1. Faro do Roncudo
CandelaGonzálezPortas2ºE
O faro de Punta Roncudo está situado na aldea de Corme. O Roncudo atópase a
quilómetro e medio da poboación de Corme, situado na parte de norte da saída da ría de
Corme, formada polo río Ánllóns.
Nesta zona podes gozar das belas paisaxes de dunas que atopas no roteiro de
sendeirismo Camiños do Mar e é unha zona na que de sempre houbo moitos naufraxios.
O faro comezou a funcionar en 1920, está formado por unha única torre cilíndrica de
once metros de alto, con escaleira interior. Desde este lugar podemos divisar a ría de
Corme e Laxe.
O nome deste faro vén polo forte son que emite o mar ao estrelarse contra as rochas do
cantil. Neste lugar hai tres cruces brancas de pedra que se dispoñen nas rochas que
rodean ao Faro Roncudo, no concello de Ponteceso. As cruces son en homenaxe a
pescadores ou mariñeiros cuxos corpos nunca apareceron. As súas viúvas ou
descendentes seguen coidándoas.
Crucesdepidrano faro FaroORoncudo.
PERCEBES
O Roncudo é coñecido por ser un lugar onde abundan os percebes. Esa forza do mar e as
características das augas fan destas rochas o lugar ideal para o famoso percebe do
Roncudo, considerado o máis saboroso de Galicia. Por iso é polo que se celebra desde
1992 unha festa gastronómica para a súa degustación no mes de xullo. O percebe é
extraído polos arriscados percebeiros que loitan nesas condicións extremas, das que
algunhas veces saen mal, como indican as dúas cruces que ven ao lado do Faro.
2. Estímase que nos últimos anos morreron máis de 150
pescadores, aínda que nos últimos tempos xa apenas
houbo falecementos.
As historias de percebeiros son tamén historias de
pesca ilegal. O percebe trabállase en barbeito,
debéndose deixar de forma periódica que se rexenere, o
que implica non pescar en determinadas zonas de rochas. Pero isto non ocorre sempre
así.
CURIOSIDADES
É aquí no Roncudo o lugar onde acabaron os seus días moitos barcos que navegaban por
estas augas e que non foron capaces de sobrevivir á Costa da Morte.
E moitos deses naufraxios deron nomes ás pedras que rodean o faro. Debaixo das cruces
está o Petón do Millo, que se chama así por estar cargado de millo. Naufragou alí e deu
para comer a toda a poboación durante meses.
Outra expresión do que significaban os naufraxios ata apenas hai unhas décadas, é que
cando se sabía que un barco mercante naufragara, toda a xente da costa ía buscar os
produtos que transportaba, e que no caso de tratarse de alimentos, este pirateo
permitía á poboación de Costa da Morte subsistir durante un período de tempo.
Faro O Roncudo Piscina natural no Roncudo