5. 1844tik 1846ra tren-ingeniari lanetan aritu izan zen eta bi urte geroago “The Economist” aldizkarian lan egiten hasi zen. Bertan lan egiten hasteak bere bizitza goitik behera aldatu zuen: ingeniaritza lana alde batera utzi eta idazle eta filosofo lanetan aritu zen hortaz geroztik.
8. Gaztaroan Herbert liberalismoaren aldeko jarrera erradikala izan zuen baina jarrera hori denboraren poderioz gero eta kontserbadoreagoa bihurtu zen.
9. Bilakaera horren adierazle da “laisser-faire” doktrina biziki defendatu izanak. Doktrina honek estatuak ez zuela gizartean esku hartu behar bultzatzen zuen, bakarrik gizabanakoen segurtasuna bermatzeko ahal zuen parte hartu estatuak. Bere desiorik handiena bizitza soziala ahalik eta askatasun handienarekin garatzea zen, estatuaren parte hartze ahalik eta txikiarekin.
10. Spencer eboluzionismo edo darwinismo sozialaren ordezkaria da. Honen ustez mundua aurrera doa inoren laguntzarik gabe eta beraz, egin dezakegun onena bilakaera hau ez oztopatzea da. Gizarte instituzioak animali eta landareek bezala, ingurunera (sozialera kasu honetan) moldatzen dira.
11. Naturan bezala hautespen naturalak agintzen du (gizabanako eta gizarte gaituenak garaileak izanda bizitzako borrokan). Spencerrek gizartea organismo biologikoarekin erkatzen du: gizarte-egitura hezurmamitzen duten zatiek elkarrekintzan diraute eta bakoitzak dagokion eginkizuna betetzen du.
12. Gizartearen hazkundea ere ikuspegi eboluzionistatik azaltzen zuen: hazkunde horrek, gizabanakoen ugaltzeari eta giza taldeen elkartzeari esker, gizarte egituren garapena eta desberdintzea dakar.
13. Gizartearen konplexutasuna hazkorra da, militar gizartetik gaur eguneko gizarte industrializaturaino. Antzinako gizarte militarrak gerra egoerei aurre egiteko egituratuak zeuden (gerra funtzionala zen).
14. Orain aldiz, gizarte industrializatuan, gerra ez da funtzionala, laguntasunean, altruismoan, espezializazioan, pertsonarteko onarpenean eta kooperazioan oinarritzen delako. Hitzarmen eta moral kolektiboari esker gizarte hau baturik dago eta horregatik gerrarako joera gutxiago du (noizbehinka gerrarako eta gizarte militarrerako atzerakdak dauden arren).
15. Gizartea perfekziorako bidean dago eta gizarte gaituenak bizirik zirauten bitartean ezgaiak desagertzeko bidean jartzen dira. Horren emaitza munduaren hobetzea da. Spencer-ren ideiek eragin sakona izan dute Soziologoa iparamerikarrean, alde batetik giza historiaren ibilbide guztia azaltzen zuen teoria burutu zuelako eta, bestetik, industrializazio prozesuan zegoen gizarte motari zuzentzen zitzaiolako. Gizartea garai kritikoetan dagoenean oso erabilgarria da honen ikuspegia, aurrerapen handiagorantz bagoazela diolako.