1. Orihinal
PAG-UWI
Habang pabalik sa tunay kong pinanggalingan,
Ay kanina pa ako kinukulit ng ulirat
Sa kahahalungkat ng mga larawang
Di ko naman nakikita ngunit nakikita ng mga mata ko.
Paulit-ulit ang mga himig na pinapatugtog ng aking malay
At dumadaloy papasok sa aking tainga.
Nabuo ang kanina at lipas na mga imahen.
Di kailangan ng camera sa malikot ang guni-guni.
May bumubulong sa akin na mga tinig at awit.
Di kailangan ng iPod sa malikot ang guni-guni.
Paulit-ulit akong kinukulit ng ulirat,
Habang pabalik sa tunay kong pinanggalingan.
Rebisyon
ALALA
Iginuguhit sila
Ng aking guni-guni
Habang nakadungaw ako sa bintana.