1. FOLIO BIRAKARIA
AZALPENA
Irakasleak orri bat banatuko dio talde bakoitzari. Horietako bakoitzak
kontakizun bat idaztea izango da helburua. Orriaren hasieran ondorengo
esaldia azalduko da: Urriak 8an hasi zen guztia... taldekidetako batek esaldi
horren azpian, istorioa jarraituko duen beste esaldi bat idatziko du eta, ondoren,
aurreko esaldia orria tolestuz estali. Jarraian, erlojuaren orratzen norabideari
jarraituta, ondoan duen kideari pasatuko dio. Horrek bere zatia idatziko du
folioan; hala, bata bestearen segidan, taldeko kide guztiek parte hartu arte.
Gogoratu, esaldia beti aurrekoaren azpian idatzi behar dela eta aurrekoa tolestu
egin behar dela. Istorioa zenbat eta luzeagoa izan, denek parte hartzeko aukera
gehiago izango dute eta istorioa bera ere ederragoa izateko aukera handiagoa
egongo da.
Horretarako, 7 minutu izango ditu talde bakoitzak. Irakasleak denbora
amaitzean txalo bat joko du eta orria duen ikasleak ahalik eta azkarren
izenburua idatzi beharko du.
Azkenik, talde bakoitzak bere istorioa denen aurrean irakurtzeko aukera
izango du.
BALORAZIOA
Liburuxkan, jarduera honetan parte hartzea eta elkarrekintza bultzatzeko
irizpide ugari agertzen dira. Esate baterako, idaztea tokatzen zaionak, lehenik
eta behin, kideei esango die zer idatziko duen eta ikaskideek zuzena edo
egokia den erantzungo diote.
Bestalde, batek idazten duen bitartean, taldeko gainerako kideak adi
egongo dira ondo egiten duen aztertzeko. Gaizki egiten badu, zuzendu egingo
diote.Talde guztia da folio birakariaren erantzule, ez bakoitza bere zatiarena
bakarrik.
2. Gure ekintza idazlana izan denez, irizpide hauek jarraitzea ez zaizkigu
beharrezko iruditu. Gure iritziz, idazlan polit bat osatzeko denen ekarpenak, edo
norberaren irudimena oso interesgarria eta baliagarriak dira, izan ere, bakoitzak
bere burutxo horretan zer esanik baitu. Hainbat lanetan adostasunera iristeko
beharra dagoela iruditzen zaigu, eta horrelako lanak ugari egiten dira ikasgelan,
baina hainbat ikaskideek horrelako egoeretan isilik egoteko jarrera hartzen
dute, eta beste batzuek berriz zuzentzaileena.
Idazlanaren kasuan, gure helburua zera izan da, hainbat lanetan, geure
irudimenaz gain besteena era oso baliagarria dela ikaslea ohartzea, ez garela
geurearekin geratu behar, hau da; ez da zuzena pentsatzea nirea ongi dago eta
horrela izan behar duela eta ez dagoela beste aukerarik.
Norberak bere pentsamendua adierazteko momentua izan du eta
emaitzetan garbi ikusi da, denon artean gauza oso politak egin ditzakegula.
Honetaz gain, elkarrekiko errespetua ere egon da, bakoitzak bere txanda
itxaron beharra izan du besteek idazten zuten bitartean eta haiek idatzi dutena
onartu dute.
Agian, akatsa, bat idazten zegoen bitartean, besteak itxaron egin behar
zuteneko momentuan egon daiteke. Denbora horretan haurrak mugitzen eta
hizketan egon daitezke. Beraz, tarte honetan, taldeko beste kideak, norberak
idazten hari direnaren inguruko marrazki bat egiten jarriko genituzke, horrela,
amaieran bakoitzak, beste kideei bere marrazkia erakutsiko lieke eta horren
inguruan hitz egin.
Oso jarduera interesgarria iruditu zaigu.
EGILEAK: Zuriñe, Lide eta Saioa