Araling Panlipunan 9

1. MgaSalik na Nakaaapekto
sa Pangangailangan at
Kagustuhan
ARALING PANLIPUNAN 9
Prepared by: Eddie San Z. Peñalosa

2. MgaSalik na
Nakaaapekto
 Mataas na Kita
 Edukasyon
 Presyo
 Edad
 Okasyon
 Panlasa
 Trabaho o Hanapbuhay
 Panahon
 Pag – aanunsiyo
 Makabagong Inobasyon at Imbensiyon
 Mga Katangian at Sariling Pagpapahalaga

3. Mataas na Kita
Ang pangangailangan ay naiimpluwensiyahan din ng
kita (income). Ayon kay Ernest Engle na isang ekonomistang
German, ang mga pangunahing pangangailangan lamang ang
ginugugulan o ginagastusan kapag maliit lamang ang kita,
ngunit kapag Malaki ang kita, maliit na bahagi lamang ang
ginugugol para sa pagkain. Ang iba naming pangangailangan
at napapaunta sa luho. Sinasabing ito ang dahilan kung bakit
ang karamihan ng mga manggagawa ay naghahangad ng
malaking kita.

4. Edukasyon
Nakaaapekto sa pagkakaiba ng pangangailangan
ang antas ng edukasyong natamo ng isang indibidwal.
Hinuhubog nito ang panlasa ng tao sa pagkain,
babasahin, pananamit, panoorin, lugar na titirhan, at iba
pa.

5. Presyo
Malaki ang kinalaman ng presyo sa
pangangailangan at kagustuhan ng tao. Kapag mababa
ang presyo ng serbisyo at produkto, tulad ng damit,
sapatos, pagkain, at iba pa, medaling maeengganyong
bumili ng mga ito kahit minsan hindi naman talaga
kailangan.

6. Edad
Patuloy na nagbabago ang pangangailangan at
kagustuhan ng tao mula sa kanilang pagiging sanggol
hanggang sa pagtanda.

7. Okasyon
Nagbabago ang mga pangangailangan at kagustuhan
ng tao depende sa okasyong ipinagdidiriwang. Halimbawa:
Pasko, kailangan ng mga parol, Christmas tree/lights, at iba pa
bilang mga palamuti sa bahay; maraming pagkain para sa
Nochebuena, bagong kasuotan para sa mga bata; at iba pa. Ito
ay pagdiriwang para sa mga bata. Samantalang halimbawa
kapag Valentine’s Day, mabili ang mga tsokolate at bulaklak.
Ito ay pagdiriwang naman para sa mga nagmamahalan na
mag-asawa o magkasintahan.

8. Panlasa
May magkakaibang panlasa ang bawat
indibidwal na siyang nakaaapekto sa kaniyang mga
pangangailangan at kagustuhan. Halimbawa, sa
pagkain, may mga tao na ayaw ng gulay ngunit mayroon
naman na gulay lamang ang nais nilang kainin o yaong
mga tinatawag na vegetarian.

9. Trabaho o
Hanapbuhay
Nakapagpapabago sa kagustuhan at
pangangailangan ang kalagayan o posisyon ng tao sa
lipunan. May mga pagkakataon na maaaring itinuturing
na luho ng iba ang ilang bagay subalit sa iba ay
pangangailangan ito. Halimbawa, sasakyan at cell phone
na kinakailangan ng mga negosyante na maaaring hindi
naman kailangan ng ibang trabaho o hanapbuhay.

10. Panahon
Nagkakaroon ng pagtaas o pagbaba ang
pagnanais ng tao depende sa panahon.
Halimbawa: tag-ulan at tag-araw.

11. Pag-aanunsiyo
Ito ang pagbabago sa kagustuhan ay batay sa
mga napapanuod sa TV, naririnig sa radio, at nababasa
sa mga pahayagan. Higit lalo kung ito ay ineendorso ng
paborito mong artista.

12. Makabagong
Inobasyon at
Imbensiyon
Sa dahilang nais ng tao ang bago o sunod sa uso,
ninanais niya na magkaroon o makagamit ng mga bagay
tulad ng laptop, cell phone, at iba pang mga modernong
kagamitan na siyang nakapagpapasiya at
nakakapagpaparamdam sa kaniya ng komportableng
pamumuhay.

13. Mga Katangian
atSariling
Pagpapahalaga
Ang katangian at sariling pagpapahalaga ng tao
ang nagtutulak sa kaniya na maghangad ng iba’t ibang
bagay. Halimbawa, may mga taong likas na matipid,
kuripot, o kaya naman ay bulagsak sa pera. Ang pag –
uugaling ganito at depende kung anong pagpapahalaga
meron ang isang tao.