Titorial writer de libreoffice

Titorial Libreoffice

LIBREOFFICE

TITORIAL

Beatriz González-Moro Galán IES.Vilar Ponte 2012


1. Para facer unha captura da pantalla do ordenador clicamos en “impr pa”,
está na parte de arriba da dereita do teclado.
2. Logo na folla do Writer clicamos no botón dereito do rato e pegamos a
imaxe directamente.

Se queremos modificar a imaxe, facémolo dende o programa de Debuxo
LibreOffice Draw pegando a imaxe co botón dereito do rato.



AGORA IMOS VER CADA UN DOS BOTÓNS DESPREGABRES
FICHEIRO
NOVO OU ABRIR
Clicamos en FICHEIRO e ábrese un diálogo no que escolleremos Novo ou Abrir
un documento

Podémolo buscar nos nosos FICHEIROS, no equipo ou nos dispositivos móbiles
(cd, lapis...).

GARDAR, GARDAR COMO...



Na pestana de FICHEIRO tamén podemos gardar o documento, mantendo o
nome do documento e o lugar onde o gardamos; gardar como ou gardar todo.
A extensión de Libreoffice é .ODT, pero podemos gardalo con outra extensión
.DOC e así poder abrilo noutro ordenador que non teña o libreoffice instalado e
si teña o Word de Microsoft, por exemplo.

Ademais podemos escoller onde queremos gardalo: no escritorio, nunha carpeta
determinada, nun lapis, nun cd...

EXPORTAR COMO PDF.
Esta función é moi interesante porque permite gardar e enviar un documento
sen que a persoa que o recibe o poida modificar, só se lle concede un permiso
(así o poñerei na wiki)
Hai dúas maneiras de facelo:

1. Clicando no botón da barra que pon PDF (exportar directamente como
PDF) e dándolle a gardar.

2. En FICHEIRO, Exportar en formato PDF. Clicamos en Seguranza, que é
onde establecemos as contraseñas para permitir ou non modificar o
documento.



Dámoslle a establecer os contrasinais e escollemos o que se pode cambiar do
documento a través dos permisos.

Finalmente cliclamos en Exportar e xa está feito.



EDITAR
SELECCIONAR TODO
Nesta pestana o máis interesante é o botón Seleccionar todo, con el
seleccionas todo o documento de unha soa vez para facer cambios de formato,
aliñar, copiar, etc. como veremos máis adiante.

VER

DESEÑO DE IMPRESIÓN

Cando activamos esta posibilidade vemos o documento tal e como se vai
imprimir en páxinas.

DESEÑO WEB

En deseño para internet non se marcan as distintas páxinas, senón que é un
continuo, é dicir, todo seguido.

BARRAS DE FERRAMENTAS

Aquí escollemos tanto as barras como os botóns pequenos que queremos que se
vexan na parte superior e inferior da pantalla mentres traballamos cos
documentos: estándar, formateo, debuxo...
En Personalizar escollemos os botóns que queremos que aparezan ou non na
barra de menús . Os que non usamos nunca podémolos quitar e poñer os que
máis usamos para telos a man.



É interesante ter marcado a opción de Límites de texto para ter diante o
tamaño da páxina, e a quen non lle moleste (mentres traballa co documento) os
Caracteres non imprimibles

INSERIR
QUEBRA MANUAL
Neste botón podemos inserir ou poñer quebra de liña, quebra de páxina ou
quebra de columna (saltos)



O que se consegue con esta opción é pasar a outra páxina ou columna sen
necesidade de darlle ao espazo (enter) ata o final da columna ou páxina.

CAMPOS
Podemos poñer o número de páxina no que estamos (8) ou a conta do número de
páxinas (17) que ten o noso documento, así como a data27/02/12 ou o nome da
ruta do ficheiro: C:UsersBeatrizDocumentsTitorial_libreoffice.doc27/02/12



HIPERLIGAZÓN
A través desta opción podemos introducir unha dirección web, ou conta de
correo para que ao clicala nos conduza directamente a ela dende o propio
documento.
Así clicamos INSERIR e Hiperligazón e nos aparece a seguinte imaxe. Cubrimos
o destino “edu.xunta.es” e o texto que queremos que apareza no noso
documento “Consellería de Educación”.
Tamén podemos escoller se aparece nun texto ou nun botón, coa opción
formulario.

Dámoslle a aplicar e entón xa nos aparece directamente no documento
Consellería de Educación, e cando poñemos o rato sobre o hiperenlace aparece
o seguinte: Facémolo e xa nos leva directamente a
esa dirección ou páxina.
E , coma case sempre, podemos cambiar o formato da letra, tamaño, tipo,
color... co botón dereito do rato no caso de ter escollido texto ou facendo un
dobre clic sobre a hiperligazón no caso da opción do botón.
Isto tamén o podemos facer dende o botón do menú, máis sinxelo.



CABECEIRA/RODAPÉ
Aquí poñemos unha cabeceira ou encabezamento en todas as páxinas do
documento, é dicir, o mesmo texto en todas as follas. Se vai arriba é cabeceira e
se vai abaixo rodapé.



TÁBOA
Esta opción ofrece moitas posibilidades. Podemos inserir táboas de tres
maneiras:
1. Dende o menú inserir
2. Dende o menú Táboa.
3. Co botón Táboa

Primeiro escollemos o número de columnas e de filas que queremos para a
táboa.



E unha vez que a temos podemos seleccionar tipo de letra,tamaño, bordes,
eliminar ou poñer filas ou columnas...

Para inserir unha imaxe ou video facemos igual e o resultado é o seguinte:

OBXECTO


Aquí, entre outros obxectos, podemos inserir fórmulas matemáticas.

2
3+ =x −2,456345
5

FORMATO
Esta pestana serve para cambiar o tipo de letra, o tamaño, a separación entre os
parágrafos.... Tamén temos botóns de acceso rápido na barra de menús (sempre
que as teñamos activas en VER)

CARÁCTER

Podemos cambiar o tipo, tamaño, color... de letra ben no cadro FORMATO ou na
barra de menús cos botóns que teñamos visibles (ver e personalizar).
Neste caso temos que seleccionar o texto a cambiar co botón dereito do rato e
aplicarlle os cambios presionando os botóns:



Podemos escoller sangrías, aliñamento do texto á dereita, centrado ,
xustificado...(este parágrafo está aliñado á esquerda, non xustificado como o
resto)

NUMERACIÓN E VIÑETAS


Nesta pestana activamos a numeración e podemos escoller que sexa de só
viñetas, só de números ou en esquema (combinados). Esta opción, ademais de
combinar números, letras e viñetas, permite que haxa unha xerarquía entre os
elementos (esquema numerado).
Cliclamos en esquema e logo en posición para establecer a orde e posición de
cada un dos niveis do esquema

Tamén o podemos facer dende opcións ou mesmo dende o botón da barra de
menús. Nese botón escollemos se queremos activar números ou viñetas, pero
non temos tantas opcións. É un recurso máis sinxelo,

Por exemplo:

1. Semana
a) Días
• Luns

PÁXINA



Escollemos a orientación: vertical ou horizontal (apaisada) e os límites da páxina
nos catro sentidos.

TÁBOA (Vid. INSERIR)

FERRAMENTAS


Titorial writer de libreoffice

More Related Content

Similar to Titorial writer de libreoffice

More from Beatriz GM

Titorial writer de libreoffice