2. Carta de benvida a
CANDEANINA
Querida Candeanina:
Estamos moi contentos e contentas de terte de novo con nós. Botámoste
moito de menos, a verdade. Pensamos que Agarimón foi o que estivo
máis so. Na biblioteca había un vacío sen ti. Será porque a túa presenza
fai que nos sintamos ben con nós mesmos.
Desde que te fuches pasaron moitas cousas no cole: a festa de Nadal, a
chocolatada, viñeron nenos e nenas novos, organizouse unha horta
solidaria na que plantamos flores e fixemos doacións para “Bicos de
Papel”...
Como cada ano, estreamos un novo PDI. Este curso traballamos o
“Universo”. Pensamos que te ía gustar moito. Ademais, como ti viaxas
polo espazo, seguro que poderías ensinarnos moitas cousas e
pasariamolo moi ben.
Recibimos a visita de xente moi divertida como Anxo Moure, o escritor do
“Carballo con Botas” e outros libros.
A pena é que a árbore do recuncho dos soños caeu a causa dun
temporal. O bo é que pintaron os bancos de cores fermosas e esperamos
que vaian pasar moitas outras cousas extraordinarias..
3. Tamén limos “Wonder”. Mola moito, telo que ler. Hai momentos nos que te
ris un montón. Nel vimos como no mundo hai xente que se comporta
dunha forma ou doutra, pero sempre hai xente boa. Aprendimos a escoller
“preceptos” que nos sirvan de pautas de conduta. Algún de nos elexiu
estes dous pensando en ti: “O universo é tal como ti o pintas” porque
sempre andas polo espazo e cada vez que te transportas cos teus libros o
pintas de cores fermosas, como a bondade, a felicidade, o amor...O
segundo precepto é “Se o plan A non funciona, recorda que o abecedario
ten 23 letras máis”. Elexido porque sempre atopas formas de facérmolo
pasar ben, divertirnos e darnos o teu agarimo.
Tamén queremos regalarte estes preceptos:
“Para amar, algunhas veces só tes que pechar os ollos”. Non temos que
quedarnos coa beleza exterior, hai que mirar sobre todo como se
comportan as persoas.
“Cando comeza un novo día, comeza unha nova vida”. Este significa que
cada día que comeza é unha nova oportunidade e sempre se está a
tempo de comezar de novo.
Esperamos que todas estas novidades sexan do teu gusto. Agora que
estás de volta todo será moito mellor e máis divertido.
Un bico da clase de 5º de primaria.
