Aste honetan Troiako zaldiaren kondaira irakurriko dugu. Egun bakoitzean orrialde bat irakur dezakezu. Horrela, astearen bukaeran, istorio harrigarri honek zer kontatzen duen jakingo duzu.

1. TROIAKO ZALDIAREN KONDAIRA
Antzinako guden artean ospetsua izan zen Troiakoa.
Troiako erregearen seme Parisek Helena bahitu eta Troiara
eraman zuen. Helena Greziako Melenao erregearen
emaztea zen. Melenao ikaragarri haserretu zen.
- Troia osoa txikituko dut! -esan zuen.
Bahiketa horregatik sortu omen zen Greziaren eta
Troiaren arteko gerra.
Greziarrak Troiaraino joan ziren beren
itsasontzietan,. Inguratu egin zuten bederatzi urtez, eta
eraso egin menderatuko zutelakoan. Baina Troiako hiriak
harresi sendoak zeuzkan, eta tinko eusten zuten.

2. Greziarrak etsitzen hasita zeuden. Hainbeste urteren
ondoren, Troiakoei irabaztea ezinezkotzat zuten.
Buruzagiak elkartu ziren, eta gehienek esan zuten:
- Goazen bakoitza geure
lurraldera, eta utz
dezagun Troia bakean.
Bederatzi urtez borrokan
egin ondoren, zoritxarra
besterik ez dugu jaso.
Bana Ulises Ithakako erregeak esan zien:
- Zaudete apur batean. Ideia bat bururatu zait!
Ulisesek kontatu zien bere ideia. Greziarrak egurrezko
zaldi erraldoi bat eraikitzen hasi ziren ezkutuan. Bukatu
zutenean, Troiako harresi ingururaino eraman zuten
bultzaka eta bertan utzi zuten.

3. Hurrengo goizean, troiarren begi aurrean, greziarrek
itsasontzietara igo eta hiri inguruetatik alde egin zuten.
Simon izeneko greziar bakar bat geratu zen hondartzan.
Troiarrak pozik ziren beren etsaiak alde egiten
ikusita. Hiritik irten ziren, hondartzara iritsi eta Simon
atxilotu zuten.
- Zergatik ez zara joan gainerakoekin? -galdetu zioten.
- Denak presaka ziren hemendik joateko -esan zien
Simonek -, eta nire gauzak jasotzen ari nintzen
bitartean alde egin dute ni hemen ahaztuta utzita.
- Zer da zaldi handi hori? -galdetu zioten gero.
- Zaldi hori Minerva jainkosari eginiko opari bat da.
Etxerako bidaia ona edukitzeko eskatuz.
- Eta zergatik egin duzue hain handia?
- Zuek, troiarrok, gure oparia lapurtu eta hiri barrura
ez sartzeko -esan zien Simonek.

4. Simonen hitzak entzun zituztenean, Troiarrak oihu
handiak egiten hasi ziren, esanez:
- Sar dezagun zaldia hiri barrura! Sar dezagun zaldia
hiri barrura!
Baina zaldi erraldoi hura ez zen ate nagusian ere
kabitzen, eta troiarrek ateak kendu, harresi zatiak bota eta
zaldia hiri barrura sartu zuten.
Gau hartan, greziarrek alde egin zutela ospatzeko
festa egin zutenTroian. Jan, edan, dantza, abestu! Jaiaren
ondoren, gauean, denak lasai asko joan ziren lotara.
Baina Ulisesen maltzurkeria handia zen. Troiako hiri
aurrean utzitako zaldi erraldoia tranpazkoa zen. Zaldi
erraldoiaren sabelean greziar gudariak zeuden
ezkutaturik…

5. Troiarrak lo zeuden bitartean, zaldi barruan zain-
zain zeuden greziar gudariak isil-isilik jaitsi ziren zaldi
hartatik.
Gaueko ilunpean, hiriko ate guztiak zabaldu zituzten.
Itsasontzietan joan ziren greziarrak ere Troiara itzuli
ziren berriro. Denak elkartu zirenean, erraz menderatu
zituzten Troiarrak, eta goizalderako hiriaren jabe egin
ziren. Etxeak eta jauregiak erre zituzten, ondasun guztiak
lapurtu eta hiriko gizonak eta emakumeak preso hartu.
Egun hartan
amaitu zen
betirako
Troiako
hiriaren
indarra.