Recomendaciones do

1. C.P.I. UXÍO NOVONEIRA
Estrada Cervantes s/n
27670 Pedrafita do Cebreiro (Lugo)
℡ 982870633// 982 870634
982870635
cpi.uxio.novoneira@edu.xunta.es
http://edu.xunta.gal/centros/cpiuxionovoneira
RECOMENDACIÓNS PARA ENFRONTARNOS Á
TERCEIRA AVALIACIÓN
Estes días tendes a oportunidade de demostrar que
sondes responsables, aquí van algúns consellos
para que sexa máis doado. Moito ánimo!!
 É importante propoñerse un horario de traballo
semanal e diario, sería recomendable que tentemos
traballar cada día as mesmas materias que teríamos
no cole.
 Podemos comezar o día facendo algo de
exercicio, que nos axuda a espertar e a activarnos.
Seguro que despois traballamos máis concentrados.
 Tamén é moi importante ter en conta os descansos que debemos facer, e non
poñernos un horario demasiado esixente. Aproveitar os descansos para facer algo
na casa, axudar coa colada, arranxar o noso cuarto…
 Posto que non sabemos o que vai durar isto é moi importante ir racionalizando
o traballo e non pegarse “atracóns” con algunhas materias. Aínda que se podemos
aproveitar para reforzar aquelas que nos costen un pouquiño máis.
 Intentade mantervos en contacto cos profes tódalas semanas para comentar o
que fostes traballando, e posibles dúbidas que xurdan. Sede críticos e comentade
con eles se vos parece axeitada a cantidade de traballo que envían. Nós tamén
temos que aprender a racionalizarnos!
 Mantede o contacto entre os compañeiros e compañeiras, tamén para temas
académicos.
 Cando estamos aburridos, é moi fácil ter ganas de comer doces, chuches todo
iso que vai cargado de azucre, que o que nos vai a provocar é que teñamos a
necesidade de máis. É recomendable que o cambiemos por froita, queixo, froitos
secos… Incluso podedes aproveitar para facer os vosos propios petiscos saudables,
se tendes quen vos axude. A rede está cargada de receitas doadas e sans.
Se precisades calquera cousa, ou queredes axuda para facer o voso horario non
dubidedes en poñervos en contacto comigo. O noso deber é axudarvos, podedes
escribirme a: lucia.reiriz@edu.xunta.es
Saúdos e saúde!!