2. Եղիշե Չարենցի տուն-թանգարան, հիմնադրվել է 1964 թվականին՝
20-րդ դարի հայ անվանի բանաստեղծ Եղիշե Չարենցի` Երևանում
1935-1937 թվականներին ապրած բնակարանում: Բացվել է 1975
թվականի հունվարին: 1987 թվականին Չարենցի ծննդյան 90-ամյա
հոբելյանի առթիվ շենքը ենթարկվեց մասնակի փոփոխության և
Հայաստանի կառավարության որոշմամբ թանգարանի տարածքն
ընդլայնվեց: Չարենցի տուն-թանգարանում հավաքված են
չարենցյան շուրջ 5300 անձնական իրեր, ցուցանմուշների
ընդհանուր թիվն անցնում է 15000-ից։
Այսօր թանգարանն ընդգրկում է 626,3 քմ տարածք, վերականգնված
է մեմորիալ (հուշատուն) մասը, իսկ մյուս երեք հարկաբաժինները
զբաղեցնում է հիմնական ցուցադրությունը:
Եղիշե Չարենցի տուն-թանգարանը բանաստեղծի կյանքի, գրական-
մշակութային, հասարակական-քաղաքական գործունեության
ուսումնասիրության գիտական կենտրոն է: Թանգարանում
պահում-պահպանվում և ցուցադրվում են բանաստեղծից մեզ
հասած մասունքներ` անձնական իրեր, ձեռագրեր, փաստաթղթեր,
գրքեր, լուսանկարներ, նյութեր, կապված Չարենց մարդու,
քաղաքացու, մեծ բանաստեղծի, թարգմանչի, հրատարակչի հետ։
Վերականգնված է բանաստեղծի աշխատասենյակը։
3.
4. Երեք սրահներում ներկայացված է նրա կյանքն ու
ստեղծագործությունը։ Գործում է «Չարենցը
կերպարվեստում» մշտական ցուցահանդես։
Թանգարանն իր հիմնական առաքելությունից բացի
կազմակերպում է ցուցահանդեսներ, գրական-
երաժշտական երեկոներ, դասախոսություններ,
թեմատիկ դասեր, համերգներ, հանդիպումներ,
շնորհանդեսներ, պոեզիայի օրեր, փառատոներ,
չարենցյան ընթերցումներ և այլն։ Չարենցի տուն-
թանգարանը համայն հայության ամենանվիրական
վայրերից է։
Բանաստեղծի 80-ամյա հոբելյանի առթիվ Չարենցի
տուն-թանգարանի ցուցասրահներից Չարենցի տուն-
թանգարանը մշտական գործող հուշասրահ է բացել
նաև Չարենցավան քաղաքում։
Թանգարանը գտնվում է Երևանի Մաշտոցի
պողոտայի թիվ 17 շենքում։