албан журмын даатгалын нэгдсэн холбоо тус тус хариуцна.
2.4. Нийслэлд бүртгэлтэй, идэвхитэй тээврийн хэрэгслийн нэгдсэн санг
Автотээврийн үндэсний төв Монгол улсын засгийн газрын 2012 оны 146 дугаар
тогтоолын дагуу Үндэсний дата төвд байршина.
- 2. Гурав. Албан татвар, төлбөр хураах тогтолцоог боловсронгуй болгох.
3.1. Ухаалаг Улаанбаатар хөтөлбөрийн хүрээнд “Smartcar” мэдээллийн системийн
хэрэглээг өргөжүүлж, нийслэлд бүртгэлтэй идэвхитэй тээврийн хэрэгслийн нэгдсэн
санг үндэслэн нийслэлийн Мэдээллийн технологийн газар, Татварын алба
арилжааны банкуудтай хамтран авто тээврийн хэрэгслийн албан татвар, төлбөрийг
онлайн, интернет, мобайл банкаар шууд төлдөг тогтолцоонд шилжүүлнэ.
3.2. Татварын алба, арилжааны банк албан татвар, төлбөрийн орлогын төрөл
бүрээр тус бүр нэг данстай байх, орлогын мэдүүлэгийг нэг загварт оруулах ажлыг
зохион байгуулна.
3.3. Авто тээврийн хэрэгслийн улсын бүртгэлийн нэгдсэн сангийн мэдээлэлд
тулгуурлан татварын албанаас гаргасан татварын ногдолын дагуу арилжааны банк
гүйлгээ хийж, мэдээллийг татварын албанд хүргүүлж байна.
3.4. Авто тээврийн хэрэгслийн албан татвар, төлбөр хураах ажлыг улсын
дугаарын сүүлийн оронгийн тоогоор доорхи дарааллаар тухайн оны 06 дугаар сарын
01-ны дотор багтаан зохион байгуулна. Үүнд:
- 1, 6 тоогоор төгссөн бол нэгдүгээр сард
- 2, 7 тоогоор төгссөн бол хоёрдугаар сард
- 3, 8 тоогоор төгссөн бол гуравдугаар сард
- 4, 9 тоогоор төгссөн бол дөрөвдүгээр сард
- 5, 0 тоогоор төгссөн бол тавдугаар сард тус тус хамрагдана.
3.5. Авто тээврийн хэрэгслийн албан татвар, төлбөр нь нийслэлд бүртгэлтэй бүх
тээврийн хэрэгсэлд хамаарна. /хөдөө орон нутагт байгаа нийслэлд бүртгэлтэй
тээврийн хэрэгсэл хамаарна./
3.6. Нийслэлд бүртгэлтэй, хөдөө орон нутагт уул уурхайд ажиллаж байгаа том
оврын ачааны авто машинууд албан татвар, агаарын бохирдлын төлбөрийг
нийслэлийн татварын холбогдох дансанд төлнө.
3.7. Авто тээврийн хэрэгслийн эзэмшигч этгээд нь тухайн онд импортоор оруулж
ирсэн тээврийн хэрэгслийг улсын бүртгэлд бүртгүүлэхдээ үлдсэн хугацаанд ногдох
татвар, төлбөрийг төлсөн байна.
3.8. Банк болон банк бус санхүүгийн байгууллага, авто ломбардууд автомашины
зээл олгох, барьцаанд авахдаа татвар, төлбөрийг заавал төлүүлсэн байна.
3.9. Авто тээврийн хэрэгслийг албан татвар, төлбөр хураамж, албан журмын
даатгалд хамрагдсан эсэхийг үндэслэн техникийн хяналтын үзлэг, оношлогоонд
хамруулан нэгдсэн нэг наалтыг олгоно.
3.10. Дээрх шаардлагыг хангаагүй авто тээврийн хэрэгслийг техникийн хяналтын
үзлэгт хамруулан наалт олгохыг хориглоно.
Дөрөв. Эрх үүрэг, хариуцлага
4.1. Замын цагдаагийн алба нь өөрийн эрх хэмжээ, хуулийн хүрээнд албан татвар,
төлбөр төлөөгүй, хариуцлагын даатгалд даатгуулаагүй, хяналтын үзлэгт
хамрагдаагүй авто тээврийн хэрэгслийг журамлаж, замын хөдөлгөөнд оролцуулахгүй
байх талаар холбогдох хууль тогтоомжинд заасан арга хэмжээ авч, татвар төлбөрийг
төлүүлэн хяналтын үзлэг оношлогоонд хамруулах үүрэгтэй.
4.2. Техникийн үзлэг оношлогоонд хамрагдсан ч хуулийн хугацаанд албан татвар,
төлбөр төлөөгүй тээврийн
- 3. хэрэгслийг холбогдох хууль тогтоомжийн дагуу тээврийн хэрэгслийн гэрчилгээг
хураан авч, татварын улсын байцаагч торгох, албан татварыг нөхөн төлүүлэх арга
хэмжээ авах үүрэгтэй.
4.3. Зам, тээврийн сайдын тушаалаар батлагдсан “Автотээврийн хэрэгслийн
бүртгэл хөтлөх, улсын дугаар олгох журам”, “Автотээврийн хэрэгслийн техникийн
хяналтын үзлэг явуулах журам”-ыг Автотээврийн үндэсний төв үйл ажиллагаандаа
мөрдлөгө болгон ажиллана.
4.4. Нийслэлийн Мэдээллийн технологийн газар нь албан татвар, төлбөр, албан
журмын даатгал, техникийн хяналтын үзлэгтэй холбоотой мэдээллийг нэгтгэж, эрх
бүхий байгууллага, албан тушаалтныг нэгдсэн мэдээллээр хангаж ажиллана.
4.5. Тогтоосон хугацаанд авто тээврийн хэрэгслийн албан татвар, төлбөр төлөөгүй
тохиолдолд эзэмшигчийн бүртгэлийн хаягаар хууль тогтоомжид заасан хувь
хэмжээгээр торгууль оногдуулна.
4.6 Татварын албанаас гаргасан тээврийн хэрэгсэл эзэмшигчийн судалгаанд
үндэслэн тогтоосон хугацаанд албан татвар, төлбөр төлөөгүй автотээврийн
хэрэгслийн эзэмшигчийн хаягаар хороо хариуцсан татварын байцаагч, хорооны
хэсгийн ажилтан, цагдаагийн алба хаагчтай хамтран албан татвар, төлбөрт
хамрагдах талаар мэдэгдэл, шаардлага хүргүүлэх ажлыг зохион байгуулж, хяналт
тавьж ажиллана.
4.7. Банк болон банк бус санхүүгийн байгууллага, авто ломбарданд барьцаанд
авсан авто тээврийн хэрэгслийн татвар, төлбөр төлөгдөөгүй, үзлэг оношлогоонд
хамрагдаагүй тохиолдолд тухайн эзэмшигч байгууллага торгуулийг хариуцна.
Тав. Бусад
5.1 Жил бүр авто тээврийн хэрэгслийн албан татвар, төлбөр хураах ажлыг зохион
байгуулахтай холбогдон гарах зардлыг жил бүр нийслэлийн төсөвт тусгана.
5.2.Хөрөнгийн албан татварын тухай хууль батлагдах хүртэл энэхүү журмыг дагаж
мөрдөнө.