Pagsusuri ng Liham

1. PAGSUSURI
NG
LIHAM

2. ISIPIN Inay, ilang araw na po akong
liban sa klase. Baka
hinahanap na po ako ng
guro namin.
Huwag kang mag-alala, Anak.
Sumulat na ako sa inyong guro.
Ipinadala ko sa kamag-aral
mong si Rosy.

3. BASAHIN
Sumulat si Gng. Elsie Esteban ng isang liham
na humihingi ng paumanhin sa pagliban ng
kaniyang anak sa klase.

4. BASAHIN 60 Molave St.
Brgy. Calendola
San Pedro, Laguna
Pebrero 20, _________
Mahal kong Bb. Legaspi,
Ipagpaumanhin po ninyo ang dalawang araw na pagliban sa
klase ng anak kong si Sheena May. Natrangkaso po siya at
pinapagpahinga ng doktor. Hanggang ngayon ay inuubo pa po siya.
Sisikapin po niyang mapag-aralan sa kaniyang pagbabalik
ang mga araling hindi niya nakuha.
Salamat po sa inyong pang-unawa.
Gumagalang,
Gng. Elsie M. Esteban

5. 1.Bakit sumulat kay Bb. Legaspi si Gng. Esteban?
2.Bakit kailangang malaman ng guro ang dahilan ng
pagliban ni Sheena May sa klase?
3.Ano ang karaniwang pananalitang ginagamit sa
paghingi ng paumanhin?
4.Ano-anong sitwasyon ang maaaring dahilan ng
paghingi ng paumanhin?
5.Ano-ano ang bahagi ng liham na humihingi
paumanhin?
TALAKAYIN

6. ALAMIN
Ang liham pangkaibigan ay may
dalawang anyo. Pansinin ang sumusunod na
dalawang anyo ng liham.

7. A. Anyong Di-Ganap na Block
_____________
_____________
_____________
_____________________,
_________________________________________________________
________________________________________________________________
________________________________________________________________.
_________________________________________________________
________________________________.
_____________,
_____________

8. Pansinin na may pasok bawat talata.
Pantay ang guhit sa kaliwa ng pamuhatan,
bating panimula at ng mga pangungusap sa
katawan ng liham, at ng bating pangwakas at
lagda.

9. B. Anyong Ganap na Block
_____________________________
__________________________
__________________________
__________________________,
_________________________________________________________________
_________________________________________________________________
_________________________________________________________________.
_________________________________________________________________
_________________________________________________________________
_________________________________________________________________.
__________________________,
__________________________

10. Napansin mo ba ang pagkakaiba ng anyo
ng liham A sa liham B? Wala nang pasok sa
bawat talata at pantay sa kaliwa lahat ng
bahagi ng liham.
Ang liham A ang dating anyo ng liham
ngunit maaari na ring gamitin ngayon ang
anyong tulad ng sa B.

11. TANDAAN
1. Ang mga bahagi ng liham pangkaibigan ay
siya ring mga bahagi ng sumusunod na uri ng
liham:
a. liham na humihingi ng paumanhin
b. liham paanyaya
c. liham pasasalamat
d. liham pakikiramay
e. liham pakikibalita
f. liham pagbati

12. TANDAAN
2. Ang mga nabanggit na uri ng liham ay may
limang bahagi:
a. pamuhatan
b. bating pambungad o panimula
c. katawan ng liham
d. bating pangwakas
e. lagda
3. Ang kuwit ay ginagamit sa bating pambungad
at bating pangwakas.

13. TANDAAN
4. Ginagamit din ang kuwit sa paghihiwalay ng
buwan at taon.
5. Ipinapasok ang unang salita ng talata.
6. Ang mga panandang tuldok, tandang
pananong, at tandang padamdam ay ginagamit
sa angkop na pangungusap.
7. May dalawang anyo ang liham pangkaibigan
a. Anyong di-ganap na block
b. Anyong ganap na block

14. SABIHIN Mag-usap kayo ng kapareha mo. Iwasto ang
kamalian sa sumusunod na liham na nasa anyong A.
Isulat na muli ang liham sa anyong B.
1018 Teresa St.
Ermita Maynila
Pebrero 25 ______
mahal kong Melvin
Inaanyayahan kitang dumalo sa kaarawan ko sa sabado ika-
3:00 ng hapon. May kaunting salusalo sa bahay kaya dumalo sana
kayo. Isama mo ang mga kapatid mo.
Hanggang dito na lamang at hihintayin ko kayo.
Ang iyong kaibigan
emman

15. GAWIN A. Anong bahagi ng liham ang sumusunod:
1. Ang inyong mag-aaral,
2. 23 Anubing St.
San Antonio Village
Pebrero 20,2010
3. Mahal kong Bb. Reyes
4. Lourdes Ruiz
5. Ikinalulungkot kong sabihin sa inyo na hindi
ako makadadalo sa pulong sa Linggo ng
hapon.

16. GAWIN B. Bigyan ng sariling halimbawa ang hinihinging
mga bahagi ng liham sa anyong di-ganap na block
at sa anyong ganap na block.
a. bating panimula
b. pamuhatan
c. bating pangwakas
d. katawan ng liham
e. lagda

17. ISULAT Bumuo ng sariling liham tungkol sa alinman sa
sumusunod:
1. Pagliban sa klase dahil maysakit ang iyong ina.
2. Hindi pagdalo sa pulong ng inyong samahan
dahil kasabay nito ang huling pagsusulit sa
Filipino.
3. Pagbabalita tungkol sa magagandang tanawin
sa ating bansa.
4. Pagbati sa pistang-bayan sa inyong mga pinsan.
5. Pag-aanyaya sa darating na bakasyon.