Se trata de una presentación que resume el manual de programas internacionales de cooperación al desarrollo de Enxeñería Sen Fronteiras Galicia, con sus principios básicos

1. PROGRAMAS INTERNACIONAIS DE COOPERACIÓN AO DESENVOLVEMENTO. A PERSPECTIVA DE ESF. Enxeñería Sen Fronteiras Galicia MASTER DO AUGA. UDC.

3. GLOSARIO PROXECTO : conxunto de actividades interrelacionadas para ser levadas a cabo baixo unha xerencia unificada, a fin de lograr un obxectivo específico de relevancia, nun prazo previamente establecido e mediante a utilización de recursos predeterminados. PROGRAMAS INTERNACIONAIS DE COOPERACIÓN AO DESENVOLVEMENTO (PICD) : trátase de proxectos que se realizan noutros países con participación de ESF Galicia en tódolas etapas dos mesmos, para lograr unha serie de obxectivos de desenvolvemento definidos e medibles.

4. GLOSARIO ASISTENCIAS TÉCNICAS INTERNACIONAIS: trátase de proxectos que se realizan noutros países con participación de ESF Galicia no eido técnico nalgunha das etapas dos mesmos, para lograr unha serie de obxectivos de desenvolvemento definidos e medibles. CICLO DOS PROXECTOS: trátase dunha abstracción que pretende explicar as diferentes etapas que atravesan os proxectos dende o seu inicio ao seu remate, o que na metodoloxía do Marco Lóxico e outras empregadas tradicionalmente en cooperación para o desenvolvemento deron lugar a: Programación, Identificación, Deseño-Formulación, Execución e Seguemento, Avaliación e Peche. Esta última será na que se basee o presente manual.

5. Problema Focal : Baixa sinerxia dos PICD co resto de actividades da asociación. Causada por : - Inexistencia ou descoñecemento dos canais de comunicación entre as áreas - Funcións dos axentes non definidas ou pouco claras. - Insuficiente formación en Xestión de PICD. Estas causas pódense agrupar nunha imprecisión na definición interna e coñecemento do ciclo e metodoloxía do proxecto (xa que se isto se dera automáticamente se poderían definir funcións, estructura e canais de comunicación para abordalo). XUSTIFICACIÓN

6. PROMOVEMOS A TECNOLOXÍA PARA O DESENVOLVEMENTO HUMANO (TpDH). Entendemos a técnica dentro do entorno cultural, político, social, económico e ambiental en que se xera e non como un fenómeno illado ou neutro (integralidade). Incorporamos nas nosas accións técnicas e metodoloxías apropiadas (tanto no senso de apropiación como no senso de axeitadas) para non crear dependencias externas e cuestionamos o uso histórico da tecnoloxía nas relacións Norte-Sur, apostando por unha tecnoloxía que potencie a dignidade das persoas e respecte o medio ambiente. Nos PICD a TpDH é un principio básico, aplicable non só aos diferentes sectores de traballo de ESF Galicia en PICD ( acceso universal aos servizos básicos como auga, enerxía, TICs, alimentación, que cremos que é técnicamente posible e acadable ), senon tamén nas metodoloxías de traballo transversais da ONGD, o que se cristaliza especialmente na promoción das tecnoloxías de Software Libre e libre difusión do coñecemento (sempre que non atente contra a intimidade ou integridade das persoas). PRINCIPIOS DE ESF

7. PROMOVEMOS A EDUCACIÓN E INVESTIGACIÓN PARA O DESENVOLVEMENTO. Enxeñería Sen Fronteiras estudia as realidades onde leva a cabo a súa acción e xera coñecemento sobre a s alternativas para paliar as principais problemáticas. Os PICD deben ser ferramentas que xeneren reflexións de primeira man sobre as problemáticas que se pretenden solucionar , profundizando nas súas causas intrínsecas para poder atacalas de raíz , de xeito que non se convertan en meros parches. Ademais, é importantísimo a extracción de leccións aprendidas e a reflexión crítica continua nas estratexias de desenvolvemento nas que os PICD se enmarquen, xenerando retroalimentación, xa que se considera que non é o actual o modelo de desenvolvemento o máis axeitado para acadar un mundo máis xusto e solidario (a misión da organización). PRINCIPIOS DE ESF

8. CREEMOS NA PARTICIPACIÓN DOS AXENTES LOCAIS. Traballamos contando co protagonismo das copartes e comunidades locais, adaptando as intervencións no terreo ás peculiaridades culturais e aos ritmos que o desenvolvemento sustentable require. A cooperación debe ser solicitada, liderada e plenamente aceptada polas copartes e a poboación destinataria, a cal participa en todo o ciclo. No caso dos PICD este princip io debe aplicarse con especial coidado, xa que se trata de realidades externas á de ESF, para o cal debe procurarse a participación dos axentes locais en todo o ciclo dos programas. PRINCIPIOS DE ESF

9. TEMOS UNHA CONCEPCIÓN INTEGRAL DA COOPERACIÓN EXTERIOR. Identificamos os factores sociais, económicos, institucionais, técnicos, culturais, éticos, ambientais e políticos mediante equipos de traballo pluridisciplinares . Os plans de acción son, así, integrais, e perseguen efectos multiplicadores para garantir a súa continuidade unha vez rematada a cooperación exterior. Principio de aplicación a toda acción exterior, tanto PICDs como Asistencias Técnicas. PRINCIPIOS DE ESF

10. SOMOS UNHA ORGANIZACIÓN ACONFESIONAL, APARTIDISTA E POLITIZADA. Enxeñería Sen Fronteiras non está vencellada a partido político algún, nin asociación relixiosa, pero consideramos que a participación política da cidadanía e das organizacións é a principal vía para a transformación social e a busca da igualdade de oportunidades de desenvolvemento. No caso dos PICD isto ten grande relevancia, xa que se consegue información da realidade de primeira mano no entorno no que os PICD se desenvolven, o que debe xenerar respostas de incidencia política tanto no terreo ( neste caso necesariamente a través dos socios locais ou copartes ) como no Norte (mediante accións de incidencia, sensibilización, tanto propias de ESF Galicia como dentro de redes ou movementos aos que pertence). PRINCIPIOS DE ESF

11. CREEMOS NO ASOCIACIONISMO. Os membros de Enxeñería Sen Fronteiras non procuran protagonismo persoal na súa acción, non pretenden obter lucro económico ou profesional da mesma. ESF defínese coma unha organización participativa e democrática na que os distintos órganos de decisión son compostos por todos os membros. A xestión dos PICD está perfectamente vencellada ao organigrama da asociación para manter este principio de participación de tódolos membros da asociación na toma de decisións. Deste xeito, trátase de evitar as personalizacións e os protagonismos, así como prebendas ou recompensas persoais tanto no norte como no terreo, e promóvese a importancia da acción exemplarizante dos membros de ESF Galicia aínda máis se cabe nas accións internacionais , por ser a imaxe de ESF Galicia, pero tamén da cooperación galega e española. Ademais priorizarase a b ú squeda de sinerxias e traballo en rede con outros axentes tanto no terreo como en sede , que potencien o impacto dos PICD e a eficacia e eficiencia das accións. CONTRADOS COMO APOIO DOS VOLUNTARIOS E NON AO REVÉS??????????? PRINCIPIOS DE ESF

12. - Formulación realizada a nivel interno seguindo un proceso a nivel asociativo segundo o ritmo marcado pola propia asociación e grupos de PICD, así como das copartes e axentes locais, con tempo suficiente para madurar propostas, pero poñendo prazos límite. - Sistematización e estandarización das etapas do ciclo dos programas. - Prestar atención dentro da sistematización das etapas do ciclo aos aspectos transversais que den resposta aos principios e valores de ESF Galicia. - Introducir dentro da sistemática dos programas resultados e actividades específicas de EpD e sensibilización, tratando de xenerar sempre estudos e leccións aprendidas, así como materiais de EpD, como algo “natural” dos proxectos de ESF Galicia, e non simplemente baseándose en accións coxunturais ou puntuais. MELLORAS NOS PICD

13. - Converter o aspecto de comunicación e difusión en transversal nos programas, tanto como ferramenta para a transparencia como para dar a coñecer leccións aprendidas e problemas, e tamén como elemento de transformación social. - A definición de liñas de base, aínda que sexan moi simple, para poder comparar indicadores e medir impactos, faise esencial no proceso das accións de desenvolvemento en xeral e dos PICD en particular, e así débese incluir na lóxica do proxecto, contando cos recursos necesarios para levantala e para facer o monitoreo posterior. Nesta etapa, xunto coa etapa de identificación, é na que máis débese contar coa participación de tódolos axentes. MELLORAS NOS PICD

14. - Tratar de establecer cronogramas equilibrados con reparto de responsabilidades e funcións entre os membros do grupo para asegurar calidade, traballando con enfoque ao proceso e non aos fitos. - Función específica nos grupos encargados da xestión dos PICD, onde é especialmente importante pola súa vocación de traballo a longo prazo e rendición de contas a axentes externos, de responsable de monitoreo interno do funcionamento do grupo en relación ós recursos humanos e ó ritmo de traballo, e que detecten necesidades das persoas voluntarias, ou deficiencias que se den nos ritmos de traballo. MELLORAS NOS PICD

15. - Vencello real e operativo dos PICD co proceso da EpD e Educación para a Cidadanía Crítica , e coas campañas de sensibilización e incidencia, de xeito que se trascenda o impacto local dos mesmos e sexan unha ferramente real de loita contra a desigualdade e as súas causas profundas. - Tecnoloxías para o Desenvolvemento Humano. - Voluntariado e base social como ferramenta de formación e transformacion de comportamentos , de xeito que o voluntario ten a participacion e responsabilidade nas decisións estratéxicas e operativas nos grupos de PICD como parte do proceso de EpD e creación de conciencia de desenvolvemento e transformación social. O persoal contratado é simplemente un apoio para acadar isto , e unha ferramenta para o aseguramento da calidade. EIXOS E PRINCIPIOS NOS PICD

16. - Traballo en rede en terreo e no norte para acadar sinerxias, buscando impactos maiores das actuacións, o enriquecemento mútuo, e o fomento do pensamento crítico. -Creación, fortalecemento e promoción das capacidades locais das persoas e institucións para asegurar o protagonismo dos pobos no seu propio desenvolvemento, así como asegurar a sostenibilidade real das accións e o poder prescindir da presenza de ESF Galicia a medio prazo . - Promoción de procesos de transformación de carácter estructural e integral, non accións puntuais e isoladas. - Transparencia e rendición de contas a toda a sociedade, financiadores e poboación meta. EIXOS E PRINCIPIOS NOS PICD

17. - Promoción dos Dereitos Humanos , con especial atención a enfoque de equidade de xénero e/ou grupos vulnerables (nenez, minorías étnicas, desprazados). - Intercambio, Investigación, Desenvolvemento e Innovación nas actuacións dos PICD, como ferramenta para a mellora continua, cuestionamento da filosofía e metodoloxías de traballo, e enriquecemento do sector da cooperación ao desenvolvemento. - Perspectivas de defensa do medio ambiente e prevención e mitigación dos risco, e integración con programas de desenvolvemento xa existentes. - Promoción da participación crítica e responsable dos distintos axentes en cada fase (desde a poboación meta e copartes até o grupo de proxectos). - Eficiencia no uso de recursos . EIXOS E PRINCIPIOS NOS PICD

18. CICLO DO PROXECTO (PICD)‏

19. CICLO DO PROXECTO (PICD)‏ - Novos programas (sector, país, coparte?). Aprobación XD e ratificación Asemblea. - Convenios para a execución dos PICD, sendo operativos, pódense firmar sen aprobación de XD, co visto bo da comisión de PICD. - Formulación interna de ESF, e posteriormente adaptación a financiadores. Papel destacado da comisión PICD. - Comisión PICD. Formación e regulamento. A partir deste manual rematar a súa delimitación e aprobar o regulamento formalmente nunha próxima Asemblea. De momento segue como estaba? (vogal+representantes dos grupos de PICD+representante de accións no norte ou EpD+ técnico de PICD con voz sen voto).