Araling Panlipunan 4 - 3rd Quarter | Topic 4

1. Pamahalaan
ARALING PANLIPUNAN 4 – 3RD QUARTER | TOPIC 4
Prepared by: Eddie San Z. Peñalosa

2. Paksang Tatalakayin:
 Kahulugan ng Pamahalaan.
 Demokratikong Pamahalaan ng Pilipinas.
 Republikanong Pamahalaan ng Pilipinas.
 Iba pang Katangian ng Pamahalaan ng Pilipinas.

3. Kahulugan ng
Pamahalaan

4. Kahulugan ng Pamahalaan
Ang Pamahalaan ay isang institusyong gumagawa at
nagpapatupad ng mga batas. Pangunahing tungkulin ng pamahalaan
ang pagtataguyod ng kagalingan ng mga mamamayan.
Isinaaayos ng Pambansang Pamahalaan ang lahat ng bagay sa
loob ng bansa upang maging matiwasay ang paninirahan ng mga
mamamayan dito.

5. Ang Demokratikong
Pamahalaan ng
Pilipinas

6. Ang Demokratikong Pamahalaan ng Pilipinas
Ang Demokrasya ay isang uri ng pamahalaan kung saan
ang kapangyarihan ng mga namumuno sa bansa ay nagmula sa
mga mamamayan. Kinikilala na ang demokratikong pamahalaan
ay dapat na “Pamahalaan ng mga tao, sa mga tao, at para sa
tao.”

7. Ang Demokratikong Pamahalaan ng Pilipinas
Dalawang Uri ng Demokrasya:
1. Tuwirang Demokrasya.
2. Di – Tuwirang Demokrasya.

8. Ang Demokratikong Pamahalaan ng Pilipinas
Tuwirang Demokrasya.
Ang kagustuhan ng estado ay nabubuo at ipinatutupad
nang madalian sa pamamagitan ng pagdaraos ng mga
pagpupulong o asembleya. Hindi ito gumagamit ng mga
delegadong pinili ng mga tao upang kumatawan sa kanila.

9. Ang Demokratikong Pamahalaan ng Pilipinas
Di-Tuwirang Demokrasya.
Ang kagustuhan ng estado ay nabubuo at ipinatutupad sa
pamamagitan ng mga ahensiya na binubuo ng mga pinuno na
pinili at inihalal ng mga mamamayan upang maging kinatawan
nila.

10. Ang Demokratikong Pamahalaan ng Pilipinas
Dalawang Mukha ng Demokrasya:
1. Mabuting Aspekto.
2. Di – Mabuting Aspekto.

11. Ang Demokratikong Pamahalaan ng Pilipinas
Mabuting Aspekto.
A. Ang panganib na dala ng himagsikan ay naglalaho dahil
nagagawa ng mga tao na idaan sa mapayapang paraan ang
mga ninanais nilang pagbabago.

12. Ang Demokratikong Pamahalaan ng Pilipinas
Mabuting Aspekto.
B. Hinihikayat nito ang mga mamamayan na makilahok sa mga
gawain ng pamahalaan sa pamamagitan ng konsultasyon at
pakikiisa sa mga proyekto ng pamahalaan na nakaapekto sa
buhay ng lahat.

13. Ang Demokratikong Pamahalaan ng Pilipinas
Mabuting Aspekto.
C. Natuturuan nito ang mga mamamayan hinggil sa mga
kaalaman at pag – unawa sa mga ginagawa ng pamahalaan
sa pagpapatakbo ng bansa.

14. Ang Demokratikong Pamahalaan ng Pilipinas
Mabuting Aspekto.
D. Ginigising nito ang mga mamamayan hinggil sa kanilang
responsibilidad at sa katotohanang ang tagumpay at
kabiguan ng pamahalaan ay nakasalalay sa kanila.

15. Ang Demokratikong Pamahalaan ng Pilipinas
Mabuting Aspekto.
E. Nagagawa nitong bantayan ang mga karapatan at kalayaan
ng mga mamamayan.

16. Ang Demokratikong Pamahalaan ng Pilipinas
Di-Mabuting Aspekto.
A. Naniniwala ang tanyag na pilosopong Griyego na si Plato na ang
demokrasya ay maaaring magbunga o humantong sa pag – iral
mga batas ng mga walang gaanong kaalaman. Dapat na may
sapat na kaalaman at karanasan ang mga namamahala sa bansa.

17. Ang Demokratikong Pamahalaan ng Pilipinas
Di-Mabuting Aspekto.
B. Hindi mabubuting pulitiko ang nahahalal sa tungkulin dahil
maraming mga botante ang ipinagpapalit ang kanilang boto
sa salapi.

18. Ang Demokratikong Pamahalaan ng Pilipinas
Di-Mabuting Aspekto.
C. Kapag halalan, labis ang ibinibigay na kahalagahan ng mga
tao sa kasikatan ng mga kandidato kaysa kanilang
kasanayan at kakayahan.

19. Ang Republikanong
Pamahalaan ng Pilipinas

20. Ang Republikanong Pamahalaan ng Pilipinas
Ang Republikanong Pamahalaan ng isang demokratikong
estado ay binubuo ng mga kinatawan na pinili ng mga
mamamayan sa panahon ng halalal. Ang diwa ng
republikanong pamahalaan ay ang pagkakaroon nito ng di-
tuwirang pamamahala ng mga mamamayan sa bansa.

21. Ang Republikanong Pamahalaan ng Pilipinas
Ang mga kawani, mula sa pinakamataas hanggang sa
pinakamababa, ay pawing tagapaglingkod lamang ng mga
mamamayan. Hindi sila ang mga amo ng mga tao. Ang tanging dapat
nilang gawin ay gamitin ang mga kaloob sa kanilang kapangyarihan
sa paglilingkod sa sambayanan na pinagmumulang ng mga kanilang
awtoridad.

22. Mga Katangian ng
isang Demokratiko at
Republikanong Estado

23. Mga Katangian ng isang Demokratiko at
Republikanong Estado
Naiiba ang pamahalaang demokratiko at republikano dahil sa mga
sumusunod nitong katangian:
1. May pinananatili itong kalipunan ng mga karapatan (Bill of Rights).
2. Mayroon itong pagpapahalaga sa pasiya ng nakararami.
3. Sinusunod nito ang prinsipyong “ang pamahalaan ay pinamahahalaan
ng mga batas at hindi ng mga umuugit dito.”

24. Mga Katangian ng isang Demokratiko at
Republikanong Estado
4. Nagsasagawa ito ng halalan batay sa kagustuhan ng lahat.
5. Pinananatili nito ang prinsipyo ng hiwalay na kapangyarihan at ang
Sistema ng check and balance.
6. Ipinatutupad nito ang mga batas sa mga pampublikong tanggapan.
7. Ipinatutupad nito ang prinsipyo na ang estado ay hindi maaaring
maihabla nang wala itong pahintulot.

25. Iba pang Katangian ng
Pamahalaan ng
Pilipinas

26. Iba pang Katangian ng Pamahalaan ng Pilipinas
Bukod sa mga nabanggit na, ang pambansang pamahalaan
ng Pilipinas ay nagtataglay din ng mga katangiang yunitaryo at
presidensiyal.

27. Iba pang Katangian ng Pamahalaan ng Pilipinas
Yunitaryo
Ito ay katangian ng pamahalaan kung saan nasa ilalim ng
kapangyarihan ng pamahalaang pambansa ang pagpapatakbo sa
lahat ng gawain sa bansa. Nasa ilalim din ng kapangyarihan ng
pamahalaang panlalawigan, pamahalaang panglungsod,
pamahalaang pambayan, at pamahalaang pambarangay.

28. Iba pang Katangian ng Pamahalaan ng Pilipinas
Yunitaryo
Sa ilalim ng pamahalaang yunitaryo, ang pananatili at
kapangyarihan ng mga pamahalaang local ay nagmumula sa
pamahalaang pambansa.
Sentralisado ang isa pang tawag sa pamahalaang yunitaryo. Ang
Republika ng Pilipinas ay may ganitong uri ng pamahalaan.

29. Iba pang Katangian ng Pamahalaan ng Pilipinas
Presidensiyal
Ito ang uri ng pamahalaan kung saan ang sangay ng
tagapagganap o ehekutibo ay malaya sa sangay ng
tagapagbatas o lehislatura. Dito, ang mga kalihim na
namumuno sa iba-ibang kagawaran na bubuo sa gabinete ay
pinipili ng pangulo.

30. Iba pang Katangian ng Pamahalaan ng Pilipinas
Presidensiyal
Sa ilalim ng pamahalaang presidensiyal, magkahiwalay ang
kapangyarihan ng ehekutibo at lehislatura. Hindi maaaring alisin ng
pangulo ang sangay ng tagapagbatas o lehislatura. Hindi rin naman
maaaring gampanan ng mga mambabatas at ipatupad ang batas
sapagkat tungkulin ito ng pangulo.

31. Salamat sa Pagsubaybay