1. Монгол бөхийн хөлд орох мэхийг буюу хөлд гүйх мэхийг биеэр жижиг хурдтай хүн уг мэхийг хийхэд илүү тохиромжтой ба манай улсад чөлөөт бөх хөгжсөнөөр хөлд орох арга техник сайн хөгжиж сонирхолтой сайхан барилдаан олон гарах болсон. Хөлд орох мэх

2. Хөлд орох мэхийг хийхдээ учраа бөхөө цочоох, тэнцвэр алдагдуулах, хуурах хөдөлгөөнүүдийг хийж аль болох биед нь ойр зайнаас лавхан сууж аваад цаад хөлд нь шилжүүлэх, цацаж гаргаж ирэх, нарийсгах, дэрлэх гэх мэт олон арга байдаг.

3. Монгол бөхийн гар ачих мэх бол нэг гараар суганы хонхороос барьж эрүү, шанаагааар нь учраа бөхийнхөө мөр, бугалган дээр сайн дарж, нөгөө гараар өвдөг тойгны хажуу урд талаас тулж, гарын барьцаа татаж, биеэ хагас эргүүлэн, өвдөг шороодуулдаг мэх бөлгөө. Гар ачих мэх

4. Гар ачих мэхийг хийхийн тулд өрсөлдөгчийнхөө цаад хөлд нь тахимдах, зайлж тэнцвэр алдуулах хувилбаруудыг хийж байгаад мэхээ хийвэл даацтай сайн болно. Уг мэх нь дотроо шууд аргаш гар ачих, тахимдаж гар ачих, тохой сөхөж гар ачих, суйлдаж гар ачих гэх мэт олон хувилбартай.