1. BATANG MAGDALENA
Ni JULIO C. ORTIZ JR.
Isinilang ako sa maliit na bahay
Na ang tanging nakilala ay ang aking nanay
Na s’yang nag-alaga at sa aki’y umalalay
Namulat ang mata na walang kinilalang tatay.
Kahit bata pa si nanay at di nakatapos sa pag-aaral
Nagsikap maghanap ng trabaho kahit nahihirapan
Tumanggap ng labada kahit mahirap sa kalooban
Maibigay lang ang lahat ng aking pangangailangan
Nang ako’y lumaki, pinaaral sa malaking paaralan
Pangarap ni nanay magkaroon ng magandang kinabukasan
Ang makaahon sa kahirapan iyan ang laging dasal
Maganda at maaliwalas na buhay sana’y makamtan
Sa aking pag-aaral sa mataas na paaralan
Maraming nakilala at itinuring na kaibigan
Natutong magloko, masasamang bisyo’y nakagawian
Pangarap ni nanay nawala sa aking isipan
Si nanay ay nagkasakit dahil sa aking kalokohan,
Nawala s’ya nang tuluyan sa sama ng kalooban
Pagsisisi ng lubusan, di maibabalik ang nakaraan
Dahil sa aking kasalanan, naiba ang kapalaran
Mga itinuring kong kaibigan, isa-isang nagsilayuan
Di malapitan, di mahingan, di man lang damayan
Nagising akong nag-iisa sa tirahan
Kalam ng sikmura akin nang nararanasan
Dahil sanay sa luho na ibinigay ni nanay
Di ako natuto ng mga gawaing bahay
Walang alam na paraan kung paano mabuhay
Ngayon ako’y nagiisa at wala nang gumagabay.
Ayaw magutom at kumalam ang tiyan,
Ibinenta ang katawan makakain lamang
Dahil bata pa at maganda nga naman
Naging mabenta at bulsa’y nagkalaman
Lumipas ang mga araw, ako’y nagkakaedad
Unti-unting nawawala ang taglay na kagandahan
Totoo nga palang, ito’y panandalian lamang
At ang lahat sa mundo ay mayroong hangganan
Dahil takot mag-isa, umibig ng lubusan
2. Kahit ang lalaki mayroon ng pananagutan
Kaya dumating din ang araw ako’y iniwan
Ngunit may buhay sa aking sinapupunan.
O kay pait ng buhay na pinagdaanan
Sadya nga bang ito ay aking kapalaran
Sa tulad kong palalo at walang paggalang
At hindi marunong tumanaw, utang na kalooban
Sadyang tayo nga ay minsan lang daraan sa daigdig ng kabataan
Maraming pagsubok, tukso, at kabaliwan
Ngunit huwag sana nating hamunin ang may alam
Magulang nati’y igalang, at palaging manalig sa Poong Maykapal.
Sa Aking Pagtatapos
Apat na taon na pinagsikapan
Makatapos sa isang mataas na paaralan
Pagsunog ng kilaypinaigihan at pinaghusayan
Makamit lang ang diplomang inaasam at pinaghirapan
Ngayong malapit na ang aming pagtatapos
Sana'y kasayahan makamit nang lubos
Walang sagabal na sa aming lilipos
Sapagkat ito ang nais ng pusong lubos.
Masasayang araw na aming naranasan
Tawanan ng mga barkada di makalimutan
Lalong-lalo na sa masasayang samahan
Sa mga gawain proyekto nagtutulungan
May mga hirap din na naranasan
Pawis at luha ang pinagpuhunan
Sa mga problemang di inaasahan
Gaya ng bagsak na grado ang pinag-uusapan.
Ang lahat ng takot at hirap nawala ng tuluyan
Ngayong ang pangalan nakita na sa listahan
Ng mga estudyante na makakasama sa katapusan
Na haharap sa magulang na may diploma ng pinaghirapan
Diplomang inaasam na makamit ninuman
Na kailangan rin palang paghirapan
Para kaligayahan lubos na maramdaman
3. Kasama ng mga minamahal na sumuporta ng lubusan.
Aking inaalay itong diplomang aking tangan
Bunga ng aking pagsisikap at pinaghirapan
Sukli sa pagpupunyagi ng aking mga magulang
Na ako’y makatapos sa isang maayos at mataas na paaralan.
