Presentación empregada no obradoiro "Mulleres cineastas" do programa de lecer de outono do Fórum Metropolitano.

1. Kathryn Bigelow
(1951)

2. Kathryn Bigelow
N: 27 de novembro de 1951, San Carlos,
California (EEUU)
Filla dunha bibliotecaria e do xerente
dunha empresa de pinturas, estudou
pintura e graduouse en Belas Artes en
1972. Posteriormente ingresou no
curso de cinema da Universidade de
Columbia.
En 1978 dirixiu unha curta, The Set­Up.
A primeira longa é The Loveless (1981),
con Willem Dafoe como protagonista.
Dous anos despois intervén como actriz
en Born in Flames, da directora Lizzie
Borden.

3. Escribe e dirixe en 1987 Near Dark,
volta de porca ao tema vampírico.
Demostra a súa capacidade para
afrontar filmes de xénero, que refina
nunha aplaudida serie de títulos de
acción policial: Blue Steel (1990), Point
Break (1991) e a distópica Strange Days
(1995).
Peor acollida tiveron o drama de
misterio The Weight of Water (2000) e a
bélica K­19: The Widowmaker (2002).

4. The Hurt Locker (2008) estrouse na
Mostra de Venecia mais non chegou ás
salas até xuño do ano seguinte. A
acollida crítica foi triunfal e iso foille
outorgando unha visibilidade en
principio inesperada. O seu crecente
éxito na tempada de premios culminou
cos seis Oscars que obtivo na gala de
2010: mellor edición de son, mellor
mestura de son, mellor montaxe, mellor
guión (Mark Boal), mellor dirección e
mellor filme.
Kathryn Bigelow converteuse na primeira
e polo momento única muller gañadora
do Oscar como directora.

5. Zero Dark Thirty (2014) xerou certa
controversia por unha suposta ­e
inexistente­ posición en favor da
tortura. A persecución e asasinato de
Bin Laden transformábase nas súas
mans nun relato da obsesión bélica e da
cara escura de calquera guerra, cunha
excepcional Jessica Chastain como
figura central destacada entre un elenco
maioritariamente masculino. Unha das
obras mestras do cinema do século XXI.

6. A súa última longa até o momento é
Detroit (2017), onde reconstrúe co seu
habitual pulso narrativo un episodio
racista sucedido nesa cidade cincuenta
anos atrás: o asasinato en mans da
policía de tres cidadáns negros. Unha
nova demostración de solidez e poderío
dunha cineasta indispensábel do noso
tempo.