1. DRAT-FILIPINO GRADE 7 – NARRATIVE
(DRAT-FIL7N1)
Bubong
Sa lalawigan ng Ilocos Sur, naninirahan ang mag-asawang sina Ben
at Cora. Mayroon silang dalawang anak, isang lalaki at isang babae.
“Lakay*, mahal ko, ganito na lang ba lagi ang ating sitwasyon?
Kawawa ang mga bata, nagkasasakit na sila sa sobrang init kapag tag-araw
at tulo mula sa bubong kapag tag-ulan,” ang pahayag ni Cora kay Ben.
“Baket**, mahal ko, hayaan mo kapag natapos ang aking trabaho sa
bayan ay titignan ko kung ano ang problema sa bubong natin,” ang tugon ni
Ben.
Araw ng Linggo, inakyat ni Ben ang kanilang bubong. Laking gulat
niya sapagkat malaki na pala ang butas at kinakalawang ang malaking
bahagi ng yero. Kaya, ipinasya niyang tumungo sa kanilang bayan upang
bumili ng yero at iba pang kailangan sa pagpapalit nito.
Kasama ang kaniyang anak na lalaki, maingat nilang binaklas ang
lumang yero at sinimulan nang palitan ng bago. Abala naman ang kaniyang
kabiyak at anak na babae sa paghahanda ng kanilang meryenda at ganoon
din ang kanilang pananghalian.
Bawat miyembro ng pamilya ay ginagawa ang kanilang makakaya
upang makabahagi sa paglutas ng kanilang suliranin. Sa huli, sama-sama
ang mag-anak sa paglilinis at pagliligpit ng mga ginamit sa pagpapalit ng
yero ng kanilang bubong.
- Marissa F. Francisco
*Lakay- tawag ng mga Ilocano sa asawang babae.
**Baket – tawag ng mga Ilocano sa asawang babae.
2. 1. Ano ang suliranin ng mag-anak sa binasang teksto?
A. Sobrang init kapag tag- araw.
B. Tumutulo ang bubong kapag tag-ulan.
C. Nagkasasakit ang kanilang dalawang anak.
D. Butas ang malaking bahagi ng yero.
2. Ano ang mahihinuha sa pahayag ni Cora sa ikalawang talata?
A. Nag-aalala sa kalagayan ng mga anak.
B. Nagagalit na siya sa kaniyang asawa dahil sa kapabayaan.
C. Nahihirapan na siya sa kanilang kalagayan sa loob ng bahay.
D. Nakikiusap na siya sa kaniyang asawa na gumawa na ng paraan.
3. Anong kahanga-hangang katangian mayroon ang mag-anak sa
kuwento?
A. May pagbibigayan
B. May pagtutulungan
C. May pagmamahalan
D. May pagkauunawaan
4. Ano ang nais iparating ng teksto sa mambabasa?
A. Unahin ang pamilya
B. Maagap sa paglutas sa suliranin
C. Maging bahagi sa paglutas ng suliranin
D. Ipahayag ang nararamdaman upang magkaunawaa
5. Ano ang mainam na maging wakas ng kuwento?
A. Simula sa araw na iyon, hindi na magkakasakit ang mga bata.
B. Simula sa araw na iyon, mapayapa at tahimik na ang mag-anak.
C. Simula sa araw na iyon, maayos at komportable na ang kanilang bahay.
D. Simula sa araw na iyon, hindi na mainit at tutulo sa loob ng kanilang
baha
3. DRAT-FILIPINO GRADE 7 – EXPOSITORY
(DRAT-FIL7E1)
Mindanao
Ang Mindanao ay pangalawang pinakamalaking pulo sa
Pilipinas. Bagamat ang Mindanao ay siyang tahanan ng mga Muslim
na Pilipino, may mga rehiyon na hindi nakararami ang mga Muslim,
tulad ng mga Rehiyon X, XI at CARAGA. Karamihan sa mga rehiyong
ito ay gumagamit ng panitikang Cebuano. Ang mga rehiyong IX at
ARMM ay mga sadyang Muslim sa lahi, wika, at panitikan.
‘Lupang Pangako’ ang naging bansag sa isla ng Mindanao.
Ito ay naging popular nang himukin ng dating Pangulong Magsaysay
ang mga Pilipino na humayo at manirahan sa Mindanao upang
paunlarin ang kanilang kabuhayan. Maraming Pilipino mula sa Luzon
ang tumugon sa panawagang ito kaya naman ngayon, isang isla ang
Mindanao na puwedeng sabihing kinatatampukan ng dibersidad.
Bukod sa mga Muslim, marami rin ang mga grupong Kristiyano at
mga Lumad. Ito ang mga nagtuturing sa kanilang sarili na katutubo
ng Mindanao, hindi dayo kundi nag-ugat dito bilang mga tao at mga
komunidad.
Ang pag-aaral sa mga panitikan ng Mindanao kung gayon ay
isang pag-aaral din ng dibersidad ng lahing Pilipinas. Hindi
ipinapanukala gayunman na ang dibersidad na ito ay indikasyon ng
pagkawatak-watak ng lahi. Nakadaragdag pa nga ito upang higit na
maging makulay ang mga kabihasnan at kulturang Pilipino.
(Hango sa “Ang Panitikang Mindanao at Kasaysayan Nito: “Lupain ng mga Pangako”” mula sa
Ang Pitak -Ang Pandayan ng Isip, Talino at Angking Kasanayan – Baitang 7)
4. 1. Anong rehiyon sa Mindanao ang sadyang Muslim sa lahi, wika, at
panitikan?
A. Rehiyon X
B. Rehiyon XI
C. Rehiyon IX at ARMM
D. Rehiyon IX at CARAGA
2. Ano ang ibinigay na bansag sa pulo ng Mindanao?
A. Lupang Pangako
B. Dibersidad na Pulo
C. Tahanan ng mga Muslim
D. Pangalawang Pinakamalaking Pulo
3. Ano ang kahulugan ng dibersidad na ginamit sa teksto?
A. Pagkaiba-iba
B. Pagkakatulad
C. Pagkawatak-watak
D. Pagkapantay-pantay
4. Ano ang mahihinuhang dahilan ng mga Pilipino sa paninirahan sa Mindanao?
A. Maraming oportunidad ng pag-unlad
B. Kakaunti pa lamang ang tao sa Mindanao
C. Hinimok sila na manirahan sa Mindanao
D. Iba-ibang lahi ang mga nakatira sa Mindanao
5. Bilang isang Pilipino, paano mo ipakikita na hindi hadlang ang dibersidad sa
pagtatamo ng pag-unlad?
A. Igalang ang kultura, relihiyon, panitikan at lahi ng bawat isa.
B. Ipaliwanag sa mga tao na mahalaga ang kultura, relihiyon, panitikan at lahi.
C. Himukin ang mga tao na tangkilikin ang magagandang kultura, relihiyon, panitikan
at lahi.
D. Magmungkahi ng batas sa pag-aaral at pagpapayaman ng kultura, relihiyon,
panitikan at lahi
