Ikalawang Bahagi ng Ibong Adarna kung saan tampok ang naging Paglalakbay ni Don Juan kalakip nito ay mga gawain o pagsasanay na mas magpapapalalim sa pag-unawa sa aralin.

1. IKALAWANG
BAHAGI NG
IBONG ADARNA
PAGLALAKBAY NI
DON JUAN

2. • Panimulang Pagtataya
Ano ang kaharian? Anu-ano ang karaniwang makikita sa kaharian?
Anu-ano ang mga katangian ng mga namumuno sa mga kaharian?
Piliin ang pinakamala pit na kahulugan ng mga salitang may
salungguhit.
1. Ang masunuring anak ay laging pinagpapala ng Diyos.
a. pinupuri c. kinakalinga
b. minamahal d. binibiyaan
2. Nagpapasya lamang siya kapag napagliming niya ang mga bagay na
makabubuti sa kanya at sa kanyang pamilya.
a. nakita c. nakasama
b. nadama d. napag-isipan
3. Hindi niya dinamdam ang pagkutya sa kanya.
a. paglayo c. pagtukso
b. pagsalita d. panunuya
4. Kailangang balakin ang anumang gagawin upang hindi magsisi sa huli.
a. tuusin c. pansinin
b. ayusin d. planuhin
5. Hindi na hungkag ang kanyang isipan sa ngalan ng pag-ibig.
a. bakas c. mayaman
b. kulang d. walang lam

3. Balikan ang mga bagay na
karaniwang pinag-aawayan ninyong
magkakapatid.

4. Hindi nag-aksaya ng panahon si Don Juan. Noon din, matulin
niyang binagtas ang madilim na kagubatan. Mula sa malagim na
kagubatan ay walang gulat naman niyang tinawid ang rumaragasang
ilog at sinapit niya ang kabilang pampang na walang anumang
sakunang naganap. Kakain na lamang sana si Don Juan nang
mapalingon siya sa may kakahuyan sa pagkarinig sa panaghoy ng
isang nilalang na dumaraing. Likas na may busilak na kalooban
si Don Juan kaya binigyan niya ito ng pagkain. Tinanong ng matanda
kung ano ang sadya ni Don Juan. Sinabi niya ang dahilan ng
kanyang paglalakbay, na hinahanap niya ang kanyang dalawang
kapatid at ang Ibong Adarna, na siyang tanging lunas sa kanyang
amang may karamdaman. Nang malaman ng matanda ang kanyang
pakay, mahigpit na itong nagbilin: Bago mo pangahasan ang paghuli
sa Ibong Adarna ay makipagkita ka muna sa ermitanyo na
naninirahan sa isang kuweba sa Bundok ng Tabor.

5. Ang pag-akyat sa Bundok Tabor ay agad sinimulan ni Don Juan. Nang
sapitin niya ang tuktok ng bundok ay buong panggigilalas niyang nakita ang
malaparaisong pangitain doon at ang punong may mga dahong pilak na kanyang
sadya. Tunay siyang humanga sa kagandahang ibinihis ng kalikasan at sa
luntiang kapaligirang kanyang pinagmamasdan. Kapagdaka’y hinanap niya ang
kuweba ng ermitanyo na mahigpit na ibinilin ng matandang pulubi. Pinuntahan
niya at magiliw siyang tinanggap ng matandang ermitanyo. Ipinaghain pa siya ng
nito ng makakain. Namangha si Don Juan nang makita na ang inihain sa kanya
ay siya ding tinapay na inilimos niya sa matandang pulubi. Paanong ang tinapay
na ipinagkaloob niya sa ketongin ay naputa sa ermitanyo? Si Don Juan na din
ang sumagot sa kanyang sarling katanungan.
Sinabi sa kanya ng ermitanyo, Sapagkat naipamalas mo ang kabutihan ng
kalooban ng mga sandaling sapitin mo ang pook na ito ay nakatalaga ako ngayon
na tulungan kang mahuli ang Ibong Adarna.
Ang Ibong Adarna ay isang engkantadong ibon na hindi mahuhuli ng gayun-
gayon lamang. Mahiwaga ang kanyang awit at ang mapatakan ng kanyang dumi
ay nagiging bato.

6. Siya ay humahapon sa punong may mga pilak na dahon kung
sumasapit na ang hatinggabi. At sinumang naghihintay sa kanya ay
napipilitang makatulog sa pitong ulit na pag-awit sa ginagawa niya. Sa
bawat awit niya ay nag-iiba ang anyo ng kanyang mga plumahe. wika
ng ermitanyo.
Binigyan siya ng ermitanyo ng pitong dayap. At mahigpit na
ibinilin na: Sa bawat awitin ng Ibong Adarna ay susugatan mo ang iyong
bisig at pipigaan ng dayap ang sugat upang sa kirot na mararamdaman
ay hindi makatulog sa kabila ng malambing niyang awit.
Pagkatapos ng pitong awit ay magbabawas ang Ibong Adarna bago
matulog. Iwasan mong mapatakan ka noon kundi ay magiging bato
ka. Ang taling gintong ito ang tanging mabisa upang siya ay talian.
At isang bagay pa, sa sandaling mahuli mo na ang Ibong Adrana
ay sumalok ka ng tubig sa bukal na malapit sa puno at ibuhos mo sa
dalawang batong nasa ilalim ng puno upang bumalik ulit sa dating anyo
ang dalawa mong kapatid, sabi ng ermitanyo bago umalis si Don Juan.

7. Si Don Juan ay nagtungo sa kinatitirikan ng puno sa Bundok
ng Tabor. Inabot siya doon ng hatinggabi sa paghihintay at di
kawasa’y naulinigan niya ang pagaspas ng mga pakpak na hudyat na
ang Ibong Adarna ay dumarating na upang humapon sa
puno. Pagdapo sa sanga ay pitong ulit na umawit ang Ibong Adarna
ng buong tamis at lambing at pitong ulit na nag-iba ng anyo ang
kanyang plumahe. Pitong ulit din na sinugatan ni Don Juan ang
kanyang bisig at pinigaan iyon ng dayap upang hindi makatulog sa
lambing ng mga awiting iyon.
Matapos dumumi ang Ibong Adarna ay natulog ito at agad namang
inakyat ni Don Juan. Pagkatapos niyang mahuli ang Ibong Adarna,
pumunta agad siya sa ilog upang kumuha ng tubig para ibuhos sa
kanyang mga kapatid. Noon din ay nagbalik sa kanilang dating mga
anyo sina Don Pedro at Don Diego

8. Paglinang ng Talasalitaan
Bilugan ang salitang kasingkahulugan sa
bawat bilang
Salita
1. gulapay makagalaw makasayaw bulagta
2. himutok plano daing hapis
3. napawi nabuhay nalungkot nawala
4. nanlulugot malakas nanghihina masaya
5. panukala suhestiyon plano rekomendasy
on

9. PAGTATAYA
Gabay na Tanong:
1. Sino ang nakilala ni Don Juan sa kanyang paglalakbay? paano niya ito
tinulungan?
2.Sino ang tumulong kay Don Juan upang mahuli ang Adarna? Anong
kahiwagaan ang nakabalot dito?
3. Ano-ano ang ibinigay sa kanya ng ermitanyo? Ilahad ang mga bilin nito
kay Don Juan.
4. Isalaysay ang pinagdaanang hirap ni Don Juan bago niya nahuli ang
Adarna.
5. Ano-ano ang katangiang Filipino ang ipinamalas ni Don Juan sa
tagpong ito? Magbigay ng mga patunay.
6. Sa iyong palagay, may mga tao pa bang katulad ni Don Juan sa
kasalukuyan?
7. Sino ang madalas na gumagawa ng mabuti sa kapwa o handang
tumulong na hindi naghahangad ng kapalit?
8. Bakit mahalaga ang pagtulong sa kapwa-tao? Ano ang mabuting
naidudulot nito?
9.Halimbawang mangyari sa inyo ang tulad ng nangyari kay Don Juan, ano
ang iyong gagawin? Bakit?

10. #Bintana ng Pag-unawa
Tukuyin ang mahahalagang pangyayari sa bahagi ng ibong adarna na
binasa at mga suliraning panlipunan na nakapaloob dito. Maglahad din ng
mga sanhi, bunga, at maaaring solusyon na mailalapat dito. Gamit ang
bintana ng pag-unawa.
PROBLEMA SANHI
BUNGA SOLUSYON