Mga Alamat sa Lungsod

1. ALAMAT SA LUNGSOD
Zyriener Shainne Claire Arenal
9 – Makiling

2. ALAMAT SA
LUNGSOD
Urban Legend sa Ingles
Salaysay tungkol sa kakaiba,
kababalaghan, misteryo, at minsan ay
nakatatawang pangyayari
Maaring gawa-gawa o may katotohanan
Nagbabago ang detalye nito depende sa
lugar at panahon
Nagiging bahagi na ito ng ating
kamalayan dahil sa pagsasalin-salin nito

3. KANLURANG ASYA Ilan sa mga alamat ng
lungsod sa Kanlurang Asya

4. BLOOD LIBEL
Dinudukot ng mga Hudyo ang mga batang
Kristiyano upang gamitin ang kanilang dugo
para sa kanilang mga ritwal. Isang baryasyon
ang paggamit sa dugo ng ng bata sa
paggawa ng tinapay tuwing may
mahahalagang okasyon.

5. ANG NATAGPUANG HIGANTENG KALANSAY
Noong 2004, may kumalat na mensahe sa e-mail na nagsasabing
nakahukay umano ng higanteng kalansay ang isang grupo ng mnga
arkeologo sa timog-silangang bahagi ng disyerto sa Arabia. Ang
rehiyong ito ay tinatawag na Empty Quarter o sa Arabiko, “Rab-Ul-
Khalee”. Ayon sa kumalat na e-mail, na may kalakip na larawan ng
higanteng kalansay, naniniwala umano ang mga ulama sa Saudi Arabia
na ang nahukay ay kalansay ng taong Aad. Bagaman napatunayang
photoshop ang larawan at ang kwento ay produkto ng malikhaing pag-
iisip, marami pa ring naniniwalang minsan ay may namuhay na mga
higante sa rehiyon.

6. ANG NAWAWALANG HITCHHIKER
Laganap din sa Kanlurang Asya, partikular na
sa Israel, ang kuwento ng nawawalang
hitchhiker. Sa isang bersiyon, sinasabing may
nakitang babaeng sundalo ang isang drayber
sa highway na nagdurugtong sa Herusalem
at Haifa. Hinintuan niya ito at pinasakay.
Nagulat na lamang siya nang tumingin sa
likod ng sasakyan at wala na ang babae. Ang
motif ng ganitong tradisyon sa alamat sa
lungsod ay makikita rin sa iba’t ibang bansa,
kabilang na ang Pilipinas.

7. ANG ISRAEL
ANG NASA
LIKOD NG 9/11
Ayon sa ilang conspiracy theory, ang Israel umano
ang may pakana sa pag-atake sa World Trade
Center (WTC) at sinabihan umano ang mga Hudyo
na huwag pumasok sa trabaho sa araw na iyon.
Kumalat ang haka-hakang ito dahil isang
pahayagan ang nagbalitang libo-libong Hudyo ang
namatay at saka binawi ito kinabukasan. Ang
interpretasyon dito ng marami sa Kanlurang Asya,
ito ay babala sa mga Hudyo sa WTC na huwag
nang pumasok. Isang kompanya ng telebisyon sa
Lebanon ang nagsabing isa itong ebidensyang
nagsasangkot sa Israel sa pag-atake. Ang
katotohanan, si Osama bin Laden at ang al-Qaeda
ang responsible sa nangyaring terorismo.
Maraming Hudyo rin ang nasawi.

8. PILIPINASIlan sa mga alamat sa
lungsod sa Pilipinas

9. ANG BABAE SA BALETE DRIVE
Kapag binanggit ang Balete Drive, ang agad na naiisip ng marami ay ang white lady
na sinasabing naninindak dito. Ayon sa mga sabi-sabi, ang babae ay may
napakahabang buhok at nakasuot ng puting damit na pinapula ng dugo. May iba
namang nagsasabing balot ng dugo ang kanyang mukha. Ayon sa ilan, ginahasa
umano ang babae ng Hapones noong WW2; may ibang nagsasabing nasagasaan at
namatay ang babae sa lugar. Meron ring nagsasabi na ang babae ay isang dating
estudyante sa isang unibersidad sa lungsod ng Quezon na ginahasa ng drayber ng
taxi kaya kadalasang taxi drayber ang minumulto.

10. DUGONG KONTAMINADO NG HIV
Ikinabahala rin ng marami noong dekada 1990 ang kwento
tungkol sa isang lalaking nagtuturok ng dugong positibo
sa HIV sa mga sinehan sa Maynila. Ayon sa kwento,
nakasuot daw ng baseball cap o hooded na jacket ang
nambibiktima. Sabi pa ng iba, tumatawa umano ng
malakas ang lalaki kapag nakapambiktima. Hindi sigurado
kung may katotohanan nga ito, ngunit marami noon ang
natakot na magpunta sa mga sinehan.

11. SIOPAO NA GAWA SA
KARNE NG PUSA
Naging biruan na ng marami sa atin na ang laman ng
kinakain nating siopao ay gawa sa karne ng pusa. Hindi
malinaw kaung kalian at bakit ito nagsimulang lumaganap.
May nagsasabing ito ay repleksyon ng pananaw ng mga
Pilipino sa mga Tsino. Ang ilan ay nagsasabing nagsimula
ito dahil sa inggitan sa negosyo kaya nagsiraan. Sa kabila
ng mga kumakalat na kwento, ang iba ay may kalakip na
larawan pa nga, marami ang hindi naniniwalang gawa sa
karne ng pusa ang laman ng siopao. Sabi nga ng isang
palabas sa telebisyon “Ang production ng siopao, libo-libo
kada linggo. Saan ka naman hahanap ng ganun karaming
pusa?”

12. ANG
SUMPA NG
KANTANG
“MY WAY”
Libangan na ng maraming Pilipino ang pagbirit sa
videoke. Hindi na ito kagulat-gulat dahil sadyang
mahilig tayo sa musika. Ang nakapagtataka ay ang
ang pagkalat ng mga bali-balitang may
nangyayaring masama sa sinumang umawit ng
kantang “My Way” ni Frank Sinatra. Maraming
beses na napabalita sa radio at telebisyon ang
pagkakaroon ng gulo dahil sa kantang ito, maaring
dahil maraming umiinom ng alak at nalalasing
habang nagbi-videoke. Kaya umiiksi ang kanilang
pasensya, kaya kapag may kumanta ng “My Way”
at hindi naabot ang tono ay agad na umiinit ang
kanilang ulo na siyang dahilan ng gulo.

13. ANG TAONG –
AHAS SA MALL
Isang alamat sa lungsod na kinatakutan
ng marami noong dekada 1990 ang
kuwento tungkol sa sinasabing
kalahating tao, kalahating ahas na
nambibiktima ng mga babae sa
basement ng isang kilalang mall. Sa
pamamagitan ng spy cam, nakikita
umano ng taong ahas ang mga babae sa
fitting room. Kapag natipuhan niya ang
babae, may pipindutin siya na siyang
hudyat ng pagbukas ng sahig sa fitting
room. Mahuhulog ang babae sa
basement kung saan gagahasain o
kakainin siya ng taong-ahas.

14. Isa sa mga sinasabing naging biktima ay isang sikat
na artista. Ang sabi ng iba, hindi umano siya sinaktan
ng taong-ahas dahil na – in love ito kanya. Ang sabi
pa ng iba, binayaran umano ng may-ari ng kilalang
mall ang aktres upang manahimik. Sabi ng iba
kinakain ng taong-ahas ang mga bata sa comfort
room. May ilan ding nagsasabing pinakawalan umano
ng taong-ahas ang isang saleslady nang malaman
niyang hindi naman pala ito gaanong kagandahan
para sa kaniya. Naging popular noon ang alamat na
ito sa lungsod na kahit ang mga edukado ay naniwala
rito.

15. SI JOSE RIZAL AY SI JACK THE
RIPPER
Sabi nila magkapareho ang unang letra ng pangalan nina Jose
Rizal at Jack the Ripper na letrang J at R dahil dito maraming
nag-akala na sila’y iisa. Noong Mayo 24, 1888, si Rizal ay nasa
London’s British Library para hiramin ang librong “Sucesos de
las islas Filipinas”. Sa panahon iyon, si Jack the Ripper ay
nagsimulang supilin ang Whitechapel district, dahil dito
nakapatay siya ng mahigit sa 5 tao. Umalis si Rizal ng London
para mailathala ang libro noong Enero 1889, kasabay ng
pagtigil ng mga pagpatay. Ang suspek ay sinususpetyahang
isang surgeon o may kaalaman sa medisina. Alam natin na si
Rizal ay isang doctor. Ang kwentong ito ay maaaring totoo
ngunit walang pruweba at maraming spekulasyon, ito’y
mananatiling palaisipan para sa mga tao.

16. PALIWANAG Paliwanag tungkol sa mga
alamat sa lungsod

17. Isang paraan upang makiangkop,
makilahok, at makipagtunggali sa
mga hindi napapansin at
mapanlinlang na puwersang
panlipunan na humahamon sa
sinumang nasa urbanisadong lugar
Isang epektibong paraan kung saan
simbolikong naihayag natin sa isa’t isa
ang ating pangamba tungkol sa mga
isyu sa lipunan sa kasalukuyang
panahon