Información para as familias do alumnado de 4º E.I.

1. EQUIPO DE EDUCACIÓN
INFANTIL
DPTO. DE ORIENTACIÓN
C.P.I. de Ponte Carreira
Rúa do Ensino s/n Gafoi 15686 Frades
 881 880 671 – 881 880 672  881 880 673
cpi.ponte.carreira@edu.xunta.es
Podedes visitarnos e ver todo o que facemos en
http://vagalumesdaponte.blogspot.com
Animádevos e botade un vistazo.

2. É importante que saibades que @s nen@s danse conta da
actitude que tedes sobre o que lles sucede, por iso deben
vervos tranquil@s e content@s cando veñan á escola.
Non usedes a escola como castigo ou ameaza.
Transmitídelles a idea de que é un lugar onde se xoga, se
aprende e se fan amigos.
É importante que nos vaiamos coñecendo: as mestras
necesitamos para o noso traballo algúns datos d@s nos@s
alumn@s que só os pais nos poden dar, e vós seguro que
tamén desexaredes coñecer en mans de quen ides deixar os
vosos fillos. Para todo isto teremos una entrevista da que
xa vos avisaremos do día e hora na que teremos a
oportunidade de conversar sobre estes temas e todo o que
se vos ocorra.
¡BENVIDOS Á ESCOLA!
O momento de entrada na escola ten moita importancia na
evolución que @ vos@ fill@ terá; por iso é moi importante
que xuntos o preparemos para que transcorra da mellor
maneira posible. Hai una serie de cousas que dende a casa
debedes procurar.
DURANTE TODO O CURSO
 Farase unha merenda a media mañá, que lles mandaredes
dentro dunha bolsiña ou recipiente. Procurade pensar nas
súas limitacións: por exemplo, se lles mandades froita
podedeslla trocear e meter nun recipiente. Tamén
manderedes unha botella de auga todos os días.
 Programaranse reunións cos pais/nais e podedes solicitar
entrevistas para que vos recibamos.
 Informarásevos sobre as actividades que desenvolven @s
pequen@s e pediremos a vosa colaboración nalgúnhas
ocasións.
 Seredes informad@s con antelación das saídas ou
excursións que se realicen durante o curso.
CONSELLOS PARA FACILITAR A ADAPTACIÓN
 Non traer @ nen@ no colo, senón collid@s da man.
 Que se vaian habituando a comer sós.
 Que “aprendan” a ir sós ao baño e se limpen.
 Que “aprendan” a limpar os mocos.
 control de esfínteres (pis e caca).
 Ensinarlles a vestirse: poñer/quitar chaqueta, subir
pantalón,…
 Durmir as horas necesarias.
Estes son uns consellos xerais pero dada a situación de
pandemia pola que estamos a pasar e da que non sabemos
cal vai ser a súa evolución nin os protocolos que se van
establecer, antes de comezar o cole seredes informados
máis polo miúdo e, de selo caso, dos posibles cambios destes
consello/recomendarcións.

3. Traédelles roupa cómoda (tipo chándal) que lle sexa fácil de
quitar cando vaia ao retrete. Poñédelle cinta no mandilón,
chaquetas e chaquetóns para que poida colgalos
facilmente. Nesa cinta poñede o seu nome. Entre todos
conseguiremos que se vaia facendo autónom@.
É importante unha asistencia regular á escola. Xa que
decidistes escolarizar @s vos@s fill@s no ensino infantil
deben asistir regularmente e ser puntuais nos horarios
establecidos.
Non @s deixedes na casa se non é realmente por un moito
xustificado. Para iso é indispensable que siga un horario de
sono e comidar regular.
Non obstante, existen condicións nas que deberedes deixar
@ nen@ na casa: febre, decaemento xeral, vómitos, se ten
piollos,… Comunicádelle á mestra sempre que teña unha
enfermidade contaxiosa, ou problemas de alerxia.

4. Os primeiros días @s nen@s terán un horario reducido e
recreos flexibles, para evitar as angustias e acadar unha
integración total, do cal seredes informados non vindeiros
días e daránsevos máis “instruccións”.
O primeiro día procurade vir tranquil@s e preparade @
nen@ con calma. Pensade que se vós nos estades
tranquilos será difícil que o estea @ pequen@.
En días sucesivos cando deixedes @s nen@s non lles
mintades, despedídevos “con naturalidade”.
LEMBRADE que os primeiros días de escola poden
condicionar positiva ou negativamente a marcha escolar do
voso fill@ e se tedes algunha dúbida ou cousa que
queirades consultar non tedes máis que falar coas mestras.
Para facilitar a adaptación dos nenos á escola os pais deben
manifestar interese polo que fan os seus fill@s na escola
facéndolles preguntas sobre o que fixeron, con quen
xogaron,… para facel@s partícipes desta nova experiencia.
En breve seredes convocados a unha reunión, na cal
determinaremos os días que deben vir @s pequen@s por
primeira vez, xa que procuraremos que vaian vindo por
grupos. Así prodúcese menos agobio para todos e pódese
atender a cada pequen@ de mellor maneira.
No caso en que @ nen@ se faga pis ou caca, seredes
avisad@s para cambial@.