Resumo tema 8 de lingua galega netex 5º

1. Parentescos-
Familia de palabras é o conxunto de palabras que se forman a partir da primitiva:
zapato: zapataría, zapateiro, zapatilla, zapatón,..
Campo semántico é o conxunto de palabras relacionadas polo seu significado.
Calzado: zapato, bota, zapatilla, sandalia, mocasín, chancleta, botín,...
Autores da posguerra e do exilio
No ano 1936 prodúcese un golpe de Estado en España. Despois dunha guerra civil
contra a II República, que dura tres anos, Franco chega ao poder. Neses anos,
prohibiuse falar e escribir en galego. A Editorial Galaxia, fundada en 1950 por
persoas que pretendían manter o espírito e a cultura galeguista, terá moita
influencia para recuperar o galego. Entre estes autores salientan: Otero Pedrayo,
Cabanillas, Álvaro Cunqueiro, Ánxel Fole ou Fernández del Riego.
Autores que tiveron que emigrar foron Blanco Amor, Luís Seoane, Rafael Dieste...
.
Os Determinantes Indefinidos indican cantidade de forma imprecisa. Poden ser
-Variables en xénero e/ou número (algún, moito, todas, bastantes, demasiadas,...)
Algún contrae coas preposicións de/en dalgunha, dalgún, nalgúns, nalgunhas
-Invariables (cada, calquera, máis, menos, demais,...)
.
Os Determinantes Numerais poden ser
- Cardinais indican cantidade exacta (dous, tres, dez, vinte e un,...)
- Ordinais indican orde (primeira, cuarta, oitavos,...)
Ortografía do H - Escríbense con h
_as formas dos verbos haber, habitar, herdar e honrar, e os derivados destes.
-os prefixos hecto- (cen) , hema- (sangue) , hemi- (metade) , hepta- (sete),
hexa- (seis) , hidro- (auga), hiper- (superior), hipo- (cabalo).
hectogramo, hematoma, hemisferio, hidroavión, hipermercado
-as palabras que empezan por hort- , hosp-, horr- e hum- (agás úmero).
horticultor, hospital, horrible, humano
-as palabras derivadas que se forman a partir dunha palabra primitiva que leva h
conservan ese h. humano, inhumano, humanizar
En galego non levan h:
Aí, alá, alelí, arpa, ata, até, baía, inchar, irmán, irmá, oco, ola, ombro, orfo,
óso, ovo, úmero.
As cartas ao director son un subxénero dentro das cartas mediante as que se
expresa unha opinión por parte dun lector a un xornal. Estas cartas responden a un
tema de actualidade, a unha queixa por parte do lector ou a unha opinión.
A opinión que se dá pode ser tanto a favor, expresando agradecemento, como
crítica.
As cartas teñen un formato determinado. Debes dirixirte ao director con
educación e respecto, facéndoo cunha linguaxe apropiada. As cartas deben levar a
data e o lugar dende onde se escriben e deben encabezarse con:
Prezado director, Estimado director, Querido director
Non esquezas que debes despedirte con fórmulas do tipo: Atentamente, saúdos,
despídese… e asinar a carta co nome do remitente.
1.- Risca a palabra que non pertence á familia de palabras en cada liña:
-beber, bebedeira, beberaxe, babexar, bebedizo, bebida.
-illa, illar, illamento, illote, illó.
-augar, augacento, augurio, augamar, auguento, desaugadoiro.
2.- Escribe palabras da familia de: aire, terra, mar
3.- Escribe o campo semántico de: comidas, vehículos, ferramentas, deporte.
4.- Agrupa por campos semánticos: carballo, pescada, aguia, castiñeiro, merlo,
paspallás, xouba, freixo, reiseñor, salgueiro, raia, linguado.