2. Ծնվել է Ախալքալաքի Գանձա գյուղում՝ հոգևորականի ընտանիքումֈ 1897թ Տերյանը մեկնում է
Թիֆլիս, ուր սովորում էին այդ ժամանակ իր ավագ եղբայրներըֈ Եղբայրների մոտ ապագա
բանաստեղծը սովորում է ռուսերեն ու պատրաստվում ընդունվելու Մոսկվայի Լազարյան
ճեմարանֈ 1899թ Տերյանը ընդունվում է Լազարյան ճեմարան, ուր ծանոթանում է Ալեքսանդր
Մյասնիկյանի, Պողոս Մակինցյանի, Ցոլակ Խանզադյանի և այլ՝ ապագայում հայտնի
դարձած, անձնավորությունների հետֈ Ավարտում է Լազարյան ճեմարանը 1906թ, այնուհետև
ընդունվում Մոսկվայի համալսարան, որից կարճ ժամանակ հետո ձերբակալվում է
հեղափոխական գործունեության համար ու նետվում Մոսկվայի Բուտիրկա բանտըֈ
1908թ Թիֆլիսում լույս է տեսնում Տերյանի ստեղծագործությունների "Մթնշաղի անուրջներ"
ժողովածուն, որը շատ ջերմ է ընդունվում թե՛ ընթերցողների, և թե՛ քննադատների կողմիցֈ 1915
«Մշակ» թերթում հրատարկվում է բանաստեղծի հայրենասիրական բանաստեղծությունների
«Երկիր Նաիրի» շարքըֈ
1916թ երևում են Վահանի կրծքում բուն դրած թոքախտի նշաններըֈ Գալիս է Կովկաս
բժշկվելու, բայց փետրվարյան հեղափոխությունը դրդում է նրան թողնել բժշկվելը և գնալ
Պետերբուրգֈ Խորհրդային իշխանության հաստատման առաջին իսկ օրերից դառնում է
Ստալինի մոտիկ աշխատակիցըֈ
1917 հոկտեմբերին Տերյանը ակտիվորեն մասնակցում է բոլշևիկյան հեղափոխությանը և այն
հաջորդած քաղաքացիական պատերազմինֈ Լենինի ստորագրությամբ մանդատով մասնակցում
է Բրեստի խաղաղ պայմանագրի ստորագրմանըֈ 1919 Տերյանը՝ լինելով Համառուսական
Կենտրոնական Գործկոմի անդամ, առաջադրանք է ստանում մեկնել Թուրքեստան (այժմյան
միջինասիական հանրապետություններ), սակայն ծանր հիվանդության պատճառով ստիպված է
լինում մնալ Օրենբուրգում, ուր և վախճանվում է 1920թ հունվարի 7-ին ընդամենը 35 տարեկան
հասակումֈ