Presentación empregada no obradoiro "Máis mulleres cineastas" do programa de lecer do Fórum Metropolitano.

1. Ruth Orkin,
fotógrafa e
cineasta
Imaxe:© Ruth Orkin Photo Archive

2. Ruth Orkin
N: 3 de setembro de 1921, Boston, Massachusetts (EEUU)
M: 16 de xaneiro de 1985, Nova York (EEUU)
Creceu en Hollywood, filla dunha actriz do
cinema mudo, Mary Ruby, e dun fabricante de
xoguetes, Samuel Orkin. De nena regaláronlle
unha cámara de fotos e empezouna a usar xa
na escola: a súa foi unha vocación precoz.
En 1943 marchou a Nova York e empezou a
traballar como fotoxornalista. Colaborou coas
máis importantes revistas da época, como Look
e Life. Por encargo desta última viaxou en 1951
a Israel e logo parou en Italia. En Florencia
coñeceu unha estudante de arte americana,
Ninalee Craig, que acabou sendo a protagonista
dunha das súas imaxes máis coñecidas,
American Girl in Italy, parte dunha serie co
título Don’t Be Afraid to Travel Alone sobre
mulleres que viaxaban soas na Europa de
posguerra.
Imaxe:© Ruth Orkin Photo Archive

3. En 1952 casou co fotógrafo e cineasta Morris
Engel (1918­2005). Viviron en Nova York, nun
apartamento con vistas a Central Park. Desde
esa atalaia privilexiada Ruth Orkin fotografou
toda sorte de concertos, eventos e celebracións,
os cambios que traen as estacións e o paso do
tempo en imaxes emblemáticas que compilou
en dous libros, A World Through My Window e
More Pictures From My Window.
Morreu aos 63 anos, vítima dun cancro.
Imaxe:© Morris Engel Archive

4. Unha mostra do legado creativo de Ruth Orkin pode consultarse no sitio web:
https://www.orkinphoto.com/

5. Morris Engel e Ruth Orkin colaboraron
en dúas producións independentes. A
primeira, Little Fugitive (1953), foi
escrita e dirixida por eles dous máis
Raymond Ashley. Morris fíxose cargo da
fotografía e Ruth da montaxe (con
Lester Troob). Seleccionada a concurso
no Festival de Venecia, levou un León
de Prata canda Contos da Lúa pálida de
Mizoguchi ou Os inútiles de Fellini. Foi
ademais candidata ao Oscar ao mellor
argumento (categoría “Best Writing,
Motion Picture Story”).
No filme, un neno pequeno, Joey (Richie
Andrusco) é enganado polo seu irmán
maior Lennie, que lle fai crer que o
matou nunha broma cruel que perpetra
cuns amigos. Aterrado, Joey foxe nun
tren até Coney Island e alí pasa as horas,
entretido coas atraccións e fascinado
polos cabalos.

6. No mesmo rexistro naturalista e de novo
cun baixo orzamento estrearon en 1956
Lovers and lollipops, relato do inicio do
romance entre unha muller viúva, Ann
(Lori March), e un vello amigo dela,
Larry (Gerald S. O’Loughlin), enxeñeiro
de regreso aos Estados Unidos logo
dunha estadía de traballo na América do
Sur. A súa relación verase afectada polo
resentimento da filla de Ann, unha nena
de sete anos chamada Peggy (Cathy
Dunn). De novo Morris Engel asina en
solitario a fotografía e Ruth Orkin a
montaxe; os dous, de maneira conxunta,
asumen a produción, a dirección e o
guión.

7. En solitario, Morris Engel dirixe en 1958
Weddings and babies, con Viveca Lindfors
e John Myhers, que recibiu un par de
premios fóra da competición do Festival
de Venecia.
Morris Engel aínda dirixiu tres
longametraxes máis: I Need A Ride To
California (1968, inédita), A Little Bit
Pregnant (1994) e Camellia (1998). A
súa filmografía complétase coas curtas
The Farm They Won (1951), One Chase
Manhattan Plaza (1961) e The Dog Lover
(1962).