2. ქუთაისი არის ერთ-ერთი უძველესი ქალაქი
მსოფლიოში. ის მდებარეობს საქართველოს
დასავლეთ ნაწილში. დღესდღეისობით ქუთაისი
სიდიდის მიხედვით მესამე ადგილას დგას და
ერთ-ერთი ყველაზე პოპულარული ადგილია
ტურისტებისთვის.
3. ბაგრატის ღვთისმშობლის
მიძინების ტაძარი, რომელსაც
თავისი ხუროთმოძღვრული და
მხატვრული ღირსებით
განსაკუთრებული ადგილი
უჭირავს ქართული
არქიტექტურის ისტორიაში.
ისტორიულად იგი
გაერთიანებული საქართველოს
სიმბოლოა
ბაგრატის ტაძარი
4. გელათის მონასტერი
შუა საუკუნეების ქართული
ხუროთმოძღვრული ძეგლი,
საქართველოს უმნიშვნელოვანესი
ცენტრი. დაარსებულია 1106 წელს დავით
აღმაშენებლის თაოსნობით. იგი
წარმოადგენს ქართველ მეფეთა
საძვალეს. გელათის მონასტერი
საუკუნეების განმავლობაში
საგანმანათლებლო ცენტრი იყო, სადაც
დაცულია მე-12 მე-17 საუკუნეების
დიდი რაოდენობით ფრესკები და
ხელნაწერები. გელათის კომპლექსი
შეტანილია იუნესკოს მსოფლიო
კულტურული მემკვიდრეობის ძეგლების
სიაში.
5. მოწამეთას ხუროთმოძღვრული
კომპლექსი მდებარეობს ქუთაისის
აღმოსავლეთით, 6 კილომეტრის
დაშორებით, მდინარე წყალწითელას
ხეობაში, სოფელ მოწამეთაში.ტაძარში
საკურთხევლის მარცხენა მხარეს,
დასვენებულია სამშობლოსა და
სარწმუნოებისთვის თავდადებული
წმინდანების - დავითისა და
კონსტანტინეს უხრწნელი ნეშტი. მათი
ხსენების დღეს, 15 ოქტომბერს,
მონასტერში ყოველწლიურად იმართება
სახალხო დღესასწაული მოწამეთობა
(ორწიფობა). ტრადიცია ცნობილია XVIII
საუკუნიდან.
მოწამეთას მონასტერი
6. სათაფლია
სათაფლია, დაწყებული პრეისტორიული ხანის (120
მილიონი წლის წინანდელი) დინოზავრების
ნაკვალევიდან, დამთავრებული კარსტული მღვიმეებით,
თითოეულ სტუმარს, არაჩვეულებრივ სანახაობას
ჰპირდება. მისი სიდიადე მუდმივად დიდ აღტაცებას
იწვევს მნახველებში და თავისი მნიშვნელობით
მსოფლიოში მოწინავე პოზიციებიც უკავია.
აქ შეგიძლიათ ნახოთ მღვიმე, დინოზავრის
საკონსერვაციო ნაგებობა, მუზეუმი, საგამოფენო
დარბაზები, შუშის პანორამული გადასახედი, საიდანაც
იმერეთის რეგიონის ულამაზესი ხედი იშლება.
სათაფლია დამთვალიერებლებისთვის მაქსიმალურად
კეთილმოწყობილი ადგილია.
7. ნიკო ბერძენიშვილის სახელობის
ისტორიულ-ეთნოგრაფიული მუზეუმში
დაცულია ქვეყნის კულტურული
მემკვიდრეობის უნიკალური ნიმუშები
ძვ.წ. IX-VII სს.-დან გვიან შუასაუკუნეების
ჩათვლით. მათ შორისაა დასავლეთ
საქართველოს ტერიტორიაზე
არქეოლოგიური გათხრების შედეგად
აღმოჩენილი ბრინჯაოს ხანისა და
ანტიკური პერიოდის ძეგლები,
ქართული, ბერძნული, რომაული,
ბიზანტიური და აღმოსავლეთის
ქვეყნების ისტორიის, ყოფისა და
კულტურის ამსახველი იშვიათი
ნაკეთობანი, უძველესი ეპიგრაფიკული
ძეგლებისა და უნიკალური ქართული
ხელნაწერების კოლექცია, რარიტეტული
სიგელ-გუჯრები, ეთნოგრაფიული
მასალები, ოქრომჭედლობის, ლითონის,
კერამიკის, ტყავის, მინის, ქსოვილის, ხის
ნაწარმის უაღრესად საყურადღებო
ნიმუშები.
8. ბოტანიკური ბაღი
ქუთაისის ბოტანიკური ბაღი დაარსდა მე-19
საუკუნის შუა წლებში და თბილისის
ეროვნული ბოტანიკური ბაღის შემდეგ
მეორეა ქვეყნის ადრეულ ბოტანიკურ ბაღებს
შორის. ბოტანიკური ბაღის დენდროფლორა
წარმოდგენილია დაახლოებით 700 სახეობის
მცენარით, ხეებითა და ბუჩქებით,
მსოფლიოს ყველა ფლორისრული
რეგიონიდან. აქ წარმოდგენილია მცენარეთა
210 გვარის სახეობა, რომელიც მიეკუთვნება
80 ბოტანიკურ ოჯახს.
ეს ის ადგილია სადაც შეგიძლიათ დრო
მშვიდად გაატაროთ, ისუნთქოთ სუფთა
ჰაერი და გადაიღოთ ლამაზი ფოტოები.
ზაფხულის განმავლობაში შეგიძლიათ
დაესწროთ კინო ჩვენებას, რომელიც
მოწყობილია ღია სივრცეში და მოუსმინოთ
ხალხულ მუსიკას.
10. CML
,,კადეტთა სამხედრო ლიცეუმი”
არის საქართველოს თავდაცვის
სამინისტროს მიერ დაფუძნებული
და მისი კონტროლის ქვეშ
არსებული სასწავლო
დაწესებულება, რომელიც ზოგად
განათლებასთან ერთად
ახორციელებს სამხედრო
მომზადებას.