Unidade didáctica integrada pra o segundo e terceiro nivel de Educación Primaria do CEIP de Viñagrande Deiro

1. RESCATA O PLANETA DEIRO UNIDADE DIDÁCTICA
2º e 3º EDUCACIÓN PRIMARIA
ORGANIZACIÓN PROXECTO “PLANETA DEIRO”
Xustificación:
Este proxecto nace da necesidade de mostrar ás novas xeracións os perigos do
comportamento do ser humano sobre o noso planeta. Dada a velocidade coa que
estamos estropeando o noso planeta, é necesario máis que nunca que os nenos e
nenas coñezan e sexan capaces de desenvolver un conxunto de medidas en favor
do medio ambiente.
A necesidade dun ensino significativo lévanos a centrar este proxecto na nosa
contorna (parroquia, concello, colexio e nas casas do noso alumnado). Que
podemos facer?
Nun primeiro momento é necesario coñecer as fontes de enerxía que existen
(renovables e non renovables) para que o alumnado sexa coñecedor do excesivo
consumo enerxético que temos os seres humanos. Cales son as fontes de enerxía
que consumimos?, Como son?, De onde saen?, Que provoca na natureza o seu
consumo?... son preguntas ás que temos que darlle resposta para continuar no
estudo e coñecemento doutras fontes de enerxía máis limpas (as renovables).
A partires deste coñecemento, o alumnado debera ser capaz de elaborar un
documental gráfico (texto, imaxe e son) no que describa como estas fontes de
enerxía perxudican ou benefician o coidado do medio ambiente. Para iso, vai ser
necesario percorrer distintos lugares da nosa parroquia onde se poida percibir o
uso desa enerxía e as súas consecuencias ou beneficios.
Pero non debemos quedarnos unicamente nas fontes de enerxía, tamén deberemos
centrarnos nas empresas e maquinaria que usamos a diario e que produce
contaminación. Na nosa contorna poderemos topar con moitas realidades das que
podemos aprender e ser conscientes que outro modelo enerxético é necesario.
Para iso, poderemos realizar distintas actividades (escritos ao concello, ás familias,
á dirección do centro e a empresas da contorna) nas que sexamos quen de mostrar
e solicitar melloras no uso e consumo enerxético en lugares moi cercanos ao
alumnado (carteis, códigos qr, cartas, ...). O produto final deste apartado será
sinalar os puntos nun mapa (xeolocalización) nos que se está consumindo enerxía
non renovable, efectos e consecuencias, lugares contaminados, malos
comportamentos do ser humano (non reciclar)...
E cales son as consecuencias dos comportamentos do ser humano en relación coa
natureza? Debemos estudalas, mostralas aos demais e aportar solucións. É por iso

2. RESCATA O PLANETA DEIRO UNIDADE DIDÁCTICA
2º e 3º EDUCACIÓN PRIMARIA
polo que queremos que o alumnado sexa o protagonista do cambio nos
comportamentos en relación coa natureza nos ambientes nos que vive (colexio,
casa, parroquia, concello e outros lugares). Para facelo, pensamos que será
necesario varias actuacións:
- No colexio: Conseguir diñeiro para mercar papeleiras para poder reciclar
nas aulas e no patio. Actividades de reciclaxe, de reutilización, de redución
do consumo e de recuperación.
- Nas casas: Elaborar un decálogo de boas condutas no fogar para un mellor
comportamento co medio ambiente.
- Na parroquia e no concello: Cartas-denuncia, carteis para as empresas e
negocios, xeolocalización de lugares mal coidados ou contaminados...
TAREFA 1: COÑECEMENTO DOS DIFERENTES TIPOS DE ENERXÍA
PRODUTO: DOCUMENTAL (VIDEOS)
ACTIVIDADES:
- Saída á contorna na que se poida ver o uso dos distintos tipos de enerxía
- Elaboración de textos explicativos sobre cada un dos tipos de enerxía.
- Gravar audios deses textos explicativos.
- Fotografar realidades cotiás nas que consumimos enerxía: petróleo, gas,
electricidade, carbón...
- Fotografar as consecuencias dese consumo: aire contaminado, auga,
bosques, ...
- Actividades de reutilización e creación de xogos con material de refugallo.
- Visionado de varios documentais sobre os efectos do consumo de enerxías
non renovables e dos malos comportamentos coa natureza.
- Pensar no guión que terá o documental. Como plasmar eses coñecementos e
esas realidades nun vídeo que denuncie e ensine os efectos e características
do uso de enerxías renovables e non renovables. Entrevistas, vídeos,
fotografías, textos, audios, música...etc.
- Ver o documental HOME e outros relacionados.
TAREFA 2: XEOLOCALIZACIÓN DENUNCIA DE LUGARES, REALIDADES,
PAISAXES, MÁQUINAS, COMPORTAMENTOS QUE NON RESPECTAN O MEDIO
AMBIENTE.

3. RESCATA O PLANETA DEIRO UNIDADE DIDÁCTICA
2º e 3º EDUCACIÓN PRIMARIA
PRODUTO: MAPAS REAL E VIRTUAL CON CARTELES DESCRITIVOS DO QUE ESTÁ
PASANDO EN DETERMINADOS LUGARES. NO MAPA REAL DEBEREMOS ENGADIR
O CARTEL E O CÓDIGO QR QUE NOS PERMITA VISITAR ESA DESCRICIÓN ONLINE.
ACTIVIDADES:
- Buscar e fotografíar eses lugares, condutas, máquinas...
- Elaborar os carteis descritivos coa denuncia oportuna.
- Colgalos en internet e elaborar os códigos qr.
- Facer un mapa físco e outro online no que o alumnado describa a través dun
vídeo o que está pasando nesas realidades dignas de denunciar. Inserir
imaxes e vídeos colgados en youtube.
- Escribir unha carta ao concello denunciando estas irregularidades.
TAREFA 3: ACTOS DO SER HUMANO COA NATUREZA, CONSECUENCIAS E
SOLUCIÓNS
PRODUTOS:
PARA A CASA: ELABORACIÓN DUN DECÁLOGO IMANTADO (PARA VENDER E
RECAUDAR FONDOS) CON ACCIÓNS QUE POIDAMOS FACER DENDE AS NOSAS
CASAS PARA CONSEGUIR UN ENTORNO MÁIS COIDADO E UN MAIOR RESPECTO
POLO MEDIO AMBIENTE
PARA O NOSO COLEXIO: RECAUDAR FONDOS PARA MELLORAR A RECICLAXE NO
NOSO CENTRO CO OBXECTIVO DE MERCAR MINICOLECTORES PARA AS AULAS E
PARA O PATIO.
Para iso será necesario poñernos en contacto con empresas como Sogama, coas
familias, concello... pala lograr financiación ou patrocinio.