1. Name: Arlen Sigrid L. Rabino
Grade 12-STEM St. Erasmus
“Ang aking Dakilang Inay”
Ang buhay ng bawat ina ay nagpapaalala sa atin ng kanilang pagmamahal at
walang hanggang pagsasakripisyo upang mapalaki ng maayos ang kanilang mga
supling. Ang bawat magulang, partikular ng mga ina ay walang hinangad kung hindi
ang magandang kinabukasan ng kanilang mga anak
Arlen Rabino, ang aking dakilang ina. Isa siya sa pinaka importanteng tao sa
buhay ko. Siya ang nag alaga at nagpalaki sa akin simula noong bata pa lamang ako.
Iniluwal niya ako sa loob 9 na buwan, tiniis ang sakit upang masaksihan ko lang ang
kagandahan ng mundo. Siya ang nagpabago ng buhay ko sa maraming paraan. Siya ay
ang aking mapagmahal na ina.
Sa lahat ng tao sa mundo, sa aking paningin siya lang ang pinakamagandang
regalo na ibinigay ng Panginoon sa akin. Siya ang pinakamagandang babae na aking
nakilala. Mapupulang labi, makinis na balat at mga mahahabang pilik-mata na kay
gandang pagmasdan. Mga ngiti niyang nakakaakit pag iyong tititigan. Tinig niya ang
nagsisilbing musika sa akong tainga. Bukod sa kanyang pisikal na anyo, ako ay
napabilib sa kanyang kasipagan. Ginagawa niya ang lahat ng nakabubuti sa aming
magkakapatid. Gumagawa siya ng mga bagay na mahihirap para lang makatulong sa
pamilya.
Hinahangaan ko ang kanyang pagkatao. Mabait siya sa lahat ng tao na
nakapaligid sa kanya. Mapag-aruga, maasikaso, at maaalahanin siya saaming
magkakapatid. Isa pang nakakamanghang ugali niya ay ang pagiging maunawain, siya
lang ang taong nakakaintindi sa akin at sinusuportahan ang aking mga kagustuhan.
Isa siyang mapagmahal na ina. Hindi man siya perpektong nanay,oo nagkakamali siya
minsan pero walang sinuman ang hihigit pa sa kanya. Masungit at strikta siya lalo na
sa mga tuntunin niya pagdating saakin ngunit sa kabilang dako, siya namay
mapaglambing partikular na sa akin.
Ang nanay ko ay para ko na ring matalik na kaibigan. Madali lang siyang lapitan,
kung may problema man akong kinakaharap, hindi niya hinahayaang harapin ko ito
mag isa kundi dadamayan niya ako. At tulad ng mga matatalik na mag kakaibigan, we
share laughter with each other, sa madaling salita siya ay madaling patawanin. Sa
kabilang bahagi, siya’y mapagsakripisyo, ginagawa niya lahat para lang mabigyan
kami ng magandang bukas. Siya’y napakamasipag, kahit pagod na pagod na siya sa
trabaho niya inaasikaso niya parin kami at ang mga ibang gawaing bahay. Kahit na
makikita mo na ang pagod sa kanyang mukha ay lagi parin siyang nagpapakatatag
para saamin. Kay laki ng ginagampanan ng isang ina sa pamilya. Ang swerte ko kasi
may ina ako na sobra-sobrang magmahal.
Ang ina ay ilaw ng tahanan, gumagabay sa kanyang mga anak, gumagabay sa
kaniyang mga anak upang magkaroon ng magandang asal at maging isang mabuting
tao. Kung wala ang pagmamahal at alaga ng isang ina, kulang ang buhay ng isang bata.
Sila ang dahilan kung bakit tayo ay nandito sa ating kinaroroonan. Sila ng nagbibigay
sa atin ng ating mga kailangan. Kapag tayo ay nagkakamali, sila ang nagtuturo sa atin
kung ano ang tama at mali. Ang bawat araw ng ating buhay ay nagiging makabuluhan
dahil sa kanila. Kung susumahin, ang lahat ng kanilang ginagawa ay hindi natin
kayang matumbasan. Walang sino man ang kayang mapantayan ang alaga ng isang
ina sa kanyang mga anak.