1. Á MESA DO PARLAMENTO
Consuelo Martínez García, deputada pertencente ao Grupo Parlamentario da
Alternativa Galega de Esquerda (EU-ANOVA), ao abeiro do disposto no artigo 147 do
Regulamento da Cámara, presenta ante esa Mesa a seguinte Interpelación para a súa
resposta en Pleno.
En apenas tres meses, en decembro, está previsto que se finalicen en Navantia Ferrol-
Fene os traballos de construción do ALHD 'Adelaide', o segundo dos dous megabuques
anfibios encargados por Australia en 2007, e que na actualidade xera ocupación para
preto de 800 operarios, inda que esta cifra podería ir descendendo segundo avancen as
semanas.
A saída do megabuque australiano do estaleiro de Navantia Ferrol-Fene provocará que un
número elevado de traballadores do seu cadro de persoal se queden sen ocupación e os
estaleiros públicos queden sen carga de traballo, de non ser que se inicie o flotel para a
petroleira mexicana Pemex, anunciado o 19 de setembro pasado, pero que inda non ten
data ide inicio.
A historia dos estaleiros galegos estivo marcada polas perdas. Dende o ano 2005, no que
se creou Navantia -resultante da última reconversión naval e herdeiro dalgunhas das
factorías de Izar-, só no 2007 lográronse resultados positivos, pero pese a atravesar por
momentos delicados, ata agora nunca o máximo portavoz dos estaleiros debuxara un
panorama tan negro e xamais situara á empresa tan fora do mercado.
O presidente de Navantia, José Manuel Revuelta, afirma que os estaleiros públicos non
son competitivos, presentan perdas que non deixan de medrar, problemas de tesourería e
modelos de buques obsoletos. Nunha carta enviada ao persoal de Navantia, advirte da
difícil situación pola que atravesa a empresa e anuncia un plan estratéxico para intentar
reverter a situación e que será presentado o próximo 4 de decembro.
Digitally signed by Rexistro
Entrada
Date: 2013.09.18 17:15:42 +02:00
Reason: 12585
Location: Parlamento de Galicia
Signature Not Verified

2. Achaca a difícil situación á falla de competitividade, a ausencia dunha cultura de custes, a
obsolescencia gradual dos produtos desenrolados por falta de novos contratos, e non
contar con capacidades relevantes como sistemista. Anuncia un plan de aforro de custes,
a redefinición do programa do novo submarino e a potenciación de áreas como a de
reparacións navais ou de apoio ao ciclo de vida dos novos buques.
Un asunto de gran repercusión sería o levantamento da prohibición por parte da UE para
a construción civil en Navantia Ferrol, hoxe limitada practicamente á construción de
buques para a armada.
En definitiva, o futuro inmediato de Navantia está máis preto do peche definitivo das súas
instalacións que da súa recuperación. En tres meses a realidade de Ferrolterra pode ser
máis que dramática, xa que o peche de Navantia arrastraría á ruína a toda a comarca e o
seu nivel de desemprego sería o maior do estado.
Polo exposto, AGE formula a seguinte Interpelación:
1.- Que iniciativas está a tomar a Xunta de Galicia para que Navantia non se vexa
abocada ao peche a final de ano?
2.- Tras nove meses de promesas, cando se empezarán a construír na Galiza os floteis de
Pemex?
3.- Que actuacións ten realizado o goberno galego ante a Unión Europea en relación ao
dique flotante de Ferrol?
Santiago de Compostela, 18 de setembro de 2013.
Asdo.: Consuelo Martínez García
Deputada do G.P. da AGE.
Asinado dixitalmente por:
María Consuelo Martínez García na data 18/09/2013 16:59:45