1. Vol. VIII No.02
private circulation only
FEBRUARY 2014
byf in DANIEL SCHOLARSHIP di pan naktak lak sawm. target Thu tuamtuam:
bcd ten zongtah zuakna nei
3.5 lakhs guang
BCD te’n Nipini 26 Jan 2014 in RepubBYF in Jan 15, 2014 a year plan leh maban pai ding dan genkhawmna a neih
na uah, Daniel Scholarship a ding in pan naktak in laksawm uh. Tua ding in
Pathian muang kawm in tukum sung in 3.5 lakhs bek muhkhiat sawm uh hi.
“Hiai target ahong kiguanna ziak ahih leh, kumteng a fund raise neih gige a
ngaih louh na dia, a tamthei lam muh khiat a huai kha interest a amah leh
amah kitoudelh sak ding ngimna ahi” chi in Songchinlian Vualnam, Chairman BYF in gen hi. Fund Raise toh kisai in nikum a sum muhkhiat dan toh
kisai etkikna nei ua, a huai apan in Bawngsa zuak mah hoih pen sak ziak in
tukum a le huai mah hih zom touh lunggulh uh. Hiai sepsuah ding in Area
wise a sai a khakhat hal teng a, area tuamtuam cover suak veng sawm uhi.
Hiai sepsuahna masa pen ding in March 8 in BYF in bawng sa zuak ding ua,
area cover ding te ahih leh Ejipura, Vivek Nagar, Koramagala leh Adugodi hi
ding. Saptuam mipi ten leng kithuah pih zel ding in leng ngen uh hi.
Area dangte ahih leh a nawn lam chia cover hi ding hi.
BYF Office bearer guanna om
Tukum 2014 a BYF Committee Commissioning leh OB kiform na zoh hi ta. Office
Bearer te hiai a nuai a bang ahi:
Chairman: Song Vualnam
Vice Chairman: Thang Ginlun Varte
Secretary: Lian Lunmung Samte
Asst Secy: Lal Sanglyan
Fin Secy: Justin Khup
Treasurer: Siamte Guite
BYF in depatmental guanna nei ua, departmental secretary leh assistant te hiai
anuai a bang ahi:
Connection Editorial Board
Editor: Ginvanglian
Asst. : Paubiaksang Ngaihte
Program Department
Secretary: Gin Biaksang Naulak
Asst Secy: Muanching Tombing
Entertainment Department
Secretary: Thangthian Mung
Asst Secretary: Lily Sianmawi
Music Department
Secretary: Thangkhansiam Guite
Asst Secys: Chingboi Vualnam &
Chingboi Kamei
bcd year plan
BCD in Jan 19 a meeting a neihna
uah hiai a nuai a bang in yearplan
guanna bawl uh hi:
1. Palm Sunday ah Special Item kinei
lou ding a himahleh nikum bang in
Biakinn kiim ah “Hosanna” sam na om
ding hi. Palm Sunday program a full in
kila louding hi.
2. Easter Sunday chiang in Special Item
neih ki som hi. Kum 2012 tan in Palm
Sunday chia BCD ten Special Item kinei a, kum 2013 in Good Friday ah
Special Item kinei ahihman in tukum
kikhekna ding in Easter Sunday ah
neih ki som hi. Palm Sunday in ahihleh
nikum bang in Biakinn kiim ah kikouna
om dia, Good Friday ah item kinei lou
ding di.
3. Nute’ Ni a Nute pahtawina neih ding.
4. Pate’ Ni a Pate pahtawina neih ding.
5. BCD Day leh BCD Anniversary September ah neih ding.
6. Outing nih vei neih ding. Khat kumbul lam ah, nihna kumtawp lam ah.
7. Naupangte’ Inn vehna hihtouh ding.
Tukum 2014 a BCD Budget ding a Rs.
30,000/- (Teng Sing Thum) ahi.
lic Day lopna hituanlou in Fund Raise
na ding in biakinn kai tawp in Zongtah
zuakna ana nei uh. Zongtah pen a demand sang mahmah a, a tangzoulou
pawl le hunkhop om uh. Kiphal tak a ana
leisak te tengteng tung ah BCD in kipahthu gen uh. Maban ah leng hon zuak
nawn mai thei ahih ziak un zongtah meh
lim duh ten ana kiging kholh ngai ding.
DONANG TE KHAKNA OM | Amau kuanta uh
I saptuam sung ua Missionary i sawl
khiak masak penpen ding un, Donang
Buansing te nupa in IEM missionary
ding in honna kuan santa uh. Amaute
khakna Jan 12 in Sunday kikhop ah om
a, tua zoh in Jan 28 in Tuesday Worship
Service ah khakna om nawn. Amau te lohching tak a ahon septouh theih na ding
un, saptuam ten thumna a i phawk touh
zel un kipha moh mahmah hi.
Department te audit kizouta
Kum paisa a department chih audit zoh
siang hita a, report leng department
chih kiang ah piakkhiat khit hita. Tutung
a audit hon bawlsak te ahih leh, Pastor
Sanglian, Pa Liansiam Guite leh Pa Pumsuanlal te ahi uh.
KIPAH THUPUAN:
Missions Comm in, 2014 Missionary
Pledge Card, Biakinn ah hongkihom
a, mipiten nonna laksak siausiau
ua, kipahthu nasatakin kon gen uhi.
Pathian gam nasepna a ipan theihna
sun ahihziakin, i ngap dandan ciamding in ikingen uhi. Tuesday Worship
ah leng kihom non a. 2013 a missionary Pledge Card apan muh khiat dia,
Head Quarter in hon bituk Rs 80, 000
lak ah, Rs 65,000 lak kidong khezou
ahi. Toupa cauh in Thupi na tang henla, a petu mipite Aman hon vualzawl
ciat ta hen.
~Missions Committee

2. Pek 2na
Tuanvai-te:
Ginvanglian Tombing | Paubiaksang Ngaihte
E-mail: connectionebcc@gmail.com
editor’ laikung pan
Amasa in simtu tengteng itna chibai ka hon buk hi!
I saptuam a kahiang poimoh mahmah, khateng a suak kithuzakna I neih uh
Connection ahi. Connection enkai ding a BYF mohpuak na piak ahih dungzui in
leh, BYF lak a leng connection sai ding a sehtuam a ka om uh kou leng kithalawp
tak in pan kon la uh hi. Hiai i khatengly suak uh, connection hih a thusuak ding
kaihkhop namailou hi.
“A lai sut zaw a nuam a, himah leh a thu di mahmah ahi kaihkhop haksa” chi in
Lun Valte, nikum sung pumlum Connection a na enkai in gen hi. Tua ziak mah
in leng, kou connection sai ten kithalawp tak a pan kon lak uh bang in, mipi ten
leng news leh vengsung thu tuamtuam khawng hon pe khawm zel ding in ka
hon ngen uh hi.
Bangalore sung kithuzak na ding, nidang bang a newsletter chih dan om nawnlou ahih man in, saptuam a vuak hilou a, Bangalore sung a om eimi te a dia news
letter om sun Connection ahi chih na suak hi. Tua ziak in leh, Pathian leng society
a lunglut ahih dungzui in, saptuam sung thu vuak lou leng thu tuamtuam hon
kisuah zel ta ding hi. Tutung in regular feature Pastor desk hon kituang sak kei
phot a, kha nawn a pat a suak ding a koih ching phot ahi. Tua bang in Pastor
desk ahong kikoih chiang in, editorial hon kikoih khol lou maithei ding hi.
Prayer cell leader te leh, Department chih a office bearer ten thusuah ding hon
pe khawm zel le uchin chih ka hon ngen nuam uh hi. Veng chih a bang thiltung
om hiam chih kithei seng lou ahih ziak in, na kithuahpih na uh hon kingen mah
ahi.
January 2014 kha a saptuam a min khumthakte
1. Lia Nianglawmkim, 2. Joshua MangThianbel, 3. Kenny Shoute
4. Vunglianching, 5. Thangkhanlian, 6. Joyce Chiinngaihlian, 7. Muanniang
TUAILAI KHRIST ADIA GIM NAMTUI
“Na tuailai ni in nang hon siampa leng theigige in”. Pathian nangmah hinna
ah, makaitu leh pitu in koih gige in. Bangmah lou na kichi maithei himahleh
Pathian mit muh in mithupi leh manpha na hi chih kithei thak in.
Pathian muh a tuailai Khrist gimnam na hi hia? chih kiveel thak hun ahi.
Laisiangthou in, lungsim a siangthoute a hampha uh Pathian mu ding ahi
ngal ua, Matt. 5:8 a achih bangin, ei tuailai te kibawlpha thakni. Adiak in I
hinkhua ah enthak ni. Tuailai I hihna ah, I lungsim gilute, siangthou loute,
ngaihtuahna gilou pipite paih kheni i chi ahi. Mihing i hihna ah, siangthou
zou kei mah le, Pathian in “noute na siangthou ding uh ahi kei ka siangthou
bang in” hon chi hi. I sianthou zohlouhna te tengteng toh Pathian in hon
pom ding a Pathian sianthouna I koppih chiang in Khris a dia gimnamtui I
hong suak ding hi.
Thunuai lutte a hampha uh; leigou luah ding ahi ngal ua laisiangthou in a chi
hi. Na nu na pa na laizomte, ahih kei leh na lawmta kal uah bang thuak hak
pipi te a om maithei. Phetlou in na tuak le na tuak khin ahi maithei; Na tuah
te tengteng Pathian in hon theihpih ahi. Amah theihlouh bangmah om lou
ahi chih thei in!
Pathian khut a kinga a thil bangkim haksatna mun ah, mangbatna mun ah,
dikna I gent theihlouh na mun ah te, thunuailut kawm a I thuak teitei chiang
in, Pathian in leitung kia hilou in van ah le kipahman ei a din ana koihkhol hi.
Sangampa/Sangamnu na thiltuah te tengteng nang haksa, mangbat huai
leh lungkham huai na sa maithei, Pathian in nang a dia bangzahta haksatna
ana thuak hiam chiah ngaihtuah in kipaktak in om in. Na sianthou zohlouh
na, na haksatna, na lungkhamna te tengteng toh ei hon siampa Pathian in
Amah ei a dia mansa ahi. Pathian kiang ah kinga inla amah zuan in, lungsim
nuam leh kipak tak in na om ding a, Khris dia gim namtui na hong suak ding
hi. ~By BiakSang Tombing
Mr & Mrs Sangmuan Valte
Nupa lohching ahong hih uh i deihsak mahmah
Kua ten bang gen
“Connection hoihtak in hon suah ua.
Biakinn sung a lai sim di a om kei leh
nuam hetlou eikha”
- Thangkhansiam Guite
Pastor thumsakna manphatak toh
saptuam miten non deihsakna thu khah
te un hon khamuan in hon thathou sak
mahmah mai,Topan a saptuam te Amah
min thupi na ding leh a gam keklian
tute hi din hon om pih ngitnget leh
chih ka thum na uh a hi. Lungdam ung.
-Mr & Mrs Donang Buansing
Nu Manvung damdoi inn a pat pawt ta
Nu Manvung leng Dengue vei a damdoi inn a hunkuamtak a ki-etkol nung
damdoi inn nusia in inn a ki-enkol
ding in pawta uh. A hong dam siang
na ding in saptuam ten thumna a I
phawk touh zel uh hoih ding.
inn kisuan|pastor in latna nei
Chingmuankim tulel a Brigade group
a semlel leng Hebbal ah a innluah na
kisuan. Pastor pan a latna Feb 1, Kiginni in va nei.
nupa thak te kipapih na local ten nei uh
Nupa thak liklek, Pa Sangmuan te nupa
kipahpih na Local Upa Committe in
Feb 1 in nei uh. Amau ann nekkhawm
na leng nei uh.
Joint fellowship om ding
Saptuam sung a department tuamtuam , Prayer cell leader leh Tuesday
worship te tel in Joint fellowship Feb 2,
in om ding. Hiai ah departmental yearplan et khawm na leh saptuam sung
paitou zel ding dan etkhawmna om
ding. Huaiteng ban ah sinsakna tuamtuam leng tulel a auditor te makaih
in om ding.
worship team ding poimoh
Biakkhawmna a poimoh mahmah
worship team ding zonna om lel. Hiai
toh kisai in mipi ten leng thum kawm
zel a, I saptuam sung la lam a hon
phawng halh leh hon makaih ding
Team hoih tak ahong pian khiat na
ding a I pantheih na lam chiat ua I pan
uh poimoh. Lasak lam a kiva te a ding
in hiai kan a hun hoih dang om lou
ding ahih man in Local te leh Pastor
pa kiang a lunglut dan theih sak hoih
ding. Biakkhawm na a lasak a nop leh
kikhopna leng nuam ahi!