Марий муро аршаш

1. «Кидшер»этнокультурный сайт
Марий муро
аршаш
2014 ий

2. Лач тыйым вел вучем...
Мутшо: Марина Кириллован
Семже: Марина Кириллован
1. Шошо пагыт илышым пуа,
Мыйын ойгым шошо вел пала,
Кок ийлан торашке каенат
Да чонем пырля наҥгаенат,
ПРИПЕВ: Лач тыйым вел вучем
Лач тыйын верч илем
Шинча вӱдемым ӱштыл алын
Ончыко ончем…
2. Толеш тора гыч, волгыдо увер,
«Вучо мыйым, тыйым йӧратем»,
Кок шомак чонем волгалтара
Да шӱмемже угыч муралта…
ПРИПЕВ: Лач тыйым вел вучем
Лач тыйын верч илем
Шинча вӱдемым ӱштыл алын
Ончыко ончем…
3. Ал пеледыш мыйын кидыштем,
Шыргыжалын ончылнем шогет
Кок ий эртыш, ой кузе ала,
Лийына ынде эре пырля…
ПРИПЕВ: Лач тыйым вел вучем
Лач тыйын верч илем
Шинча вӱдемым ӱштыл алын
Ончыко ончем, Чыла чытен сеҥем.

3. Ош висвис
Мутшо: Зинаида Волкован
Семже: палыдыме авторын
Мура: Лилия Петухова
1. Ош висвисым погалтен
Коштам мые сер воктен.
Эн моторжым ойырен,
Чыла тылат пӧлеклем.
ПРИПЕВ: Ончал, ончал ӱмбакем,
Ош пеледыш – вуйыштем.
Ош пеледыш вуйыштем,
Тые улат ушыштем.
Ончал, таҥем, ӱмбакем,
Шем шоптыр гай шинчашкем –
Уло йӧратымашем
Чыла тылат пӧлеклем.
2. Шарналташет, сай таҥем,
Ош висвисым пӧлеклем
Ош висвис гай мужыран
Лийына ме пиалан.
ПРИПЕВ ТУДАК.
3. Йогын вӱдым эскерен
Шинчена ме сер воктен.
Пуйто кече шыргыжеш,
Йогын вӱдшӧ йогалеш
ПРИПЕВ ТУДАК.
-4-

4. Шочмо кече
Мутшо: Лидия Платунова
Семже: Лидия Платунова
Мура: Лариса Сидоркина
1. Ночко шыжым але мотор шошым,
Але сылне чевер кеҥежеш,
Але телым, пораналтын ошын,
Шочмо кече тыйын логалеш.
2. Уна-влакет порынрак ончалын,
Подыл колто иктӧр мӱй пурам.
Шочмо кече кондыжо пиалым
Тыланет. Мый Юмо деч йодам.
ПРИПЕВ: Шочмо кече, тыйын шочмо кече,
Шочмо кече — тиде сай пайрем.
Шочмо кече! Тыланетше лӱмын
Йоҥгалтеш пӧлеклан ты мурем.
3. Таче пайреметлан погыненыт
Вучымо да шергакан унат.
Уло чон ден пӧлеклаш конденыт,
Шӱм-чон дене саламлаш шонат.
4. Шергалтеш ял мучко пайрем муро,
Гармонет ял марте куштыкта.
Тау веле тыгай пайрем уло,
Шӱм чонеш куаным ылыжта.
ПРИПЕВ ТУДАК.
-5-

5. Йылдыр-йылдыр
Мутшо: калыкын
Семже: калыкын
Мура: Марина Садова
1. Йылдыр-йылдыр вӱд йогалеш
Вӱд почеш саламже тек толеш.
Вӱд почеш саламжым колтымеке,
Толын ужын каяш гын, мо лиеш?
2. Уремда мучко мардеж пуалеш,
Тулжо кузе йӱлалеш.
Мыйже муралтен колтем гынже,
Тыланда кузе чӱчалеш?
3. Йӧратыме муремже мыйын кумыт уло.
Кумытшымат тыланда муралтышаш.
Иктыжым — кукулан, весыжым шӱшпыклан
кумышыжым — тыланда родем-шамыч.
4. Шере памашын шере вӱдшым
Эреак йӱымак вел шуэш.
Тыгай сае родо-влак
Эреак толдалалме вел шуэш.
5. Тыште лиеш муралташ,
Тыште лиеш кушталташ,
Тыште уло мыйын шуко йолташ,
Тыште лиеш муралташ,
Тыште лиеш кушталташ
Тыште мылам нигӧ деч вожылаш.
-6-

6. Йӧраталме таҥем
Мутшо: Константин Зайнетдиновын
Семже: Константин Зайнетдиновын
1. Кушто улат тый, таҥем?
Тыйым вел мый шонем.
Мом ышташ, куш пураш?
Кодеш лач ойгыраш.
ПРИПЕВ: Куэ гай кап-кылет,
Ныжылге ошкылмет -
Эреак шинчаштем,
Йӧраталме таҥем.
2. Омо денат мый ужам
Эре тыйым, таҥем.
Йӱкетат мый колам,
Сылне ший оҥгырем.
ПРИПЕВ: Куэ гай кап-кылет,
Ныжылге ошкылмет -
Эреак шинчаштем,
Йӧраталме таҥем.
3. Ӱшанем, толеш жап,
Me тунам адакат
Вашлийына ӱмыреш
Курымлан... Курымеш.
ПРИПЕВ: Куэ гай кап-кылет,
Ныжылге ошкылмет -
Эреак шинчаштем,
Йӧраталме таҥем.
-7-

7. Ах, шовырем!
Мутшо: Альбертина Иванован
Семже: Вениамин Захаровын
Мура: Татьяна Денисова
1. Шовырым чием — тылат ок келше,
Шовычым пидам - от кой шыман.
Ший алгамын чылдыр-чылдыр семже
Йӱкет гае чытырна, ит ман,
Ах, тый ит ман,
Ит ман.
2. Ваштареш шогалын тавалтем гын,
Вуйым шупшын ӧрканен лектат.
Тиде йолташем ден мом ыштем гын?
Пырыс ок коч койшыжым, товат!
ПРИПЕВ: Ах, шовырем, ах, шовырем,
Тӱрлен-тӱрлен, кодалын йӱд омем.
Кунар йоген шинчавӱдем,
Лач тый палет, сӱанлык шовырем.
3. Тошто йолташемым ом сӧрвале,
Муралтем, вес чоным савырен.
Кидпӱан гыч у йолташым нальым,
Тый корнем ит шогылт авырен!
ПРИПЕВ: Ах, шовырем, ах, шовырем,
Тӱрлен-тӱрлен, кодалын йӱд омем.
Кунар йоген шинчавӱдем,
Лач тый палет, сӱанлык шовырем.
4. Шовырым чием — келша таҥемлан,
Ончалам вел — шыргыжал мошта.
А мондалтше тошто йолташемже
Тек йомакым весылан колта!
ПРИПЕВ: Ах, шовырем, ах, шовырем,
Тӱрлен-тӱрлен, кодалын йӱд омем.
Кунар йоген шинчавӱдем,
Лач тый палет, сӱанлык шовырем.
-8-

8. Кузе мый тыйым йӧратем
Мутшо: Альбертина Иванован
Семже: Вениамин Захаровын
1. Кузе мый тыйым йӧратем
О шӱмбелем, о моторем
Вашлийын шӱм чонем йыма
Тӱрвем шижеш тул гай ӱмат.
2. Тый маке гай улат шыма
Тый роза гай улат ӱман
Но лач тыгай мылам кӱлат
Нигӧ нимом ок шу тылат.
Тый маке гай улат шыма
Тый роза гай улат ӱман
Но лач тыгай мылам кӱлат
Эн шерге еҥ мылам улат.
3. Кузе мый тыйым йӧратем
Пелен улметлан йывыртем
Лӱмет ойлен мый кынелам
Лӱмет ойлен малаш возам.
Лӱҥгалтыш гае кумылет
То ойгырет, то куанет
Лупсан шинчатым шупшалам
Да шыргыжат адак мылам.
4. О, тылзе волгыдышто
Тыйын вожылалше шинча ончалтышетым ужам.
Тудо ушым колта, тӱням мондыкта.
Ныжылге, юалге парнятым шупшалам -
Пиалемлан ом ӱшане,
Омеш кончет, але илышын пӧлекше улат?
5. Тек сылне йыгыр шӱдырна
Огеш чӱкталт лач йӱкетлан
Йӱлате курым курымеш
Мемнан яндар пиал лӱмеш.
Тек сылне йыгыр шӱдырна
Огеш чӱкталт лач йӱкетлан
О шӱмбелем, о моторем
Кузе мый тыйым йӧратем.
-9-

9. Йомдарыме шӱлыш
Мутшо: Володя Матвеевын
Семже: Володя Матвеевын
Мура: Володя Матвеев
1. Кунам уэш кастене тый лектат?
Йӱр шинчавӱд ден сусыртен чонем,
Толеш тек шӱлык шӱмышкем адак,
Но ӱшанен, лекметымак вучем.
ПРИПЕВ: Омеш кончет, улат тый ош суксем,
Но шыргыжметлан весе куана.
Тек лийже мыйын шӱдӧ сулыкем,
Садак чонем кавашке чоҥешта.
2. Мый титаклаш ом тошт ош йӱдымат,
Кунам чоннам ушен ме шортынна.
Велале кочо чинчыжым тылзат –
Чылт кӧраненак шорто мыланна.
ПРИПЕВ: Омеш кончет, улат тый ош суксем,
Но шыргыжметлан весе куана.
Тек лийже мыйын шӱдӧ сулыкем,
Садак чонем кавашке чоҥешта.
3. Но жап эртен... Тый ӧпкелен шортат,
Тӱрветын тамже кочо мыланем.
Молан тунам орадым ужынат,
Но ужын отыл кошкышо чонем.
ПРИПЕВ: Омеш кончет, улат тый ош суксем,
Но шыргыжметлан весе куана.
Тек лийже мыйын шӱдӧ сулыкем,
Садак чонем кавашке чоҥешта.
-10-

10. Мурем мый уло йӱкын...
Мутшо: Володя Матвеевын Семже: Артур Ефремовын
Мурат: Володя Матвеев, Лилия Петухова, Артур Ефремов, Эльвира Трифонова,
Анатолий Зарецких
1. Мурем мый уло йӱкын,
Тек муро чоҥешта каваш.
Вет тарвата чон лукым,
Луктеш куаным шукым
Пиал ден темше сем аршаш.
ПРИПЕВ: Мӧҥгыштӧ я пашаште,
Лишыл корно я тораште -
Сылне марий мурым муралтал.
Муро шулдырет шаралте
Чоным почын тый муралте
Сылне ош тӱнялан йывыртал.
2. Мурем мый чоным почын,
Тек муро чоҥешта тораш.
Колтет гын, шӱм чон гочын,
Кертшеш сай муро шочын,
Да весела лиеш илаш.
ПРИПЕВ ТУДАК.
3. Мурена ме ик йӱк дене,
Тек мурына йоҥга йырваш.
Я ныжылге эрдене,
Я тымык шып кастене
Чондам вӱчка куан аршаш.
ПРИПЕВ ТУДАК.
-11-

11. Кече лектеш ончалеш
Мутшо: калыкын
Семже: калыкын
Мура: Эльвира Токташева
1. Кече лектеш, ончалеш,
Мардеж лектеш, пуалеш.
Канде тӱран носовикем кошкалеш.
Эрта, эрта ӱмырем,
Кодеш, кодеш кумылем,
Уке мыйын йöратыме йолташем.
2. Эх, йолташем, капка ончык лектын,
Канде тӱран носовикет рӱзен ит шого.
Тыйын весе уло гын,
Мыйынат лийын кертеш,
Тыйын верчын чонжо йӱла манын ит шоно.
3. Тый олмапум шындышыч -
Мые вӱдым оптышым,
Ик олмажым налам гынат, тый сырен от керт.
Мый тый денет келшышым,
Тый весе ден кайышыч,
Мый весе ден каем гынат, тый сырен от керт.
-12-

12. Канде шинча
Мутшо: Николай Егоровын
Семже: Иван Ванюковын
Мура: Надин
Мура: Эльвира Трифонова
1. Канде шинчам йӧратем,
Василёк гаяк чевер.
Кунам тудым вашлиям
Пелед кая йырым-ваш.
ПРИПЕВ: Канде шинча, молан
Мыйын шӱм ден модат?
Молан тые ойлет
«Йӧратем, йӧратем!»
А вет шкеже кает
Весе дене вашлияш.
А вет шкеже кает
Весе дене вашлияш.
2. «Тый денет пеш весела», -
Канде шинча каласа.-
«Тыйже мыйым кудалтен,
Весе дек кает адак».
ПРИПЕВ ТУДАК
3. Лыжган-лыжган тый ойлет,
Йӱкет тыйын кӱсле гай.
Тыйже мыйын пиалем
Весылан пуэт ала?
ПРИПЕВ ТУДАК
-13-

13. Вучем пӧртылметым
Мутшо: Михаил Гордеевын
Семже: Михаил Гордеевын
Мура: Эльвира Трифонова
1. Кок шӱм йӧрата, изи кайыкла модын,
Пырля юарлат, а коклан ойырлат.
Тый пале, таҥем, чонетлан йӧсӧ годым
Сортам мый чӱктем, шонен порым тылат.
ПРИПЕВ: Вучем пӧртылметым. Торашке кает гын,
Лектам ваштареш куанен, йывыртен,
Вучем вургыжал, йӧратен ончалметым,
Шыман ӧндалметым вучем.
2. Кеч йӱдым толат — лектам ваштареш мый,
Вараш кодынат гын, мый жапым чарем.
Йӱкетым колам -ырыкта пиал портым,
Шыматыше мутым вучем тый дечет.
ПРИПЕВ: Вучем пӧртылметым. Торашке кает гын,
Лектам ваштареш куанен, йывыртен,
Вучем вургыжал, йӧратен ончалметым,
Шыман ӧндалметым вучем.
3. Палем, ӧрмалгет каласаш чоным почын,
Шонет, шӱм корнем петырен тыланет.
Тый йӧным кычал, почаш тиде корным,
Тӱняште лач тый кӱлат мыланем.
-14-

14. Ой, таҥем, таҥем
Мутшо: Валерий Платуновын
Семже: Валерий Платуновын
Мура: Артур Ефремов
1. Кава ӱмбак пычкемыш йӱд вола,
Лыплана тораште йӱк-йӱан.
Кастене таче мый коштам эҥер воктен.
Да толметым вучем мый адакат.
ПРИПЕВ: Ой, таҥем, таҥем,
Вучем лач иктым тыйым,
Шинчашкем ончалаш мый йодам.
Воштылальыч тый,
Шинчам пӱальыч тый,
Мый, куанен, эҥер воктек куржам.
2. Кастене таче коктын вашлийна.
Чевергалеш олма гай чуриет.
Ваш-ваш шинчаш ончен ме шогена.
Да тылзе шып-шып эркын воштылеш.
ПРИПЕВ: Ой, таҥем, таҥем,
Вучем лач иктым тыйым,
Шинчашкем ончалаш мый йодам.
Воштылальыч тый,
Шинчам пӱальыч тый,
Мый, куанен, эҥер воктек куржам.
3. Вара манат: «Ончал-ян кӱшкӧ сайын,
Вет тылзе пешак мӱндырнӧ коеш.
Но тудо — йӱштӧ теле кече гай, палет, -
Мыйын шӱмем гай огыл вет йӧршеш».
ПРИПЕВ: Ой, таҥем, таҥем,
Вучем лач иктым тыйым,
Шинчашкем ончалаш мый йодам.
Воштылальыч тый,
Шинчам пӱальыч тый,
Мый, куанен, эҥер воктек куржам.
-15-

15. Пиал дек кайме корно
Мутшо: палыдыме авторын
Семже: палыдыме авторын
Мура: Ирина Якава
1. Пиал дек кайыме корно
Чынак вет - йыжыҥан.
Мый тыйым вучен омыл,
Мый весым вученам.
2. Но весе толын огыл,
Тый веле толынат.
Да мыйын ӱдыр чоным
Йӧршешлан налынат.
3. Лыжга мардеж гай огыл,
Тӱтанла ончыкем
Шогальыч тые толын,
Шӱм-чоным тарватен.
4. Пиал дек кайыме корно
Чынак вет йыжыҥан.
Мый тыйым вучен омыл,
Мый весым вученам.
-16-

16. Снеге там
Мутшо: Михаил Кузнецовын
Семже: Михаил Кузнецовын
Мура: “Вената” дуэт
1. Олыкеш, шӱм-чоным ырыктен,
Снеге угыч пеледале.
Ончалам, трук шижын шарналтем
Тудын тутло тамжым тӱрвыштем.
ПРИПЕВ: А кӱшыч кече шыргыжеш,
Чодыраш да олыкыш ӱжеш.
Ах, снеге там, ах тутло снеге там,
Кунам мый тыйым шупшалам?
2. Тый шарнет, пиал дечын шулен,
Кодшо ийын кеҥеж кечын
Пукшенам мый тыйым снеге ден,
Олыкышто воштылын, мурен.
ПРИПЕВ: А кӱшыч кече шыргыжеш,
Чодыраш да олыкыш ӱжеш.
Ах, снеге там, ах тутло снеге там,
Кунам мый тыйым шупшалам?
-17-

17. Шупшалалтме там
Мутшо: Татьяна Пчёлкинан
Семже: Влад Николаевын
Мура: Эльвира Попова
1. Тамлын-тамлын шупшалалтна коктын
Шыматальич ыш уж нигӧат.
Кеч огеш коч ойго кумылетым тодын
Йӧратем гын тыйым мом ышташ?
Кеч огеш коч ойго кумылетым тодын
Йӧратем гын тыйым мом ышташ?
2. А шылташ ом шоно пиалемым
Лийын огыл тудо ӱмылем.
Мый тунам шым шоно перегаш алемым
Тылат лие ӱдыр кумылем.
Мый тунам шым шоно перегаш алемым
Тылат лие ӱдыр кумылем.
3. Шӱм-чонемже шолшо йӧсланалын
Нигунам ом мондо кумылем
Пагалем тачат мый шупшалалтме таҥым
Кеч эрталын тудо пагытем.
Пагалем тачат мый шупшалалтме таҥым
Кеч эрталын тудо пагытем.
4. Тамлын-тамлын шупшалалтна коктын
Шыматальич ыш уж нигӧат.
Кеч огеш коч ойго кумылетым тодын
Йӧратем гын тыйым мом ышташ?
Кеч огеш коч ойго кумылетым тодын
Йӧратем гын тыйым мом ышташ?
-18-

18. Тылат мурем
Мутшо: Сергей Якимовын
Семже: Сергей Якимовын
Мура: Володя Матвеев
1. Йолташем, шӱмбелем,
Йöраталтме сай таҥем,
Тыланет мый мурым пӧлеклем.
Пеш тора улат гынат,
Тый декет шуам садак.
Шуам садак!
2. Йолташем, шӱмбелем,
Йöраталтме сай таҥем,
Тыланет мый мурым пӧлеклем.
Пеш тора улат гынат,
Тый декет шуам садак.
Шуам садак!
ПРИПЕВ: Пӧлеклем эн ныжыл семым,
Пӧлеклем тылат мурем,
Эр кавасе шӱдыр семын
Волгалтаре тый корнем.
3. Лай мардежла шыматет,
Ончалмет ден когартет –
Санденак дыр тыйым йӧратем.
Чоҥештен мийынем,
Чон шокшем ден ӧндалнем…
Тылат мурем!
ПРИПЕВ: Пӧлеклем эн ныжыл семым,
Пӧлеклем тылат мурем,
Эр кавасе шӱдыр семын
Волгалтаре тый корнем.
-19-

19. Букет
Мутшо: Михаил Казаковын
Семже: Вениамин Ивановын
Мура: “Вената» дуэт
1. Ӱяк-мӱяк ӱпшалтеш
Пӱтынь олык кумдыкеш.
Ончалат гын, шинчатлан
Шыри-вури вел коеш.
ПРИПЕВ: Канде, пелганде
Ошо, нарынче,
Йошкарге, кына -
Сылне олыкна.
2. Пеш сӧрале олыкеш,
Тӱрлын ызгыме йӱкеш
Ме букетым погена,
Модын-воштыл каена.
ПРИПЕВ: Канде, пелганде
Ошо, нарынче,
Йошкарге, кына -
Сылне олыкна.
3. Ме букетым погена,
Вуйшӱдышым пидына,
Мӧҥгышкына кондена,
Авайлан пӧлеклена.
ПРИПЕВ: Канде, пелганде
Ошо, нарынче,
Йошкарге, кына -
Сылне олыкна.
-20-

20. Муро пиал
Мутшо: Алёна Яковлеван
Семже: Алёна Яковлеван
Мура: Надежда Пашкина
1. Ончалтышет — кумда сандалык,
Пеледше шошо, чинче ӱжара.
Тыгайым лач шӱмем кычалын,
садлан дыр пеленет чонем ыра.
2. Ончалтышет — эн ныжыл муро,
Ласкаҥше йӱр, пӱртӱсын юзо сем.
Илышышкем йоддеак пуро -
Тыгайым иктым шукертсек вучем.
ПРИПЕВ: Тӱня мура пиал ден темше мурым,
Шӱмем кыра улат да пеленем.
Лияш пырля товатле шӱдӧ курым
Тылат кӧра тӱняште илынем.
3. Ончалтышет — возалтше серыш,
Мут деч посна мый кумылет лудам.
Йӱд савырна волгалтше эрыш,
Кунам тыматлын шыргыжат мылам.
4. Ончалтышет — ал кечын ямже,
Ужам да шӱлыкем тӱрветын тамжым,
Шижде муэш тӱрветын тамжым,
Да тек чоннам тулото авалта.
-21-

21. Марий такмак-влак
Мутшо: калыкын
Семже: Валерий Петуховын
Мура: Лилия Петухова
1. Мый муралташ йӧралтем, мый кушталташ йӧралтем,
Мый муралташ йӧралтем, мый кушталташ йӧралтем.
Мый весела ӱдыр улам, веселитлаш йӧратем,
Мый весела ӱдыр улам, веселитлаш йӧратем.
Йӧратем йӧратем, веселитлаш йӧратем!
Йӧратем йӧратем, веселитлаш йӧратем!
2. Шоненамак вученамак, шошым садым шындылаш,
Шоненамак вученамак, шошым садым шындылаш.
Шоненамак вученамак, тышан шогал муралташ,
Шоненамак вученамак, тышан шогал муралташ.
Муралташ муралташ тышан шогал муралташ!
Муралташ муралташ тышан шогал муралташ!
3. Изи вӱдшӧ йогалеш да, шонжо угеж шонет мо,
Изи вӱдшӧ йогалеш да, шонжо угеж шонет мо.
Капем изиш шем улам да, таҥем уке шонет мо,
Капем изиш шем улам да, таҥем уке шонет мо.
Шонет мо , шонет мо, таҥем уке шонет мо!
Шонет мо , шонет мо, таҥем уке шонет мо!
4. Олыкысо ужар шудо, ой могай сай солалташ,
Олыкысо ужар шудо ой, могай сай солалташ.
Тыгай сылне семже почеш, ой могай сай тавалташ,
Тыгай сылне семже почеш, ой могай сай тавалташ.
Тавалташ тавалташ, ой могай сай тавалташ!
Тавалташ тавалташ, ой могай сай тавалташ!
5. Ош мераҥлан каласыза, шопкем нултен ынже кошт,
Ош мераҥлан каласыза, шопкем нултен ынже кошт.
Шинчаш ончен каласыза, шем гай чойлен ида кошт,
Шинчаш ончен каласыза, шем гай чойлен ида кошт.
Ида кошт, ида кошт, шем гай чойлен ида кошт!
Ида кошт, ида кошт, шем гай чойлен ида кошт!
6. Пален лийза , шарнен илза машинажын номержым!
Пален лийза, шарнен илза машинажын номержым!
Пален лийза, шарнен илза Морко ӱдырын койышыжым!
Пален лийза, шарнен илза Морко ӱдырын койышыжым!
Койышыжым, койышыжым, Морко ӱдырын койышыжым!
Койышыжым, койышыжым, Морко ӱдырын койышыжым!
-22-

22. Илышлан шыргыжам
Мутшо: Вера Гордееван
Семже: Алёна Яковлеван
Мура: Алёна Яковлева
1. Кайык шулдырым кучен,
Чоҥештен толеш эр шошо.
Ныжыл кумылым нӧлтен
Ылыжеш ӱшан.
Шошо сем почеш мурен,
Кечыжат ончале шокшын
Пӧрт окнаште пералташ
Волгыдо куан.
ПРИПЕВ: У кечылан шыман шинчам пӱялын,
Пеледше эр садерышке куржам.
Ал ӱжара деч вий куатым налын,
Ты илышлан тыматлын шыргыжам.
2. Помыжалтым лум йымач
Шыпак тарвана пеледыш.
Тамле омо ужмо вач
Вожыл чӱчкалта.
Кечыйол кавам шупшал,
Мунчалтен куржеш садерыш.
Тудын порыжым тый нал,
Кумылым нӧлта.
3. Турият яндар кавам темен,
Ямле мурыжым шуялын.
Тӱнялан пӱртӱс тыге сӧрен,
Эр эрден кондаш пиалым
-23-

23. Кок пушеҥге
Мутшо: Дина Рычкован
Семже: Эльвира Краснован
Мура: Любовь Купцольцева
1. Тура серан эҥер воктене
ме кок, пушеҥге, шогена.
Тый — пӱнчӧ, пеҥгыде вож дене
А мый — куэ, чатка гына.
ПРИПЕВ: Кок пушеҥге, кок пушеҥге...
Ну, кузе тыге илаш?
Кок пушеҥге, кок пушенге -
Ок лий йыгыре илаш.
2. Укшнам таен вӱд толкын велке,
Мокочак кид ден шунена.
Шыман ончалын коктын веле,
Ойган шӱмнам семалена
3. Ну, чу, азап! Ок шуу киднаже -
Ташлен, кугу вӱд погына.
Ме ӱмыр йогын серлаште
Лач кок пушеҥге улына
-24-

24. Шергакан таҥем
Мутшо: Ю. Юсаеван
Семже: М. Петровын
Мура: Роза Искакова
1. Мӱндырчын, ола гыч, толын
Шергакан йолташем мыйын,
Изи шӱмем ок лыплане -
Каласаш ок лий.
Кече мучко вургыжланен,
Кастен лектын вашлиймашке,
Йолташемлан поро мутым
Ойлыде ок лий.
ПРИПЕВ: «Тольыч, тольыч шергакан таҥем!
Вашлиймашке мый адак вашкем,
Курымешлан тый пеленемак лий,
Тый дечет посна ончыкыжо илашат ок лий».
2. Ош Виче вӱд воктене лектын
Коштна, кидым ваш кучалын.
Нур ӱмбалне изи куку ӱмырлан сӧрен.
Кайык мурым шып колыштна,
Ваш йӧраташ мутым пуышна,
Да уэш чонемым почын
Ныжылгын мурем.
ПРИПЕВ ТУДАК.
3. Ынде толын вет шӱмелем,
Лиеш тудо мыйын пеленем.
Уло чон ден йӧраталын
Илаш мый чонем.
Тудын мутшым колышталын,
Ик оян эре лиялын,
Илыш корным сӧрастараш
Тудым вел вучем.
ПРИПЕВ ТУДАК
-25-

25. ВУЙЛЫМАШ
• Лач тыйым вел вучем...........................................................................................3
• Ош висвис...............................................................................................................4
• Шочмо кече.............................................................................................................5
• Йылдыр-йылдыр...................................................................................................6
• Йӧраталме таҥем...................................................................................................7
• Ах, шовырем...........................................................................................................8
• Кузе мый тыйым йӧратем....................................................................................9
• Йомдарыме шӱлыш............................................................................................10
• Мурем мый уло йӱкын.......................................................................................11
• Кече лектеш ончалеш..........................................................................................12
• Канде шинча.........................................................................................................13
• Вучем пӧртылметым...........................................................................................14
• Ой, таҥем, таҥем..................................................................................................15
• Пиал дек кайме корно.........................................................................................16
• Снеге там...............................................................................................................17
• Шупшалалтме там..............................................................................................18
• Тылат мурем.........................................................................................................19
• Букет.......................................................................................................................20
• Муро пиал.............................................................................................................21
• Марий такмак-влак............................................................................................22
• Илышлан шыргыжам........................................................................................23
• Кок пушеҥге.........................................................................................................24
• Шергакан таҥем..................................................................................................25

26. Редактор
Николай Любимов
Технический редактор
Владимир Виногоров