Resistencia (Unha historia tenra e dramática que non te defraudará (1).pdf
R1 lingua sexto
1. TEMA 1 LINGUA GALEGA 6º
O abecedario galego está formado por 23 letras (18 consonantes e 5 vogais)
a, b, c, d, e, f, g, h, i, l, m, n, ñ, o, p, q, r, s, t, u, v, x, z
O nome das letras ten xénero masculino e existen
6 dígrafos, que son a combinación de dúas letras
que se usan para representar un único son: ch, gu,
ll, nh, qu, rr.
Os dígrafos non se poden partir nun salto de liña:
ningu - nha.
Os textos non literarios achegan a mensaxe con datos que son precisos.
Os textos literarios son aqueles que son creados a partir dunha linguaxe
elaborada e co propósito de provocar reaccións no lector. En literatura
existen tres tipos de textos literarios: a narrativa, o teatro e a poesía.
En toda comunicación ten que haber:
*Emisor: é o elemento que transmite información, que a emite.
*Receptor: é o elemento ao que vai dirixida a información, o que a recibe.
*Mensaxe: é o que se quere transmitir.
*Código: é o conxunto de símbolos ou signos que permite formular e
comprender ou interpretar mensaxes.
*Canle: é o conduto polo que transcorre a mensaxe.
A comunicación pode ser verbal (lingua oral ou escrita) ou non verbal. O
código pode ser palabras, sons ou signos.
As sílabas son conxuntos de sons que se pronuncian cun só golpe de voz.
me-sa, ca-dei-ra
Chamamos sílaba tónica á que se pronuncia con maior intensidade. As
demais sílabas da palabra son sílabas átonas. bi - ca
As palabras poden ser polo seu número de sílabas monosílabas (unha
sílaba), bisílabas(dúas sílabas) trisílabas (tres sílabas) e polisílabas (máis de
tres sílabas).
A BIOGRAFÍA: unha biografía é a descrición da vida dunha persoa e tamén
da súa obra. As biografías nárranse en terceira persoa. Nelas aparecen os
datos máis importantes das persoas: onde naceu, que fixo, onde viviu…
ACTIVIDADES:
1.- Memoriza o abecedario en galego.
2.- Ordena alfabeticamente: porta-pomada-pozo-pouco-porco-pobre-pota
3.- Nas seguintes palabras arrodea os dígrafos. Separa en sílabas:
unha-chuvia-bacallau-borralla-guitarra-queixo-agulla-sacho-dunha-carreta
4.- Busca no dicionario da RAG as seguintes palabras. Escribe o significado e
fai unha oración con cadansúa: luscofusco, orballo, trespés, lareira, anllar.
5.- Separa en sílabas. Arrodea a sílaba tónica: carneiro-areoso-roubar-Antía.
6.- Coa axuda do teu ordenador, escribe a biografía do escritor galego a
quen se lle vai dedicar o Día das Letras Galegas no 2015: Manuel María.
7.- Risca as palabras intrusas en cada caso.
8.- Di cales son o emisor, receptor e mensaxe:
Un árbitro saca cartón vermello a un xogador
Un socorrista pon a bandeira amarela na praia
Un locutor dá unha nova pola radio
Deixámoslle unha nota ao noso pai
9.- Nestes casos, hai comunicación verbal ou non verbal?
9.- Hai comunicación cando chamas a alguén por teléfono e non contesta?
Por que?