1. Á MESA DO PARLAMENTO GALEGO
O Grupo Parlamentar da Alternativa Galega da Esquerda (EU-ANOVA), ao través de
Yolanda Díaz Pérez e os deputados Xabier Ron Fernández e Ramón Vázquez Díaz, ao
abeiro do recollido no artigo 160 do Regulamento da Cámara, presenta a seguinte
PROPOSICIÓN NON DE LEI para o seu debate plenario, relativa as taxas impostas nos
centros de formación marítimo-pesqueira.
A consellaría do Medio Rural e do Mar vén de provocar unha situación inaceptable
mediante a publicación do Decreto 143/2013, que fixa os prezos públicos polos
servizos de residencia e comedor e cursos, entre outros, dos centros de formación das
familias formativas de marítimo-pesqueira.
Sen diálogo e negociación previa, comezado o curso se modifican substancialmente as
condicións para a realización dos estudos nas escolas náutico-pesqueiras. Esta
imposición xa provocou que varias persoas do alumnado residente na Escola Oficial
Náutico-Pesqueira en Ferrol tivera que abandoar o centro, que teñan que deixar os
estudos.
O PP semella continuar implacable destruíndo dereitos e nomeadamente o dereito á
educación. O noso Grupo Parlamentar denuncia esta agresión e quere saber que
motivos e razóns fundan semellante decisión, que deixa sen poder estudar a diferente
alumnado e dificúltao a moitos outros. Intolerable é que haxa estudantes que non
poidan estudar, tendo os requisitos académicos para elo, por cuestión económicas;
máis aún, polo economicismo de clase do PP.
En atención ao referido, o Grupo Parlamentar da Alternativa Galega da Esquerda (EU-
ANOVA) presenta a seguinte PROPOSICIÓN NON DE LEI para o seu debate plenario:
- O Parlamento Galego insta á Xunta a avaliar o impacto económico e social
derivado da aplicación do Decreto 143/2013?
- O Parlamento Galego insta á Xunta a modificar de xeito urxente o Decreto
143/2013, de xeito que se manteñan as condicións previas coas que se
matriculou ao alumnado destas escolas e non haxa ningún alumno/a que reste
sen estudar polo oneroso das taxas impostas.
Digitally signed by Rexistro
Entrada
Date: 2013.10.10 14:11:17 +02:00
Reason: 13728
Location: Parlamento de Galicia
Signature Not Verified
2. Compostela, 10 de outubro do 2013.
Asdo. Yolanda Díaz Pérez
Asdo. Xabier Ron Fernández
Asdo. Ramón Vázquez Díaz
Asinado dixitalmente por:
Ramón Vázquez Díaz na data 10/10/2013 14:04:51
José Javier Ron Fernández na data 10/10/2013 14:05:02
Yolanda Díaz Pérez na data 10/10/2013 14:05:07